[COMPLETED]ကျောင်းမြက်လေးရဲ့ရည်းစားဟောင်းအဖြစ် (ဘာသာပြန်)

Chapter 2

Chapter 2

ကျင်းစစ်၏မျက်နှာက ရုတ်ချည်းနီရဲသွားသည်။

သူ့အင်္ကျီစကို အမြန်ဆွဲချလိုက်ပြီး ကျောင်းယူနီဖောင်းကိုပြန်ဝတ်၍ အပေါ်ထိရောက်အောင် ဇစ်ဆွဲလိုက်ပြီး သူ့ရှေ့တည့်တည့်မှကောင်လေးကို စိုက်ကြည့်လိုက်သည်။

" ဘာအဓိပ္ပါယ်မရှိတာတွေ လာပြောနေတာလဲ... မင်းမှာ မင်း..."

ကျင်းစစ် ပြောစရာစကားမဲ့သွား၍ခေါင်းမော့ပြီး ပြောလိုက်သည်။

" ငါ အဲ့လိုမလုပ်ဘူး..."

ထိုကောင်လေးက သူ၏နီရဲနေသောမျက်နှာကိုကြည့်ပြီး အေးအေးဆေးဆေးပင် ပြောလိုက်သည်။

" ဒီတစ်ခါရော မင်းဘယ်လိုလှည့်ကွက်တွေသုံးဖို့ ကြိုးစားနေတာလဲ ပြောပါဦး..."

ကျင်းစစ်က မူလပိုင်ရှင်နှင့် သူ့ရှေ့မှလူ၏ ပတ်သက်မှုကိုမသိ၍ နှုတ်ခမ်းကို တင်းတင်းစေ့ထားပြီး စကားဆက်မပြောတော့ပေ။

" ငါ့နောက်ကိုလိုက်ပြီး တွယ်ကပ်မနေနဲ့လို့ မင်းကို ဘယ်နှခါပြောရမလဲ ဟမ်..."

ကောင်လေးက သူ့အနားကိုကပ်လာပြီး ပျော့ပျောင်းသော်လည်း အေးစက်စက်အရိပ်အငွေ့များ ကပ်တွယ်နေသည့်လေသံဖြင့် ပြောလိုက်သည်။

" ဘာဖြစ်လို့လဲ... ငါ့ရဲ့တုံ့ပြန်ချက်ကိုမြင်ချင်လို့ ၂ကြိမ်တိတိ စည်းကျော်တာလား..."

ကျင်းစစ်၏မျက်နှာကို မီးခြစ်ဖြင့် အသာပုတ်လိုက်ပြီး ပြုံးပြလိုက်သည်။

" ငါက အဖေလိုမျိုး စိတ်ထားကောင်းပါတယ်..."

" မင်းက ငါ့ရဲ့ Ex boyfriend ဆိုပြီး လူတိုင်းကိုလိုက်ပြောနေတယ်လို့ ငါကြားတယ်... ပြောပါဦး ငါတို့ ဘယ်တုန်းကဒိတ်လိုက်တာလဲ..."

" ဟမ့်..."

သူ မျက်လွှာချလိုက်ချိန်တွင်လည်း မျက်တောင်ထူထူများက သူ၏စူးရှသော မျက်ဝန်းတစ်စုံကို မဟန့်တားနိုင်ပေ။

" မင်း တစ်ယောက်ယောက်က ရှာလိုက်ပါတော့ ဒီဖေဖေက မင်းကို စိတ်မဝင်စားဘူး ... သဘောပေါက်ပြီလား..."

Ex-boyfriend ဆိုပါလား…

ယခုအခါတွင် သူ့ရှေ့မှ လူက မည်သူမည်ဝါဖြစ်ကြောင်းကို ကျင်းစစ် စဉ်းစားနေစရာမလိုပဲ သိသွားခဲ့သည်။