💞'အမုန်းတော်ခံ မိန်းမသား'💞 (Completed)

Part 56

Unicode ver

''မီးတွေ...စံအိမ်ထဲမှာမီးတွေလောင်နေတယ်
ကယ်ကြပါဦး''

''အဟင့်!...ဒယ်ဒီ!...မာမီ!''

ပူပြင်းစွာလောင်မြိုက်နေသောမီးတောက်ကြားပျံ့လွင့်နေသည့် ငိုရှိုက်သံလေးကခပ်သဲ့သဲ့။သို့သော် သူမအပြင်ရောက်လာတော့ တွေ့လိုက်ရသည်များဟာ လှုပ်ရှားမှုမရှိတော့သော ရုပ်အလောင်းတွေသာဖြစ်လေသည်။

''အား!! မာမီ...ဒယ်ဒီ သမီးကိုကြည့်ပါဦး ဟင့် ဟင့်''

''ဘယ်လိုလုပ်အသက်ရှင်တဲ့သူထပ်ရှိနေတာလဲ
အသံမထွက်စေနဲ့ ပိတ်ထားအဲ့ပါးစပ်ကို''

''သူဌေးရှာခိုင်းတဲ့ပစ္စည်း မတွေ့ဘူး''

''တောက်!!''

''ချာတိတ်လေး...မင်းအဖေရဲ့ပတ္တမြားဘယ်မှာထားလဲ သိသလား''

''ဟင့်အင်း မသိဘူး ငယ်မသိဘူး''

''ဖြောင်း!!''

ထိုလူမှပြင်းထန်စွာရိုက်ချလိုက်တာမို့ လွမ်းဥဩငယ်ကိုယ်လေးကြမ်းပြင်ထက်ပုံလျက်သားလဲကျသွားရသည်။

''မီးကများနေပြီ
ရတာပဲယူပြီး အကုန်ထွက်မယ် လူစုကြ''

''ခေါင်းဆောင် သူ့ကိုရော''

''ထားလိုက်တော့ ပေါက်စနလေးပဲ
သူ့ဘာသာရုန်းကန်ပါစေ..ခြေနဲ့လက်တွေကိုကြိုးတုပ်ခဲ့လိုက်''

''ဟုတ်ကဲ့''

''မလုပ်ပါနဲ့ မလုပ်ပါနဲ့
အား!!''

ခြေလက်တွေကိုကြိုတုပ်ခံလိုက်ရချိန်မှာ စံအိမ်ပတ်လည်ကမီးတွေသည်လည်းဟုန်းဟုန်းတောက်နေပြီဖြစ်သည်။သူမက မီးလောင်တိုက်ထဲအရှင်လတ်လတ်အသွင်းခံရသကဲ့သို့ ထိုနေရာဝယ်တတွန့်တွန့်လူးရင်းကျန်နေခဲ့ရသည်။ဘေးကိုကြည့်တော့လည်း ဒယ်ဒီနှင့်မာမီဟာ အသိသတိကင်းမဲ့နေလျက်...။

''မာမီ!!!
ဒယ်ဒီ!!! ထပါဦး...သမီးကြောက်တယ်...ကြောက်တယ်...အား!!''

ဘယ်လိုပင်ခေါင်းကိုတွင်တွင်ခါးယမ်းထုတ်ပစ်လည်းကြောက်လန့်ဖွယ်ပုံရိပ်တွေဟာလွင့်ပျောက်မသွားခဲ့။ထိုစဥ်မှာပဲ အာရုံထဲထပ်၍တိုးဝင်လာသည့်ပုံရိပ်များက...