[COMPLETED]ကျောင်းမြက်လေးရဲ့ရည်းစားဟောင်းအဖြစ် (ဘာသာပြန်)

Chapter 74

Chapter 74

အနက်ရောင် ကိုယ်ပိုင်ကားသည် လမ်းမီးတိုင်ကို တိုက်မိသွားပြီး ကား၏ ဦးခေါင်းပိုင်းက လုံးဝပြားချပ်နေလေသည်။ ၎င်း၏ ဘေးတွင် အစိတ်စိတ်အမွှာမွှာ ကွဲကျေလုမတတ်ဆိုင်ကယ် ရှိနေပြီး ဆိုင်ကယ်အနားတစ်ဝိုက်တွင် သွေးများစွန်းထင်းနေလေသည်။

မော်တော်ပီကယ်များသည် ၎င်းကို စည်းတားလိုက်ကာ ဖြတ်သွားဖြတ်လာများကို ရှောင်ရှားစေလိုက်သည်။ သို့သော် ယင်းက ထိုဝမ်းနည်းဖွယ်မြင်ကွင်းကို ပိုသိသာလာစေသကဲ့သို့ပင် ဖြစ်နေ၏။

ကျင်းစစ်၏ မျက်စံအိမ်များမှာ ရုတ်တရက် ကြုံ့သွားပြီး သူဘာမျှ မတွေးနိုင်သေးချိန်တွင်ပင် လက်ဆန့်လိုက်ကာ ယင်းကျောင်း၏ မျက်လုံးများကို ကွယ်ထားပေးလိုက်သည်။

သူ့လက်များ ယင်းကျောင်း၏ မျက်လုံးများကို ဖုံးအုပ်လိုက်သည်နှင့် စိုစွတ်နေသော လက်ဖဝါး တစ်စုံသည်လည်း သူ့ မျက်လုံးများပေါ်သို့ အုပ်မိုးလာလေသည်။

" မကြည်နဲ့" သူနားသို့ ကပ်ကာ တိုးတိုးလေး ပြောလိုက်၏။

သူ့ရဲ့အသံများသည် အားနည်းနေကာ အသက်ရှူသံများကလည်း မတည်မငြိမ် ဖြစ်နေသည်။

ယင်းကျောင်းသည် သူ့ကို မှီထားကာ မောဟိုက်နေပြီး သူ့ ခန္ဓာကိုယ် အလေးချိန် တစ်ခုလုံးသည် ကျင်းစစ်၏ ကိုယ်ပေါ်တွင် ရောက်နေကာ မျက်လုံးကို အုပ်ထားသောလက်သည် အနည်းငယ် တုန်ယင်နေသော်လည်း ကျင်းစစ်၏ အရှေ့မှ ကြောက်စရာမြင်ကွင်းကြီးကိုတော့ ဖုံးထားပေးပြီး တစ်မိနစ်မျှပင် လွှတ်မပေးပေ။

သွေးကိုကြောက်တဲ့သူ...

ရုပ်ရှင်ကားထဲမှာ လူရဲ့သွေးကိုတွေ့ပြီး သတိလစ်သွားသောသူ...

ထိုသို့သောလူမျိုးက ကားမတော်တဆမှုကိုတွေ့သောအခါ ပထမဆုံး တုံ့ပြန်ချက်သည် ပြိုလဲမသွားစေရန် အံကြိတ်ကာ ကျင်းစစ်၏ မျက်လုံးများကို ဖုံးအုပ် ပေးခဲ့ခြင်းပင်။

___

ယင်းကျောင်း၏ သွေးကြောက်ခြင်းက သာမန် မဟုတ်ပေ။

အသက် 12 နှစ်အရွယ်တွင် သူ့အမေ၏ ကိုယ့်ကိုယ်ကို သတ်သေမှုကို မြက်မြင်ကြုံတွေ့ခဲ့ရသည်။