[COMPLETED]ကျောင်းမြက်လေးရဲ့ရည်းစားဟောင်းအဖြစ် (ဘာသာပြန်)

Chapter 5

Chapter 5

ကျင်းစစ် ဘေးပတ်ပတ်လည်ကို ဖြည်းဖြည်းချင်းလှည့်ကြည့်လိုက်ပြီးနောက် သူ့အလိုလို ခါးမတ်ပြီး ထိုင်လိုက်မိသည်။

" ငါ..."

သူ့နှုတ်ခမ်းကို တင်းတင်းစေ့ထားပြီး ခေါင်းငုံ့ထားလိုက်သည်။

" ကျောက်သင်ပုန်းကို တခြားနေရာတစ်ခုကနေ ကြည့်ချင်လို့ပါ..."

" ဟမ်..."

ဟယ်ကျိုးကြားသည့်အခါ သူ့မျက်နှာထက်မှ အမူအရာက ပိုပြီးထူးဆန်းသွားသည်။ သူ ကျင်းစစ်ကို မယုံကြည်နိုင်စွာကြည့်နေသည်။

" မင်းက ကျောက်သင်ပုန်းကိုကြည့်ဦးမယ်တဲ့လား... အဲဒါ ဘယ်နှရာစုလောက်က ဟာသကြီးလဲ...ကျောက်သင်ပုန်းကိုကြည့်တယ်တဲ့ ဟားဟားဟားဟား..."

ကျန့်ချွယ်ကလည်း ပြုံးပြလိုက်မိသည်။

" မဟုတ်သေးပါဘူး ကျင်းစစ်ရယ်... မင်းကိုလောင်လျှိုက ဝိညာဉ်ပြောင်းစွပ်ပြုတ်တွေဘာတွေများ တိုက်လိုက်လို့လား... ဆံပင်ညှပ်ပြီးတော့မှ ကျောက်သင်ပုန်းကိုကြည့်မယ်ဘာညာဖြစ်သွားတာလား... ‌ပြီးရင် စာကြိုးစားတော့မယ်လို့တော့ ငါ့ကို မပြောနဲ့နော် ဟားဟားဟားဟားဟား..."

ကျင်းစစ်၏ တည်ကြည်သောအကြည့်ကြောင့် ကျန့်ချွယ်၏အပြုံးများ ပျောက်ကွယ်သွားရသည်။

" ငါ... Fxxk ..."

ကျန့်ချွယ်က သူ့လက်မောင်းပေါ်တွင် ကြက်သီးထသွားသောကြောင့် ပွတ်လိုက်မိပြီး အသံကျယ်ကျယ်ဖြင့် ပြောလိုက်သည်။

" မင်း တကယ်ကြီး လာကစားနေတာလား..."

ကျင်းစစ်က ဝတ်ကျေတန်းကျေဖြင့်သာ အင်းဟု ဖြေလိုက်သည်။

ဘေးပတ်ဝန်းကျင်မှ အတန်းဖော်များ၏အကြည့်ကို စူးစမ်းနေပြီး ၎င်းတို့ထံမှ သဲလွန်စတစ်စုံတစ်ရာရရန် ကြိုးပမ်းနေမိသည်။

" လောင်လျှို..."

ဟယ်ကျိုးက သူ့ဗိုက်မှ အဆီပြင်ကို ပွတ်ပြီး သက်ပြင်းချလိုက်သည်။

" သူ ငါတို့စီရင်စုမှာ ဆရာလုပ်နေတာ အရည်အချင်းတွေ အလဟဿဖြစ်တာပေါ့... မင်းသာ MLMရောက်သွားရင် ဘာတွေဖြစ်လာမလဲမသိ..."