💞'အမုန်းတော်ခံ မိန်းမသား'💞 (Completed)

Part 42

Unicode ver

'ကျမတို့ရဲ့ The Popular Director of the yearဖြစ်ပါတယ်ရှင့်...Congraulations ကောင်းကင်မျိုးဆက်!!''

''ဖျောင်း! ဖျောင်း!''

ပွဲတစ်ခုလုံးထဲတရိပ်ရိပ်ပြေးနေတဲ့မီးရောင်ဟာ သူ့ကိုယ်ပေါ်မှာတစ်ကွက်ထဲထိုးစိုက်လာပြီး လက်ခုပ်သံတွေဆူညံနေသည်အထိ ကောင်းကင်လုံးဝသတိမပြုမိပေ။သူစိုးရိမ်တကြီးကြည့်နေတာက အသည်းရဲ့မျက်နှာ။အသည်းတစ်ခုခုပြောလာလိမ့်မလား၊တစ်ခုခုဖြစ်သွားလေမလားဟူသော ပူပန်ခြင်းမှာ အသက်ရှူ၍ပင်မဝ။ဘေးကစကားသံတွေ မကြားသလို စင်ပေါ်ကဖိတ်ခေါ်သံကိုလည်း သူမသိတော့ပါ။

''မောင်!''

''အင်း အသည်း ပြောလေ
မောင်ရှိတယ်''

''မောင့်ကိုခေါ်နေတယ်
မောင့်နာမည်ကြော်ငြာလိုက်ပြီ''

''အသည်းအဆင်ပြေရဲ့လား
ဘယ်လိုနေလဲ မောင့်ကိုပြော''

ထပ်၍မေးလာတော့ သည်းသက်ခေါင်းလေးယမ်းကာ မျက်နှာကိုချက်ချင်းပြင်လိုက်ရသည်။ထို့နောက် မောင့်လက်ဖျားလေးဆီတင်းတင်းဆုပ်ကိုင်ထားလျက်မှ...

''အသည်းဘာမှမဖြစ်တော့ဘူး
ဟိုမှာ ဟိုဘက်ကိုကြည့်ဦး''

ကလေးအခြေအနေကအရမ်းကြီးဆိုးပုံမရတာကြောင့်သူလည်းအခုမှစိတ်အေးနိုင်ပါသည်။တစ်ဖက်projectorကိုလှည့်ကြည့်တော့ ''Be With you''ဟူသောtitleနဲ့အတူ သူ့ရဲ့အကောင်းဆုံးဖန်တီးမှုတစ်ခုအားပြသနေပြီဖြစ်သည်။တော်သေးတာပေါ့။တခြားဇာတ်လမ်းနဲ့ဆုရတာဖြစ်နေလို့။နောက်တစ်ခါသာ Peony Heavenထပ်ဖွင့်ပြရင် ကမ္ဘာပျက်ရဦးမှာ သူပဲလေ...။

''The best director of the year ကောင်းကင်မျိုးဆက်ကိုကြိုဆိုပါတယ်...ကြွပါရှင့်''

''ဖျောင်း! ဖျောင်း! ဖျောင်း!''

လက်ခုပ်သံတွေထပ်ကြားရချိန်မှာတော့ ကောင်းကင် ကလေးရဲ့နဖူးလေးအားငုံ့နမ်းကာ နေရာမှထရပ်လိုက်သည်။ထို့နောက် မီးရောင်တွေတဖျတ်ဖျတ်လက်နေသော stageစင်မြင့်ထက် ခပ်သွက်သွက်လျှောက်သွားလိုက်၏။

''sorry!''

စင်ပေါ်ရောက်သည်နှင့် တင်ဆက်သူတွေဘက် သူအားနာစွာဆိုမိတော့ ပြုံး၍သာကြည့်နေကြလေ၏။စောစောက ဘာမှဂရုမစိုက်ဘဲ မိန်းမကိုသာအာရုံရောက်နေတဲ့သူ့ပုံက projectorမှာပေါ်သွားခဲ့သည်လေ။