💞'အမုန်းတော်ခံ မိန်းမသား'💞 (Completed)

Part-18

Unicode ver

''Ring!´´

Laptopဆီအာရုံတစိုက်ကြည့်နေရင်းမှ မြည်သံပေးလာသည့်ဖုန်းထံ သူတစ်ချက်လှမ်းကြည့်လိုက်၏။ငမွှေသီးလေးအိန်ဂျယ်လ်ဆက်နေခြင်းမို့ ရုတ်တရက်ဖုန်းမကိုင်ဖြစ်ဘဲ အလုပ်ကိုသာအာရုံစိုက်နေလိုက်သည်။အသစ်ရိုက်ကူးမယ့် Drama seriesက companyရဲ့budgetငွေအများဆုံးရင်းနှီးမှုဖြစ်ပြီးmain character roleတွေကအစ သေချာသုံးထားတာမို့ အတော်လေးအာရုံထားကိုင်တွယ်ရ၍ ဒီရက်ထဲ အလုပ်တွေကများသည်။

ဒါကိုတောင် အဲ့ငမွှေသီးလေးနှစ်ယောက်ပေါင်းမိချိန်ကစပြီး သူ့မှာကလေးထိန်းအလုပ်ကပိုလာရသည်။အိန်ဂျယ်လ်ကသည်းသက်ဆီနေ့တိုင်းသွားလည်နေပြီး နှစ်ယောက်အတူရှော့ပင်ထွက်လိုက်၊မုန့်စားလိုက်...တစ်ခါတစ်လေများဆို Pearနဲ့အတူခြံထဲမှာကစားကြသေး၏။ပြီးရင် သူ့ဆီလည်းဖုန်းတွေခေါ်သည်။ပုံတွေပို့သည်။နောက် ဗီဒီယိုကောလ်တွေပါခေါ်တာမို့ အလုပ်လုပ်နေတဲ့အချိန်မနှောင့်ယှက်ဖို့ သူ့မှာဆူထားရသေးသည်။

သမီးယောင်းမနှစ်ယောက်ဒီလိုချစ်ကြည်နေတာကပြသာနာမဟုတ်။အချစ်ကြည်လွန်ပြီး နှစ်ယောက်ပေါင်းလောင်းကျော်နေတာကတော့ ပြသာနာဖြစ်လာပြီ။ဒီလိုလျှောက်သွားနေရင်း တစ်ခုခုဖြစ်မှ မခက်ပေဘူးလား။စိုးရိမ်လို့လည်း အမြဲဆူနေရတာပါ။အခုလည်းပြောထားတဲ့ကြားကဖုန်းခေါ်ပြန်ပြီ။

''Ring!´´

5ကြိမ်ဆက်တိုက်ခေါ်နေခြင်းမို့ သူဒီတစ်ခါတော့ဖုန်းကိုဖွင့်လိုက်ပြီး...

''ပြော! ဘယ်သွားပြီး ဘာတွေလုပ်နေကြပြန်တာလဲ´´

''.....´´

''ဘာပြောတယ်´´

တစ်ဖက်ကကြားလိုက်ရသောစကားကြောင့်ရင်မှာထိတ်ခနဲပင်။လူကပါနေရာမှထရပ်မိပြီး အပြင်ဘက်ခြေလှမ်းရွယ်လိုက်စဥ်...

''ဟင်!
meetingဝင်ရမယ်လေ ကောင်းကင်...မင်းဘယ်သွားမလို့လဲ´´

''အိမ်ခဏပြန်ရမယ်
အရေးကြီးလို့´´

''ဒီနေ့sceneကရော´´

''မင်းပဲကြည့်လုပ်လိုက်တော့ကွာ
sorry´´