တွယ်ငြိခြင်း ၃၆၅မူရင်းစာရေးသူ - 사하 (Saha)
ဘာသာပြန်သူ- Marilee
****
အခန်း ၅
နံနက် ၈နာရီမှာ အိပ်ရာနိုးလာခဲ့တယ်။
ရယ်ဟွာက အိပ်ရာပေါ်မှာပဲ ငါးမိနစ်လောက် ခဏလေး တရားစထိုင်လိုက်တယ်။ ပုံမှန်ဆို ယူကျုဘ်ကနေ စိတ်ကျန်းမာရေးအတွက် အထောက်အကူဖြစ်စေမဲ့ တေးသွားလေးတွေ ရှာဖွင့်တတ်ပေမဲ့ လောလောဆယ် ဖုန်းရော ကွန်ပျူတာပါ မရှိတာမို့ ဒီနေ့တော့ ဒီအတိုင်း တိတ်တဆိတ်ပဲ တရားထိုင်လိုက်တယ်။
တရားထိုင်ပြီးတဲ့နောက်မှာတော့ အနည်းငယ် အကြောလျှော့ပြီး မီးဖိုဆီထွက်လာခဲ့တယ်။ ရေသန့်စက်ထဲက ရေနွေးကို ရေခွက်ရဲ့ သုံးပုံနှစ်ပုံအထိရောက်အောင် ဖြည့်လိုက်ပြီးတဲ့နောက် အရမ်းပူပူကြီးဖြစ်မနေရအောင် ရေအေးအနည်းငယ် ရောလိုက်တယ်။
ရယ်ဟွာက ရေနွေးကို ဖြည်းဖြည်းချင်းသောက်ရင်း ရေခဲသေတ္တာကို ဖွင့်လိုက်တယ်။ မနက်စာအဖြစ် အသီးအရွက်သုပ်ဖြစ်ဖြစ် ရိုးရိုးရှင်းရှင်း ကိုရီးယားအစားအသောက်တစ်ခုခုဖြစ်ဖြစ် စားရမှဖြစ်မယ်..."..."
ရေခဲသေတ္တာ ဖွင့်လိုက်မိတဲ့ ရယ်ဟွာတစ်ယောက် တဒင်္ဂ ကြက်သေသေသွားခဲ့တယ်။ ရေခဲသေတ္တာထဲမှာ အသင့်သောက် နို့ချောကလက်ဘူးလေးတွေ ဒါဇင်ချီ စီရရီရှိနေတာကလွဲလို့ တခြားဘာမှမရှိခဲ့ပါဘူး။
အခဲခန်းကို ဖွင့်ကြည့်လိုက်တဲ့အခါ ပိုလို့တောင် ထူးဆန်းတာကို တွေ့လိုက်ရတယ်။ အခဲခန်းထဲမှာ စီးကရက်ဘူးတွေနဲ့ ရေခဲမုန့်တွေပဲ ရှိနေခဲ့တယ်လေ။
နေပါဦး ဘာလို့ စီးကရက်ကို အခဲခန်းထဲ ထည့်ထားရတာလဲ။ သူက အရူးမှန်း သိထားတာမှန်ပေမဲ့ တကယ်ကို ရူးကြောင်ကြောင်ကိစ္စတွေ အရမ်းလုပ်တဲ့သူပါလား။ ရေခဲသေတ္တာတံခါးကို ပိတ်ပြီးတဲ့နောက်မှာ ရယ်ဟွာတစ်ယောက် အုပ်ဂျုံလေးဘာလေးများ ရှိမလားလို့ မီးဖိုအနှံ့ အင်တိုက်အားတိုက် ရှာကြည့်လိုက်တယ်။
ရယ်ဟွာ တချွတ်ချွတ်နဲ့ သဲကြီးမဲကြီး ရှာဖွေနေတုန်းမှာ လှေကားကနေ ဆင်းလာတဲ့ခြေသံကို ကြားလိုက်ရတော့တယ်။
KAMU SEDANG MEMBACA
တွယ်ငြိခြင်း ၃၆၅ [ဘာသာပြန်]
Romansa[🚨Warning - R-19🚨] Name - တွယ်ငြိခြင်း ၃၆၅ Web Name - Kitsch Wedding Author - 사하 (Saha) Translator - Marilee Genre(s) - Adult, Mature, Smut, Romance, Modern [You can also read this on StoryGlory website.] We don't own the story. We just translate...