العميد (حكاية شرطي )

الحلقة 25

الحلقة الخامسة و العشرون
وسحر خرجت مالدوش مشات لبيتها.. لبست pyjama.. و شيحت شعرها وعملتلو جبدة خفيفة
فاقت أحلام مالنوم لقات سحر جات
أحلام : آآ سحر فينك البارح
سحر : خلي و أسكت صار فيا
أحلام : شفما نشالله خير
سحر : ماو روحت مخر نلقا الفوايي سكر عليااا
أحلام : لااااا.. وشعملت
سحر : سي أصيل جا وهزني لدارهم وتوا جابني
أحلام : ياخي سي أصيل هذا شنوا بينك وبينو
سحر بربثة : بيني و بينو ؟؟ صلي ع النبي مابيناتنا شي ووه
أحلام : ملا علاش الإهتمام المفرط بيك
سحر : سي أصيل طبيعتو هكيكا.. ناس ملاح برشاا رغملي ديما نتعاركوا وديما يتمقصص علياا
أحلام : يعطيه الصحة على كل.. و إنت رد بالك المرة الجاية معادش تجي مخر
سحر : لا لا مستحيل تتعاود
وقاموا خرجوا يقضيو بش يعملوا الفطور و العشاا
جات آخر العشية..
حضروا البنات العشااا وتعشاو و حطت كل وحدة تريفز
تعشا مع الجماعة و خرج بش يروح لدارو.. خلطت عليه جودة أمو : أصيل ستنا بابا
أصيل : وي أمي
جودة : قلي شبيك مش قد بعضك
أصيل : شبيني ؟ لباس علياا
جودة : سارح ومش معانا
أصيل : لا يامي لباس والله تعب وقلة نوم وكهو
جودة : اللطف على ولدي.. باهي روح دوش و طول أرقد تو ترتاح
أصيل : تهناا دجدج
طبس باسها من جبينهاا وطلع في كرهبتو.. خدم وطول لدارو
دخل طلع طول لبيتو.. عمل دوش لبس شورط ودخل في فرشو
جبد تليفونو يشوف في الأنستا ويبربش
دخل لل journal d'appels.. لقا نومروها وقت كلمتو ليلة السبت البارح
تبسم وقيد عليه ستورة .. خمم شوياا وبعد هز تليفون وكلمها
كانت تريفز وتشرب في كاس عصير.. شافت التليفون يصوني
خزرت للإيكرون تشوف شكون
لقاتو نومرو أصيل
حطت قصتها ورا وذنيهاا وهزت : ألو
أصيل : ألو وي
سحر : عسلامة سي أصيل
أصيل : يسلمك.. وينك شحالك
سحر : هاني الحمدلله و إنت
أصيل : سافا هاني
سحر : أيا باهي
أصيل : كلمتك نطمن عليك
سحر تبسمت : الله يخليك واللهي هاني في الفوايي
أصيل : باهي رد بالك على روحك تستحق حاجة كلمني أوك
سحر : عيشك ربي يفضلك
أصيل : أيا ليلتك زينة
سحر بصوت حنين : ليلتك زينة
علق و حط تليفونو عالتابل د نوي.. طفا الفايوز.. ودخل في فرشو.. خمم شويا حس براحة كبيرة وهو يحكي معاها
قعد يخمم لين هزو النوم رقد
سحر زادا دخلت لفرشها وقعدت تخمم وتتفكر فيه وفي فازاتو الكل
لين هزها النوم ورقدت
وجااااا صباح جديد