Chapter 110
ဖမ်ချန်းချန်းသည် အတော်ကြာ တုံ့ဆိုင်းနေပြီး ပြောလိုက်လေသည် " လိုင်းပေါ်က လောင်းကစားတွေအကြောင်းကို တနေ့က အစ်ကိုကျောင်း ကျွန်တော့်ကို မေးတယ်"
ထိုအချိန်တွင် ပြင်းပြင်းထန်ထန် အရိုက်ခံထားရသော ကျန့်ချွယ်သည်ပင် ခေါင်းမော့လိုက်လေသည်
" အစ်ကိုကျောင်းကလား..."
"မင်း ဘာတွေတွေးနေတာလဲ ငါ အဲ့ဒါတွေ လုပ်မယ်ထင်နေတာလား... ငါက သတင်းမှာတွေ့လိုက်လို့ ဒီတိုင်းပဲ မေးလိုက်တာ"
ယင်းကျောင်းသည် တူဖြင့် ငါးနှင့် ဂေါ်ဖီထျဥ်ကိုယူကာ သူ့ပန်းကန်ထဲသို့ ထည့်လိုက်လေသည်။ သူ ထိုအခွင့်အရေးကို ယူလိုက်ပြီး သူ၏ မျက်လုံးထဲမှ အေးစက်မှုများကို ဖုံးကွယ်ရန် ခေါင်းငုံ့ကာ ကိုက်စားလိုက်လေသည်။
ပြန်လည်မွေးဖွားလာပြီးနောက် ချောင်းအန်ယန်း နောက်ဆုံးလိုချင်ခဲ့သည့်အရာမှာ သူ၏ ယခင်ဘဝအခြေအနေမျိုးသို့ ကျရောက်ခြင်းပင်။
သို့သော် လောင်းကစားသည် ဤကမ္ဘာတွင် ဖြတ်တောက်ရန် ဒုတိယအခက်ဆုံးသောအရာပင်။ ထိုကဲ့သို့သော ဝါသနာကို ပြောင်းလဲရန် ခက်ခဲ၏။ ချောင်းအန်ယန်းကို အဲ့ကိစ္စနဲ့ ဖျားယောင်းသွေးဆောင်ရင် သူတကယ်ခံနိုင်ပါ့မလား...
ယင်းကျောင်း သူ၏ နှုတ်ခမ်းထောင့်စွန်းများကို ကောက်ကျစ်စွာ တွန့်ကွေးလိုက်လေသည်။
လုပ်ကြည့်ကြတာပေါ့...
ယင်းကျောင်းသည် ညနေပိုင်း 7 နာရီတွင် စာလုပ်ရန် ပြန်ရမည်ဖြစ်သောကြောင့် အခြားသူများသည် စားသောက်ပြီးသောအခါ သူတို့၏ အစီအစဥ်များကို ဖျက်ပစ်ခဲ့လေသည်။ သူ ကွမ်းတုန်စတိုင် စားသောက်ဆိုင်တွင် ထုတ်ပိုးကာ ကင်ထားသော ခိုနှစ်ကောင်ကို ယူ၍ ကျောင်းသို့ ပြန်သွားလေသည်။
ကျင်းစစ်သည် အခုရက်အတောအတွင်းတွင် အတော်လေး အလေးချိန်ကျသွားသည့်အတွက် သူသည် ၎င်းအား ပြန်လည်ပြုပြင်ပေးရမည်ဖြစ်၏။
ထိုခိုသားသည် အေးသွားမည်ကို စိုးသည့်အတွက် သူမြန်မြန်လျှောက်သွားသောကြောင့် အမှတ်တမဲ့ ခလုတ်တိုက်မိလေသည်။
YOU ARE READING
[COMPLETED]ကျောင်းမြက်လေးရဲ့ရည်းစားဟောင်းအဖြစ် (ဘာသာပြန်)
RandomTranslation novel Unicode only Zawgyi users များ Tele channel မှာ pdf file ဖတ်လို့ရပါတယ်ရှင်
![[COMPLETED]ကျောင်းမြက်လေးရဲ့ရည်းစားဟောင်းအဖြစ် (ဘာသာပြန်)](https://img.wattpad.com/cover/341626166-64-k853425.jpg)