العميد (حكاية شرطي )

الحلقة 27

الحلقة السابعة والعشرون
دخلت شدت كلاسها..
شويا وقت وبدات الكور و ركزت في قرايتهاا
أصيل وصل للمركز ماعندوش برشا خدمة
جابولو قهوة.. وغطس في خدمتو
مع نص النهار كملت سحر قرايتهاا خرجت تتمشى هي وصاحباتها يحكيو ووقفوا قدام الفاك
أصيل زادا كمل خدمتو وطول خرج ركب في كرهبتو.. لبس lunettes de soleil متاعو وديمارا وطول مشا للفاك
شويا وقت ووصل
هبط بلار الشباك متع الكرهبة يشوف فيها
خزرتلو وسلمت عالبنات بش تمشيلوو
طلعت في الكرهبة وطول ديمارا ومشا
البنات اللي معاها
سهيلة : شكونو آكا المز اللي مشاتلو
رنيم : مانعرش قالت صحاب
إسراء : يا ليت الأصحاب الكل كي هكاا.. قداش محلاه ومضخم
سهيلة : ريت بالله
رنيم : وآكا الوهرة بلبسة خدمتو قداش تعشق
قعدوا يهروا قدام الفاك وبعد كل وحدة مشات روحت
في الثنية
سحر : سي أصيل فين ماشي ياخي.. هاذي مش ثنية وسط المدينة
أصيل : مروح لداري
سحر : دارك ؟؟ فاش قام
أصيل : تحبني نمشي هكاا بحوايج الخدمة ؟ مااو نبدل وبعد نمشيو
سحر بصوت ضعيف : باهي
شويا وقت ووصلوا
هبط مالكرهبة وخزرلها لقاها قاعدة
أصيل : شنوا شتبقى هوني ؟
سحر : أي هاني هوني.. حضر روحك في عقلك
قلهاا باهي و مشا دخل وهي تبع فيه بعينيها ياسر محلاه
تحكي وحدها في الكرهبة : يعطك سخطة محلاااك
عدات يدها على شعرها وبقات تشوف في الكرهبة مزيانة عاللخر من داخل
دخل أصيل لبيتو و بدا يبدل في حوايجو
هبطت مالكرهبة تتمشى قدام دار أصيل تشوف في الجردان المزيانة
لبس أديم سروال نوار.. مريول أبيض فوقو فاست كوير نوار وفي ساقيه سبادري أبيض
ريڨل شعرو هزو لتالي و لبس منڨالتو و شركتو
برفن و خرج
وصل للكرهبة مالقاش سحر
دور عينيه عالدار مالقاهاش
أصيل : فين مشات هالمهبولة
دخل للجاردان يفركس عليها يلقاها تشم في النوار و قطفت زوز نوارات متفتحين يهبلواا
تبسم و هو يرا فيها... مشالهاا خزرتلو تتبسم
سحر : تعرف سي أصيل عندك جاردان تقتل قتل ما شالله
أصيل تبسم وهز راسو لقا وردة الفوق منورة لونها أحمر تهبل
مد يدو وهي تخزرلو.. وقطفهاا و مدهالهااا : أيا تفضل للا
سحر ضحكت : يااااي جاااادوغ
شدت النوارات في يدها و تمشااو للكرهبة
خزرت لوهرتو ياسر مزيانة.. تبسمت وسكتت
طلعوا في الكرهبة وديماراا ومشاا