العميد (حكاية شرطي )

الحلقة 60

باست أمها و ساجد و عصام بطبيعتو راقد الفوق
حلت الباب وخرجت... خزرتلو و قدمت تتبسم
طلعت في الكرهبة وخزرتلو وهو يخزرلها
حط يدو على شعرها : en forme خطشيبتي
سحر ضحكت بالصوت : en forme و إنت
أصيل : هاني.. محلااك
سحر : إنت محلاك ياا روحي
أصيل : رقدت بالباهي
سحر : أي عاللخر و إنت
أصيل : oui cv
ديمارا و مشااا و يدو مشبكها في يدهاا
شويا وقت ووصلوا للكرنيش يلقاا كل شي حاضر خاطرو عمل réservation مالبارح العشية
قدمت فرحاانة تلقا هيلامانات تهبل عاللخر.. الڨاتو و العصير و الغلة و الكرواسون و القهاوي و الورد والڨلاص وبرشاااا فيانة و حاجات محلاهااا
كبشت في أصيل تتبسم فرحانة عاللخر وهو فرحان لفرحتهااا
قعدوااا عالكرنيش.. مافماش حركة متع عباد خاطرو ختار سرفيس هااي
قعدوا و سطعت فيهم شميسة دافية.. طول جبدت التليفون وقربتلو تصور وعملت برشاا فيديوات يهبلواا
هبطت عالأنستڨرام و برشاااا بنات شافوها بما فيهم أحلام وبرشا بنات مالفوايي
أحلام قعدت تخزر لأصيل.. رغم تعرف خاطب سحر لكن حست قلبها غلبهاا و تضربت فيه خاطر راتو برشا مرات و كل ماتراه تبهم فيه.. ماحبتش يصير هذا و تغدر صاحبتها حتى بخزرة آما مانجمتش
راكشين عالكرنيش.. ياكلوا و يحكيو و يضحكوا
هو يوكلهاا و هي زادا توكلوااا
الفرحة مالية قلوبهم بقربهم لبعضهم
عداو وقت حلو عاللخر.. جا راجل صورهم بالكاميرا و طلعلهم تصاورهم بالوقت قعدت تتفرج عليهم وتتبسم و خرج أصيل من كل تصويرة نسختين.. وحدة تبقى عندو و وحدة عند سحر
كملوا مالقعدة الحلوة البنينة... شدلها يدها و مشاو يتمشاو على حافة البحر و ركبها عالحصان وهي تعيط خايفة خاطر ماتعرش تركب عليه و أصيل يضحك عليها
جاا وقت الفطووورر.. تمشااو للكرهبة مكبشين في بعضهم
وصلوا ركبها وركب بحذااها و ديمارا و مشااا
وصلواا بعد مدة لبلاصة الرستو
دخلوا يلقاو كل شي حاضر كيما حب أصيل وكيما وصاهم
حلت عينيها وهي تخزر للزينة قداش محلاهااا
حطت يديهاا على فمها : ياااا ربي قداش محلاها البلاصة
ضحك و عنقها و هوما يمشيو
البلاصة كانت في جنينة تقتل كلهاا نوااار أشكال و ألوان و أنواع.. طاولة كبيرة فيهاا الخيرات الكل وزوز كراسي مضخمين و زوز personnel واقفين بش يسربيوهم
قعدواا في الأجواء المزياانة هاذي عاملين برشااا برشااا جو و فرحانين عاللخر خاصة سحر عجبتها البلاصة ماتت عليهاا
تعدا وقت يهبل.. برشا حب برشا تصاور.. برشااا مودة
شدلها يدهاا وتمشااو للكرهبة
وصلوا للكرهبة.. ديمارا و مشا طول للبحر حب يقعدوا عالشط و بش يحكيلها عالعرس
هبطوا و مشاو قعدوا عالشط
أصيل قاعد.. و سحر حاطة راسها في حجرو وتخزر للموجات تمشي ورا بعضهاا متناسقة
عدا يدو على شعرهاا..
أصيل : وقتاش نعرسوا سحر
سحر تبسمت : مانعرش والله
أصيل : الصيف هذا
خزرتلو وحلت عينيها : بالحق
أصيل : أي مافماش علاش نوخروا فيها الحكاية
سحر هزت حواجبها و هبطتهم فيسع بمعنى مانعرش
أصيل : الحكاية ساهلة برشاا... قرايتك تكملهاا مريڨلة و ماحاجتي بشي من عندك لا جهاز لاشي كل شي من عندي أنا
سحر تبسمت : باهي نحكيو مع عايلتك و عايلتي وبعد نقرروا
أصيل : إنت إنت قلي.. موافقة
سحر قربتلو و عطاتو بوسة خفيفة من شفايفو : مواافقة مواافقة على كل شي تحب عليه إنت
عنقهاا بقوة و باسهاا بوسة حنينة من شعرهاا
الشمس بدات تغيب.. وهوما واقفين على شط البحر يتفرجوا في الغروب
هي واقفة تتبسم.. وهو واقف وراها و معنقها من تالي وحاط يدو على حزامهاا وهي حاطة يديها فوق يديه ويتفرجواا على الشميسة المزياانة تمشي و تهبط
كي بدات الدنيا تظلام.. بداو يتمشاو خارجين مالشط بش يمشيو للكرهبة
أصيل وقف و خزرلها : غدوا إنت ترجع تقرا ؟
سحر : لا بعد غدوا
أصيل : bien donc غدوا نحكيو مع الجماعة عالموضوع
سحر تبسمت : باهي تفاهمنا
قربلهااا و باسها بوسة بنينة من خدها وطول تعدا لشفايفها يبوس فيهاا بكل حب وهي مكبشة فيه وحاسة بسخانة تمشي و تطلع في بدنها
بعد عليهاا شوياا.. وشدلهاا يدهاا و جبدها عنقهاا وهوما يمشيو