العميد (حكاية شرطي )

الحلقة 52

أصيل : مانحبكش تخمم اللي أنا نخون فيك سحر
شدلها وجها بيديه الزوز وقربلهاا وهي تبكي
أصيل : قاادر.. قاادر نخونك في أي لحظة ومستحيل تفيق.. آماا..
شدلها يدها وحطها على قلبو : آما أنا نحبك.. هذاا يحبك مستحيل نخمم في غيرك إفهمها هااذي
خزرتلو بمحبة كبيرة ورجعت عنقتو تحب ترتاح عندو
خلاها عندو..وقعد يهدي فيها ويعدي في يدو على شعرها وهي حاسة براحة كبيرة وهي في حضنو..
قامت شويا وخزرتلو بعينين حمر.. شفايف منفوخين من كثرة البكاا... قربتلو عاللخر وباستو بوسة خفيفة من شفايفو
حطت جبينها على جبينو وغمضوا الزوز عينيهم
سحر بدات تحكي بوجيعة : حسيت الدنيا دارت بيا كي ريتها معنقتك وتبوس فيك وقتها.. بكيت برشااا وتعبت برشا في النهارين اللي تعداو برشاا أصيل برشاا
عدا يدو على شعرها بحنية وطول غرس شفايفو في شفايفها
غمضت عينيها واستسلمت ليه متوحشين بعضهم عاللخر
قعد يبوس فيهاا ماوقفش جملااا
بعد عليها شويا وطول حطها على صدرو وباسها من شعرها وهي مكبشة فييه عاللخرر
بعدوا على بعضهم شوياا.. وخزروا لبعضهم
تبسم وعدا يدو على خدودها الموردين : أنا بش نطلع ناخو دوش ونبدل حوايجي
سحر : و أنا نمشي نطيب حاجة للعشاا
شدلها يديها الزوز وباسهم وخزرلهاا : مصدقتني سحر
تبسمت : مصدقتك وعندي فيك ثقة أكثر من روحي أصيل.. الله غالب غرت عاللخر وعينيا ظلامت وقتها ومانجمتش نتقبل اللي ريتو.. آما هي طلعت غايتها تبعدنا على بعضنا و الحاجة هاذي مستحيل توصللها
تبسم وباسهاا من جبينهاا بحب كبير وطول قام طالع لبيتو في الدروج
وقفت تخزرلو.. تتبسم.. فرحاانة.. فرحانة اللي الحقيقة ظهرت و أصيل خاطيه كل شي..
تنفست براحة ودخلت للكوجينة تطيب في حاجة
شويا وقت وكمل أصيل الدوش وحضرت سحر العشا
عملت مرقة باللحم.. وقلات escalope
حضرت الطاولة.. ورجعت للكوجينة تعمل في سلاطة
ماحستش بحركتو.. كي دور يديه على حزامها ولصق فيهاا من تالي وهبط راسو باسها من رقبتهاا
غمضت عينيهااا وحست بسخانة بدنو دخلت في بدنها خاطرو لابس شورط كهو.... وريحتو البنينة ملات الكوجينة
أصيل يحكي بصوت ضعيف وفمو قريب لوذنها : شقاعدة تعمل
سحر : سلاطة
نحا يديه من حزامها وحطهم على يديها وبداو يقصوا في السلاطة مع بعضهم.. وكل شويا يرميلها بوسة من بلاصة.. شعرها.. خدها.. رقبتهاا.. عينيها.. كتفهاا
وهي تتبسم كالبنية الصغيرة عندو
حضروا الطاولة الكل.. العشا.. الما.. العصير.. الغلة والخيرات الكل كانت موجودة فوق الطاولة
قعدوا بحذا بعضهم.. وبداو يتعشاو وكل مرة واحد يوكل لاخر
أصيل : معلمة سحرووورتي والله بنينة برشا المرقة
سحر تبسمت : صحة لحبي
قربلها وباسها بحنية من خشمها
تبسمت وكملوا يتعشااو ويحكيو
سحر : كيفاش نجمت تدخل للفوايي ياخي
أصيل : دخلت هكيكا علاش
سحر : خاطر ممنوع يدخل راجل لفوايي بنات كان بعلم المديرة
أصيل تبسم : فما فرق عااد بين راجل عادي.. وبين عميد شرطة.. مانستحقش نعلم حتى حد ببلاصة ندخللهاا
سحر : مقوااك مقوااك
ضحك وقرصهاا من خدهااا
شويا وقت وكملوا العشاا.. قاموا الزوز ينظفوا في الطاولة
قتلو خلي عليك لكن هو شد صحيح يعاونهاا
كملوا فيسع وعمل أصيل زوز قهاوي بالماكينة متاعو وخرجوا ركشوا في الجنينة
الڨمرة تهبل عاكسة تصويرتها في البيسين.. والنجوم مزروعين في السماا كالثريات..والنسمة بنينة هازة معاها ريحة النوار المزيان في جنينة أصيل
ترخات لتالي وغمضت عينيها... خزرلها يتبسم
حلت عينيها وخزرتلو : محلاهاا الفيلا متاعك
أصيل تبسم : محلاهاا فيلتنا.. مش هكا أضخم
ضحكت وقامت قعدت بحذااه ودخلت فيه عنقتو وهو دور يدو عليهااا عنقهاا وقعدوا يتنسمواا
قعد يعدي في يدو على شعرها.. خزرتلو و تبسمت خطف منها بوسة من شفايفهاا
أصيل : سحر
متكية على صدرو : إمم
أصيل : نحب نعملوا خطبة
قامت شويا وخزرتلو تتبسم : بالحق
أصيل : بالحق مالا نفدلك.. تو نمشي نحكي مع دارنا ونقلك وقتاش.. و إنت زادا قول لداركم ولا تو نقوللهم أنا
عنقتو فرحانة وهو يعدي في يدو على شعرها و أكتافها
الوقت مخر... وهوما قاعدين في الجنينة
تململت شوياا.. وخزرتلو.. قرب وجهو لوجهاا وعدا خشمو على خشمها
تبسمت وشدتلو وجهو بيديها الزوز وباستو من خدو بوسة حنينة : ربي يخليك لياا أصيل.. ياااسر نحبك أنا
تبسم وطول غرس شفايفو في شفايفهاا
حطت يديها الزوز ورا رقبتو وهو قاام شويا وعنقهاا ودخل من باب الجنينة طالع في الدروج.. ويبوس فيها ماوقفوش جملا وهي متناسقة معاه
وصل لبيتو.. حل الباب بساقيه.. و سكرو بساقيه
البيت ظلماا.. ضو الفايوز كهو يشعل خفيف
حطها عالفرش... وجا فوقهاا يعدي في يدو على شعرها هابط لشفايفها.. وهي حاطة يد على كتفو ويد على صدرو
باسها بحنية من عينيها.. خدهاا.. فمها