Chapter 103
အင်တာနက် ကုမ္ပဏီများတွင် မြင့်မားကောင်းမွန်သောလစာ အခမဲ့ပူးပေါင်းသည့် ယဉ်ကျေးမှု နှင့် အကျိုးကျေးဇူးများစွာ ရှိလေသည်။ထိုကဲ့သို့ အင်တာနက်ကုမ္ပဏီများတွင် လုပ်ခဲ့သူများသည် အခြားကုမ္ပဏီများတွင် အဆင်မပြေနိုင်ပေ။
ထိုသို့ဖြင့် အဖေကျင်းသည် သူ၏ အလုပ်လက်မဲ့ဘဝကြီးကို စတင်ရတော့လေသည်။ သူအလုပ်လည်းမလုပ် ပိုက်ဆံလည်း မရှာနိုင်တော့သဖြင့် ကျောင်းကျင်းဖုန် နှင့် သူသည် ပို၍ ပဋိပက္ခဖြစ်ပွားလာတော့လေသည်။
ထိုအပြင် ကျင်းမိသားစုသည် ယခုရက်ပိုင်းတွင် အဆင်မပြေမှုများ ဖြစ်နေလေသည်။ တိုးတိုးတိတ်တိတ်ဖြင့် နှစ်ရက်ကြာရန်ဖြစ်၍ သော်လည်းကောင်း အသံကျယ်ကျယ်ဖြင့် သုံးရက်ကြာရန်ဖြစ်၍သော်လည်းကောင်း ဖြစ်နေကြ၏။ ၎င်းသည် အကုန်မဟုတ်သေးပေ။ အဖေကျင်းသည် ကျင်းစစ်ကြောင့် မျက်နှာမဖော်ရဲတော့သောကြောင့် ပို၍ ရက်စက်လာကာ အခြားကျန်သော သားတစ်ယောက်အား ချင်းဟွာ တက္ကသိုလ်သို့ ဝင်နိုင်စေရမည်ဟု ကျိန်ဆိုခဲ့သောကြောင့် ကျင်းမြောင် ဒုက္ခရောက်နေလေသည်။
သူစာလုပ်နေချိန်တွင် တစ်ချိန်လုံး ထိုင်ကြည့်ခံနေရပြီး ယခင်ကနားချိန်များကိုပင် ခွင့်မပြုတော့ချေ။
ကျင်းမြောင်သည် အာဏာဖြင့် ဖိစီးခံနေရပြီး စည်းကမ်းတင်းကျပ်စွာ ကြီးကျပ်ခံနေရသောကြောင့် သူ၏အဆင့်များသည် ပိုမကောင်းလာရုံသာမက အလွန်အမင်းပင် ကျဆင်းသွားလေသည်။
ထိုနေ့တွင် ကျင်းမြောင်သည် မထိန်းနိုင်ဘဲ အထက်တန်းကျောင်း ဖိုရမ်ထဲသို့ တိတ်တိတ်လေး ဝင်ကာ ကျင်းစစ်၏ သတင်းများကို ရှာကြည့်လေသည်။ သူသည် ပိုစ့်တစ်ခုကို ဖွင်ွကြည့်နေတုန်းတွင် သူ၏ ဖုန်းအား အဖေကျင်းမှ ဆွဲယူခံလိုက်ရလေသည်။
"မင်းရဲ့ အရမ်းကို ကောင်းလှပါတယ်ဆိုတဲ့ ဖိုင်နယ်စာမေးပွဲက အဆင့်တွေနဲ့တောင် ဖုန်းကစားရဲသေးတယ်ပေါ့" အဖေကျင်းသည် ကျင်းမြောင်ကို ဒေါသတကြီး စိုက်ကြည့်ရင်း ပြောလိုက်လေသည် "အိမ်စာတွေ ပြန်သွားလုပ်စမ်း"
YOU ARE READING
[COMPLETED]ကျောင်းမြက်လေးရဲ့ရည်းစားဟောင်းအဖြစ် (ဘာသာပြန်)
RandomTranslation novel Unicode only Zawgyi users များ Tele channel မှာ pdf file ဖတ်လို့ရပါတယ်ရှင်
![[COMPLETED]ကျောင်းမြက်လေးရဲ့ရည်းစားဟောင်းအဖြစ် (ဘာသာပြန်)](https://img.wattpad.com/cover/341626166-64-k853425.jpg)