In Love with the Beast [ABWC Spin-Off]

Chapter 21

Honey

Ala una na ng madaling araw, pero tila wala pa ring balak na dalawin siya ng antok. Paulit-ulit nag-pi-play sa utak niya 'yong asar na mukha ni Ali kanina na bitin sa makeout session nila. Naasar din naman siya dahil pareho lang silang nabitin, pero mas obvious 'yong pagkabadtrip nito na hindi man lang ineffort-an itago. Si Manang Lora naman kase! Panget ka-bonding!

Sa mga sumunod na araw ay halos ginawa niyang salas at kusina lang ang Makaslag at Maynila. Makailang ulit siyang nagpabalik-balik dahil sa kagustuhan ng Chairman Mendez na makipagmabutihan siya kay Jameson. Hindi niya alam kung anong mga kasinungalingan ang inimbento ng baliw na 'yon at nakarating sa kanyang ama na nagkakamabutihan na raw sila.

Paanong nagkakamabutihan sila eh ni hindi niya nga ito kinakausap ng tao sa tao? Sa tuwing nagkikita sila ay katakot-takot na mga pang-iinsulto ang ginagawa niya rito para lang matauhan na wala siyang interes sa gusto nilang mangyari. Dahil kahit ano pang gawin nitong pagpapakabait, hinding-hindi siya magpapakasal sa isang psychopath!

"What if bawasan mo ng slight ang kasungitan mo kay Jameson? Malay mo mapakiusapan mo pa 'yung tao na siya na lang mismo ang magkusang umatras?" suhestiyon ni Madelle. 

Narito sila sa opisina nito dahil katatapos lang niya ulit makipagkita kay Jameson.

"What if itikom mo na lang 'yang bibig mo kung wala ring magandang sasabihin?"

"I'm just giving you an idea, okay?"

"Then it's not a good idea." Inirapan niya ang kaibigan at saka nag-scroll ng kung anu-ano sa phone niya. "This setup is making me sick already. Gusto ko nang bumalik sa Makaslag!" 

Nakasimangot itong sumandal ng pabagsak sa kinauupuang sofa. Makahulugan namang ngumiti si Madelle.

"Miss mo na 'yung lalake mo ro'n, 'no?"

"Yes, I miss him so much. Happy? " pilosopo niyang sagot.

"Five months ka nang pabalik-balik sa bundok na 'yan. Hindi ka pa ba napapagod?"

"Napapagod! Sino bang gustong bumyahe lagi ng kulang limang oras para lang kitain ang mukha ng impaktong Jameson na 'yon? Kung hindi sana siya umepal, edi 5 months na sana akong mapayapang namumuhay sa Makaslag!"

"Makaslag na naman. Hay nako babae ka. Ipagdasal mo lang na hindi madiskubre ng Papa mo ang tungkol d'yan sa pinupuntahan mo at ako na ang nagsasabi sa 'yo, yari ka."

"Am I stupid to let him know?"

"Of course not, pero kilala mo si Chairman. Kaya niyang alamin ang ginagawa mo once na nakatimbre siya."

"No, he won't find it out," kumpyansang sagot niya.

"Ikaw bahala."

She was acting tough in front of Madelle kahit na ang totoo ay nag-aalala siyang mangyari nga ang sinasabi nito. Kaya rin siya nagtitiis na sumunod sa pakikipagkita kay Jameson para hindi siya mahalata ng Chairman na may pinagkakaabalahan siya sa malayo. She doesn't care about this before dahil pwede naman siyang lumipat sa ibang lugar kung sakaling madiskubre ang pinagtataguan niya. Pero ngayong tumagal na siya sa Makaslag, may parte sa kanya na ayaw umalis sa lugar na 'yon.

Makaslag Village is now her secret haven.

Nagpalipas siya ng gabi sa apartment ni Madelle dahil may party pa siyang kailangan daluhan bago bumalik sa Makaslag. Imposibleng malusutan niya ito dahil alam niyang binabantayan siya ng kanyang ama. Bakit ba kase may mga magulang na pati lovelife ng anak ay kailangan pakialaman!