العميد (حكاية شرطي )

الحلقة 3

أصيل : ستنى
خزرتلو
أصيل : بطاقة التعريف متاعك خرجها
سحر : شتعمل بيهااا
أصيل : عون أمني قالك هات بطاقتك يعني تمدها و تسكت
سحر : مااعنديش بطاقة تعريف مضيعتهاا
أصيل : كان ماتعطيش بطاقة التعريف متاعك ترصيلك ماتخرجش من هوني ويجي ولي أمرك يخرجك
سحر خافت وكان يحصروها هوني بالحق وترصيلها جايبة بوها وتعملو في المشاكل
جبدت سطوشها وخذات منو بطاقة التعريف و عطاتهالو
قرا الإسم و اللقب وكل شي وهي واقفة تخزرلو وبعد هبطت راسها
أصيل : سحر
هزت راسها و خزرتلو ساكتة
أصيل :  joli nom.. شتقرا ؟
سحر : في الفاك
أصيل : شنوا الإختصاص
سحر : قانون
أصيل : باهي
ومدلها البطاقة
خذاتها رجعتها لساكهاا و طول ماشية بش تخرج
عاود وقفهاا : ستنى
شدت البوانيي متع الباب وغمضت عينيها بغزول ونفخت وعاودت دارتلو : آ نعم
أصيل : شبيك على أعصابك.. وكانك عالقهوة اللي تكبتلك الصباح تو نخرج تواا نشريلك برميل
خزرتلو بغزول : ماااحاجتييش... جيت نشكي و هاني ماشية على روحي يا سي العميد
حلت الباب و طوول خرجت تزرب منرفزة عاللخر كيفاش تجي تشكي و ماتنجمش خاطر هو عندو سلطة في المركز
ضحك عليها و على هبالهاا و هز مفاتحو و خرج لكرهبتو مروح
واقفة قدام المركز تستنى في تاكسي مروحة للفوايي و الحال شتا
وهو بطبيعتو خارج بالكرهبة
يلقاها تحت المطر عاملة كابيش على راسها وتستنى في تاكسي
وقف قدامها وهبط بلار الشباك
خزرتلو و دورت وجهاا
أصيل : فين تروح ؟
سحر : علاش تسأل
أصيل : تكلم
سحر : فوايي
أصيل : أطلع نوصلك
سحر : يعطك الصحة سي العميد.. ماحجتيش بمزيتك تو ناخو تاكسي
أصيل : واللهي كان ترا في تاكسيات يمشيو و يجيو بصحتك خو
خزرت يمين و يسار لقات الكياس فارغ ومافما حتى كرهبة قاعدة تتعدى
سكتت شويا وبعد تكلمت : خلي عليك تو نتصرف تنجم تمشي على روحك
أصيل : باهي أقعد غااااديكا موت بالمطر
وديمارااا و بدا يمشي بالشوية ويخزرلها مال rétroviseurs
هزت عينيها و خزرتلو.. تحب تحبسو آما مانجمتش
وقف بعيد شوياا وعمل marche arrière رجعلهاا
مانجمش يخليهاا مطيشة في المطر حتى ولو مايعرفهاش
خزرلها و دبشها كلو بالما : ياا سحر هيا نوصلك راك بش تمرض..إنسا كل شي و إحسبني صديقك قعدتك هوني وحدك غااالطة وراك بش تمرض كان تقعد هوني أكثر من هكا
سحر خزرتلو.. وقتلو باهي و مشات طلعت من غادي وقعدت بحذاه من قدام
ديماراا و مشااا
في الكرهبة
نحات الكابيش من فوق