العميد (حكاية شرطي )

الحلقة 18

الحلقة الثامنة عشر
خرجت من بيتهاا تتمشى بتزعبين
لابسة روبة قصيرة عاللخر
عاملة مكياج غامق و مسيبة شعرها
قاعد عالكانابي متكي لتالي..
سمع صوت الطالون متاعهااا حل عينو شوياا خزرلهاا
تبسمتلو بلغة شرايك فياا
رجع غمض عينيه كاينو مارا شي
سارة قعدت بحذاه : آآ أصيل شرايك
أصيل : في شنواا
سارة : شنوا اللي في شنواا.. فيا وفي لبستي
أصيل : باهية
سارة تبسمت وقربتلو تبوس فيه من خدودو و رقبتو وتعدي في يدها على صدرو و كرشوو
سارة : متوحشتك برشاااااا
و أصيل مغمض عينيه وساكت
الثمانية غير ربع وسحر مزالت في المحطة متع التكسيات تستنى تجيشي تاكسي
تمشي وتجي تدادي خايفة يفوتها الوقت والفوايي يسكر... مع العلم يسكر الثمنية بالضبط يعني في يدها ربع ساعة
قامت سارة جابت زوز كيسان ويسكي وعطات كاس لأصيل
بعدلها يدها : ماعينيش
سارة : samedi soir راو
أصيل : فيبالي بيه.. وماعينيش نشرب
سارة : تحب نخرجوا نشربوا حاجة لبرا
أصيل : لا
سارة : باهي إيجا تعشى
أصيل : ماعينيش
سارة : شبي روحي قالق
أصيل : شي تعب خدمة
سارة شدتو من يدو قومتو ودخلت بيه للبيت : أنا التعب الكل نحيهولك
نرجعوا لسحر
19:55 وقفت تاكسي
سحر : بربي يعيش خويا فوايي الشابة نحب نوصل في درج يسكر الثمنية
التاكسي : أختي بعيد يحبلي عالقليلة أربعة دراج وأنا نجري
سحر : حاول عيشك هياا
ديماارا وطول مشاا
ثنية كاملة وهي على أعصابها خايفة برشاا وكل دقيقة تتعدى هي تزيد تدخل بعضها
البيت ظلماااا
واقفين على حافة الفرش تنحيلو في الفاست متاعو و مريولو
تكاتو عالفرش وجات فوقووو..
وصلت قدام الفوايي 20:20
تلقا الباب مسكر.. تصدمت
خلصت التاكسي وهبطت تزرب وبدات تدق في الباب وماافما حتى إجابة
الباب بطبيعتو كان بعيد عالإدارة وعلى بيت العساس أذاكا علاش صعيب ياااسر يسمعوها
قعدت تدادي قدام الفوايي قريب درج
خممت وخممت برشا في حل.. ولقات الحل الوحيد تكلم أصيل