[COMPLETED]ကျောင်းမြက်လေးရဲ့ရည်းစားဟောင်းအဖြစ် (ဘာသာပြန်)

Chapter 106

Chapter 106

ထိုနေ့တွင် ကျင်းစစ်ပြန်သွားသောအခါ သူ၏ စာရေးခုံအောက်မှ tiramisu ( ကိတ်မုန့်) အားထုတ်ယူလိုက်လေသည်။

ထိုဘူးပေါ်မှ တံဆိပ်အား အလွန်ရင်းနှီးနေသည်။ သူနှင့် ယင်းကျောင်းသည် ထိုဆိုင်သို့ အတူတူ သွားဖူးလေသည်။

သူသည် ချိုလွန်းသောအရာများအား မကြိုက်ပေ။ ထိုအချိန်က မုန့်အချိုများကို မှာယူခဲ့သော်လည်း tiramisu သည်သာ သူ့အကြိုက်နှင့် ပို၍အပ်စပ်လေသည်။

အချိုဓါတ် နည်းရုံသာမက ကော်ဖီ အခါးအရသာ အနည်းငယ်လည်း ပါဝင်ပြီး အရသာသည် အနေတော်ပင် ဖြစ်ပါသည်။

ထိုအကြောင်းကို သူမပြောခဲ့ပေမဲ့ ယင်းကျောင်း သိခဲ့၏။

ကျင်းစစ်သည် ပန်းခင်းအစွန်တွင် ထိုင်နေကာ သူ၏ ပေါင်ပေါ်မှ tiramisu အား ဗလာဖြစ်စွာ ကြည့်နေလေသည်။ အတော်ကြာမှ ရောင်စုံ ဖယောင်းတိုင်အိတ်ထဲရှိ အနီရောင် ဖယောင်းတိုင်ကို ယူလိုက်ပြီး ကိတ်မုန့်ပေါ်တွင် ထိုးစိုက်လိုက်လေသည်။

" ဘာလို့ ပန်းရောင်ကြီးလဲ ကိုယ့်ကိုကြည့် ကိုယ် အနီရောင် ရွေးမယ် အဲ့ဒါက ပိုပြီး ရင့်ကျက် တည်ငြိမ်တယ်"

သူသည် ဖယောင်းတိုင်တစ်တိုင်တည်းကို မီးညှိလိုက်ပြီး သူတို့နှစ်ယောက်အတွက် ဆုတောင်းလိုက်ကာ မှုတ်လိုက်ပြီး ကိတ်မုန့်ကို တစ်ယောက်တည်း စားလိုက်လေသည်။

သူအတန်းသို့ ပြန်လာသောအခါ သူနှင့်တစ်ခုံတည်းမှ ထိုလူသည် လီကျိုးဖြင့် အစားထိုးခံလိုက်ရလေသည်။

လီကျိုးက သူ၏ စာအုပ်ကို အနည်းငယ် စိတ်မသက်သာစွာ ကိုင်ထားပြီး သူ့ကို အချိန်နှင့်အမျှ ခဏခဏ ကြည့်နေသည်မှာ တစ်ခုခု ပြောချင်ပေမဲ့ သူ၏ ပါးစပ်ကို မဟနိုင်သကဲ့သို့ပင်။

ကျင်းစစ် စကားမပြောဘဲ သူ၏ ထိုင်ခုံတွင်သာ ထိုင်နေပြီး လက်ထဲမှ စာအုပ်ကို ဟိုရွေ့ဒီရွေ့ လုပ်နေလေသည်။

သူ၏ လက်ကအနည်းငယ် တောင့်တင်းနေပြီး သူသည် သင်္ချာ အိုလံပစ်စာအုပ်ကို ဆွဲမထုတ်ခင်အထိ အကြိမ်များစွာ ဆွဲနေ​လေသည်။