العميد (حكاية شرطي )

الحلقة 41

الحلقة الواحدة و الأربعون
نزل على بونيييتو عاللخر... وقعد وااقف يخزر لباب الفوايي
غرس يديه الزوز في شعرو هزو لتالي نفخ نفخة تهد جبل
رجع لكرهبتو.. حط راسو عالفولون.. مغمض عينيه..
هز راسو تكاه عالكرسي لتالي ينفخ وغرس يديه الزوز في شعرو وبدا يتكلم وحدو : نحبهاااا... طلعت نحبهااا...
عاود حط راسو عالفولون وقعد هكيكا مدة باهية وبعد ديمارا ومشا لدارهم يخمم فيها عاللخرررر
دخلت سحر لبيتها تبكي برشا... تأكدت هي زادا إنها تحبو عاللخر
قعدت عالفرش.. ومسحت دموعهاا وبدات تحكي وحدها ويديها ضامتهم لصدرها كاينها تدعي : فماا كان الخير.. فماا كان الخير
قعدت داخلة بعضها وخايفة عليه وعينيها حمر
أصيل مشا لدارهم لقا أمو وبوه كهو وأصالة و أصلان خرجوا يقراو
دخل سلم عليهم و قلهم اللي هو خارج déplacement
خافوا عليه برشا رغملي يعرفوا أصيل قدها و أكثر
سي محمود :. رد بالك على روحك عيش ولدي الغالي
أصيل : تهنى يا بابا
جودة بخوف : هنينا عليك عيش ولدي ماتفجعنيش
أصيل شدلها يدها : تهنى يامي ماتخافش
قعد بحذاهم شويا.. قلهم سلمولي على خواتي.. وخرج طول ركب في كرهبتو ومشا للمركز
يلقا لولاد الكل حاضرين ولابسين و مسلحين و الباڨات الكل مڨارين البرا
صححوا اللي خارجين déplacement الكل وعلى راسهم أصيل القائد متاعهم
وطلعوا في الكراهب وشدوا الثنية للحدود
تفكيييرو كلو عليها هي.. فين يتلفت يرا تصويرتها قدامو
سحر عملت دوش و شيحت شعرها وطول دخلت في فرشها رقدت تاعبة وعينيها حمر ومامشاتش تقرا
وصلوا الجماعة للحدود تفرقوا و كل فيلق مشا لبلاصة و أصيل يوجه فيهم و لاهي بالتحركات الكل
جات آخر العشية.. قامت من نومها تخمم فيه شعامل
شدت تليفونها حبت تكلمو.. ترددت برشا مرات آما مانجمتش تصبر طول هزت التليفون و كلمتو
غمضت عينيهاا وتنفست بصعوبة كي لقاتو مسكر
عدات يديها على شعرها وهبطتها على وجها
جا الليل كلمت بوها و أمها تسئل عليهم حكاو شويا وعلقت
أحلام حستها مش قد بعضها جملا..
أحلام : سحر شبيك مش عاجبتني
خزرتلها : تاعبة شويا
أحلام : من شنوا
سحر بوجيعة : حاسة روحي نحبو
أحلام بإستغراب : تحبو ؟ على شكون تحكي مافممتكش
سحر : العميد أصيل
أحلام خزرتلها و تبسمت : أي شنوا المشكل.. حسب مافهمت عندك مدة ديما تقابلو و تحكيو.. أي عادي معناها
سحر خزرتلها : خرج déplacement خايفة عليه برشااا
و اطرشقت بالبكا.. مشاتلها تهدي فيهاا
أحلام : يزي عيش أختي ماتخافش تو يروح سالم غانم بقدرة ربي
عنقتها وقعدت تهدي فيها و سحر سارحة تخمم عليه برشا
تعداو الأيامات.. 5 أيامات.. ومافما حتى شي جديد
أصيل ماروحش وتليفونوو مسكر
و سحر في حالة عليه تحب تسمع صوتو و كهو تحب تطمن عليه
عدات أياماتها الكل وجها شااحب.. تفيق تمشي تقرا تروح آخر العشية ترقد معادش لاهية بماكلتها كيما العادة وكان مش أحلام تجيبلها العشا كل ليلة و تفيقهاا راي ماتاكلش بالكل
اليوم سبت.. قرات ساعتين وروحت طول دخلت في فرشها رقدت