YOU ARE READING

Random

Translation novel Unicode only Zawgyi users များ Tele channel မှာ pdf file ဖတ်လို့ရပါတယ်ရှင်

Chapter 82

1.8K 282 11

by _ImFoodie

by _ImFoodie

Chapter 82

-----------------------

ကျင်းစစ်က အမှန်တကယ်ကိုပင် သူ့အား ယင်းကျောင်းပြောသော ချစ်စကားများကို နားထောင်ချင်သည်။

ယခုလိုဖြစ်တိုင်းဖြစ်တိုင်း ယင်းကျောင်းကသူ့ကိုကြိုက်တယ်ဆိုတာကို ရှင်းရှင်းလင်းလင်းခံစားရသည်။

သူရှက်နေသော်လည်း သူပျော်တာထပ်ပိုသည့်ခံစားချက်ကိုခံစားရ၏။

သူ ထိုပျော်ရွှင်စရာလေးများကို နည်းနည်းချင်းစီသိမ်းထားပြီး သူတစ်ဦးတည်းရှိသောအချိန်တွင် ပြန်၍အမှတ်ရနေမိသည်။ သူ့နှလုံးသားတစ်ခုလုံးက ချိုမြနေသည်။

သို့သော် သူ့အမူအကျင့်အရ ယင်းကျောင်းနှင့်သူ ဘာမဆိုလုပ်နိုင်သလို မပြောနိုင်ပေ။

သူထုတ်မပြောသော်လည်း ယင်းကျောင်းအပေါ် သူကောင်းမွန်ခဲ့သမျှကိုကြည့်ခြင်းဖြင့် ယင်းကျောင်းကနားလည်သည်။

သို့သော် ယခုအချိန် ဘူတာရုံနှင့် လူထူထပ်သောနေရာတွင် ယင်းကျောင်း၏မေးခွန်းကိုကြားရသောအခါ ၎င်းအတွေးများက ရပ်တန့်သွားရသည်။

ယင်းကျောင်းကလည်း သူပြောချင်တာပြောချင်လောက်သည်။ သူသည်လည်း ချစ်စကားများကြားချင်လောက်ပေမည်။

ထို့ကြောင့် သူရှက်နေသော်လည်း ပြောလိုက်၏။

"အင်း..."

သူ့အကြောင်းမတွေးဘဲ မည်သို့နေနိုင်မည်နည်း။ ထိုသို့တွေးလိုက်မိသည်နှင့် သင်္ချာစာ‌မေးပွဲက စိတ်ဝင်စားစရာ မကောင်းပါလားဟု ပထမဆုံးအကြိမ် ခံစားလိုက်ရသည်။

ယင်းကျောင်းက အသက်ရှူရပ်သွားကာ မယုံကြည်နိုင်မှုအပြည့်ဖြင့် ကျင်းစစ်ဖက်သို့ လှည့်ကြည့်မိသည်။

သူ ငါ့ကိုလွမ်းတယ်လို့ ပြောလိုက်တာလား....

ကျင်းစစ်က...သူ့ကိုလွမ်းတယ်...

ဒါအတင်းတိုက်တွန်းတာလည်းမဟုတ်...ပုံမှန်အတိုင်းလည်းမဟုတ်...သူ့ဘာသာသူပြောတာဟ...

ယင်းကျောင်းစိတ်ထဲတွင် ချက်ချင်း ဗျောက်အိုးများ တန်းစီပေါက်သွားတော့သည်။