العميد (حكاية شرطي )

الحلقة 4

خزرتلو و بدات تتكلم : قتلك وقفني هووني تو ناخو تاكسي
ڨحرلهاا : حل الباب و أهبط
وهو يجري في وسط الكياس
سحر : معناها نطيش روحي هكاااا ؟؟؟؟ تي وقفني
أصيل ضرب فراان قوي عاللخر لين راسها ضرب في التابلو د بور و خزرلها : ماتسكتش إنت ؟ لسانك ديماا يمشي ؟؟
سحر : قتلك هبطني معناها هبطني
أصيل : معناها عامل عليك مزية ولا رااك كالفلوس بو مية تبقبق في الماا حتى التاكسي ماتاقفلكش بش تجي توااا تعيط وتوري في صوتك
سحر سكتت
أصيل : هاني وقفت.. تحب تهبط تفضل.. تحب تبقا تفضل
خزرتلو و دارت تحل في الباب بش تهبط
هي حلتو وهو تكلم : تاكسيات في الوقت هذا تلقاهم يفطروا عزيزتي.. ستناهم ساعة هكيكا و بعد روح.. هيا سايس روحك
خزرتلو و رجعت قعدت وسكرت الباب
تلفت على جنب يضحك عاللخر و بعد خزر قدامو و ديمارا و مشا
كي قريب يوصلوا للفوايي بدات تنعت فيه
ووصلوا قدام الفوايي.. حبس الكرهبة جنب الكياس قدام الفوايي بالضبط وخزرلها
سحر : يعيشك وسامحني كان قلقتك
أصيل : كالسبة قلت حاجة تصلح ومابديتش تتجلطم
سحر ڨحرتلو : واللهي نستاهل.. بالسلامة
وحلت الباب وهبطت
ضحك و هبط بلار الشباك يحكي معاها : يا مهبوولة
خزرتلو ووقفت
أصيل : رد بالك على روحك
سحر : عيشك.. و إنت زادا
قلها باي بيدو و ديمارا ومشاا
وهي دخلت للفوايي
في ثنية أصيل.. يسوق في وسط الكياس و يسمع في صوت تليفون
جبد تليفونو لقاه مش هو اللي يصوني
حبس الكرهبة على جنب وخزر تحت الكرسي اللي كانت قاعدة فيه سحر يلقا تليفون يصوني جبدو من تحت الكرسي يلقا وحدة إسمها يسر تطلب.. هز عليها
يسر : سحرورتي وينك
أصيل : عسلامة
يسر نحات التليفون من وذنها تثبت في النومرو وعاودت رجعتو لوذنها : ألو.. شكون معايا.. مش نومرو سحر هذا ؟
أصيل : oui نومرو سحر خلات تليفونها عندي بالغالط.. بربي كانك قريبة منها قلهاا اللي هو عندي و تكونتاكتيني بش نجيبهولها
يسر : باهي تو نمشيلهاا
علق عليها وحط تليفونها بحذا تليفونو وعاود ديمارا و مشاا
شويا وقت وعاود جااه تليفون آخر آما على نومروه هو.. شاف يلقاها سارة طفلة يعرفها و ساعة ساعة يبات معاهاا
هز : oui
سارة : أصيل حبي وينك
أصيل : هاني..
سارة : توحشتك
أصيل : لا يوريك مايوحشك
سارة : عندك برشاا ماجيتش بحذاي عملناا جو
أصيل : تو نجي مش فاضي ليامات هاذي
سارة : تجي الليلة نعملوا قعيدة
أصيل : تو نشوف
وعلق عليها وكمل ثنيتو