Unicode ver
''အဖေ ဘာတွေစဥ်းစားနေတာလဲ''
အဝေးတစ်နေရာကိုငေးကြည့်ရင်း တစ်ခုခုကိုအလေးအနက်တွေးနေပုံရတဲ့အဖေက သူ့စကားသံကြားမှအသိဝင်သွားလေ၏။ဒီတလောအဖေ့ကိုကြည့်ရတာ တစ်မျိုးပဲ။ဘာတွေများစဥ်းစားစရာရှိနေပါလိမ့်။
''သား ပြန်လာပြီလား
ဝင်ခွင့်တင်တာအဆင်ပြေခဲ့ရဲ့လား''''ဟုတ်ကဲ့ ပြေပါတယ်''
''သား ဒီမှာနေရတာရောအဆင်ပြေရဲ့လား''
ရုတ်တရက်အထူးအဆန်းမေးလိုက်ခြင်းမို့ ကောင်းကင်မျိုးဆက်ခဏမျှငြိမ်သွားမိရသည်။အရင်ကအဖေမေးနေကျဟာ ကျောင်းမှာအဆင်ပြေလားဆိုတာပဲဖြစ်သည်။ဒီအိမ်မှာနေရတာအဆင်ပြေလားလို့အဖေတစ်ခါမှမမေးခဲ့ဖူးပါဘူး။
''ဒီအိမ်မှာ ကျွန်တော်တို့အမြဲအဆင်ပြေခဲ့တာပဲလေ
အဖေဘာဖြစ်လို့လဲ''''ဟင့်အင်း မဟုတ်ပါဘူး
အဖေကဒီအတိုင်းမေးကြည့်တာ''''ဟုတ် ဒါဆိုကျွန်တော်အပြင်ခဏသွားလိုက်ဦးမယ်''
အရောင်တလက်လက်မျက်ဝန်းလေးနဲ့ပြောလာခြင်းကို ဦးနေမျိုးဆက်ချက်ချင်းသဘောပေါက်လိုက်ပါ၏။သားကအခုဆို လူပျိုအရွယ်လေးဖြစ်ပြီ။ချစ်သူရည်းစားလေးကလည်းရှိပြန်တော့ သူ့ခမျာတွေ့ချင်မြင်ချင်ရှာမှာပေါ့လေ။တစ်ခြံဝန်းထဲအတူနေကြသည့်တိုင် သူဌေးကတော်ရဲ့မျက်လုံးထဲမြင်စရာဖြစ်လာမှာစိုးလို့ ကလေးနှစ်ယောက်ဟာ အမြဲလိုကျိတ်မှိတ်ဆင်ခြင်နေရသည်မဟုတ်လား။
''သမီးလေးနဲ့ချိန်းထားတာလား''
''ဟုတ်တယ်
ငယ်အခုလောက်ဆိုစောင့်နေမှာ''''အင်း သွားလေ သား
ကလေးကိုဂရုစိုက်နော်၊ပြီးတော့ အရမ်းမိုးမချုပ်စေနဲ့''''ဟုတ်ကဲ့''
အဖေ့ကိုပြောပြီးသည်နှင့် သူကင်မရာလေးလည်ပင်းမှာသိုင်းကာ ဩငယ်စောင့်နေမည့်နေရာဆီစက်ဘီးလေးနှင့်လာခဲ့လိုက်၏။အခုဆိုဝါသနာကိုအစပျိုးဖို့ သူ့မှာကင်မရာလေးတစ်လုံးရှိသည်။ဒါကိုအဖေကလက်ဆောင်ပေးခဲ့တာဖြစ်ပြီး အထဲမှာမှတ်တမ်းတင်မိသမျှကတော့ ချစ်ရတဲ့ကလေးလေးပုံတွေချည်းသာဖြစ်သည်။အခုဆို ကောင်းကင်မျိုးဆက်ကမန္တလေးမှာတက္ကသိုလ်ဝင်ခွင့်တင်ပြီးပြီ။ကလေးကလည်းYUFLကိုရွေးလိုက်တာကြောင့် တက္ကသိုလ်ဖွင့်ရင် သူတို့နှစ်ဦးစလုံးမန္တလေးသွားရမှာမို့ နှစ်ယောက်သားတက္ကသိုလ်အိပ်မက်တွေအတွက် ကြိုလည်းပျော်နေခဲ့ကြ၏။
YOU ARE READING
💞'အမုန်းတော်ခံ မိန်းမသား'💞 (Completed)
Romance''ခြားနားခြင်းတွေ ဘယ်လောက်များလည်း... နာကျင်ခြင်းတွေ ဘယ်လောက်များလည်း... အရာရာဟာ ပြောင်းလဲသွားခဲ့လည်း... နှလုံးသားတွေ မပြောင်းလဲခဲ့တဲ့အခါ ကိုယ်တို့ကျိန်းသေထပ်ချစ်နိုင်ကြတယ်....၊ မိုင်ပေါင်းများစွာ ဝေးကွာခဲ့ရလည်း ဒီနှောင်ကြိုးတွေဟာဖြင့် ဘယ်အခါမှ မပြယ...