[COMPLETED]ကျောင်းမြက်လေးရဲ့ရည်းစားဟောင်းအဖြစ် (ဘာသာပြန်)

Chapter 42

Chapter 42

-----------------------

" ကိုယ်မင်းကိုကြိုက်တယ်"

ကျင်းစစ် သူ့ကိုကြည့်လိုက်ပြီး သူ ယင်းကျောင်းကိုပေးလိုက်တဲ့ အိမ်စာများလွန်းတာကြောင့် ငယ်ငယ်ရွယ်ရွယ်ဖြင့် စိတ်တွေ ရှုပ်ထွေးကုန်တာလားဟု သိချင်သွားသည်။

သူ့ခမျာ ရုပ်ရှင်ကားနာမည်ကိုတောင်မမှတ်နိုင်တော့လို့  ထပ်ခါထပ်ခါ ရွတ်နေရတယ်...

ကျင်းစစ်က အပြစ်ရှိစိတ်ဖြင့် အကြည့်လွှဲလိုက်ပြီး စားပွဲပေါ်က ဖန်ခွက်အလွတ်ကိုကြည့်လိုက်သည်။ ထို့နောက် ရေဖြည့်စက်ဆီသွား၍ ရေထည့်လိုက်လေသည်။

ယင်းကျောင်း ကတော့စိတ်အခြေအနေကောင်းနေ၏။

ကျင်းစစ်ဘာလို့ ထို အချစ်ဇာတ်လမ်းကို ရွေးတယ်ဆိုတာ သိပြီးတဲ့မနက်ကတည်းက ယခုအခြေအနေကို အခွင့်ကောင်းယူပြီး ဖွင့်ဟဝန်ခံချင်ခဲ့သည်။ သူထိန်းချုပ်မှုပင် လွတ်ထွက်မတတ် စိတ်လှုပ်ရှားနေ၏။

" I like you " ဇာတ်ကား ဒါရိုက်တာ၏ weibo ကိုပင်ရှာခဲ့ပြီး ဘာလို့ယခုလောက်အထိကောင်းတဲ့ ဇာတ်လမ်းကို ဖန်တီးခဲ့ပြီး အံ့ဩဖို့ကောင်းတဲ့ နာမည်ကိုပေးခဲ့လဲလို့ စိတ်ရင်းမှန်မှန်ဖြင့်မေးလိုက်ချင်သေးသည်။

ကျင်းစစ်က သူ့ကို လက်ဆောင်တောင်ပို့ပေးခဲ့ပြီး သူ့အချစ်တွေအတွက်ကျေးဇူးတင်ခံခဲ့ရသည်။

သို့ပေမယ့် ဒါရိုက်တာသည် weibo ကိုလုံးဝမဖွင့်သည့်အတွက် ယင်းကျောင်း အပျော်တွေပြည့်နေပေမယ် ရင်ဖွင့်စရာမရှိဖြစ်နေရ၏။ သူတွေးပြီးနောက် သူမတတ်နိုင်စွာပြန်လှည့် သွားရတော့သည်။

ဟယ့်ကျိုး စာမေးပွဲခန်းထဲမှ ထွက်လာပြီး ရလဒ်တွေထွက်လာရင် အိမ်ကိုဘယ်လိုပုံစံနှင့် ပြန်ရမည်ကိုတွေးနေ၏။ ဖန်ချန်းချန်း ကလည်းအေးစက်တဲ့မျက်နှာနှင့် သူဘာကိုတွေးနေတယ်ဆိုတာမသိနိုင်ပေ။ နလုံးသားမရှိတဲ့ ကျန့်ချွယ်ကတော့ လျှို့ဝှက်စွာ ဖုန်းကိုထုတ်လိုက်ပြီး ဆရာလျိုအပြင်ရောက်နေချိန် ဂိမ်းကစားရန် လုပ်လိုက်သည်။

" မင်း..."

ယင်းကျောင်း အကြည့်သည် လူတချို့အပေါ် ဖြတ်သန်းသွားပြီး အကုန်လုံးသူ့ကိုပြန်ကြည့်လာသောအခါ မေးလိုက်၏။