العميد (حكاية شرطي )

الحلقة 61

ركبها و ركب بحذاهاا و ديمارا ومشا
ثنية كاملة و هوما مشبكين يديهم في بعضهم و أصيل يسوق بيد كهو
وصلوا قدام دار سحر.. حبس الكرهبة.. سكتها و طفا الضو من برا
باسلها يدها اللي كانت مشبكة في يديه
قربتلو باستو من شفايفو بوسة صغيرة حنينة بلا صوت و بدات تحكي بنبرة حنينة : نحبك قد الدنياا
بعدت عليه شوياا و حطت يدها عالباب بش تحلو و تهبط
في لحظة خطفهااا من حزامهاا و نزل عالبوطون سكر ضو الكرهبة من دااخل ولات الكرهبة ظلمة الكل
شدها من وجها و طول حط شفايفو على شفايفهاا.. حس ببدنو سخن عاللخر و عروق يديه ظهرو برشاا و كبش عليها عندو و بداا يبوس فيهاا بقوة كبيرة وهي عينيها مغمضة و صدرها يتهز ويتحط
قعد مدة باهية يبوس فيها بعنف آما عنف بنين عاللخر
جبدلها شفتهااا اللوطانية و حط جبينو على جبينها وبدنوو سخخخون عاللخر وهي كيفو
بدا يحكي بصوت ضعيف خاارج بالسيف : برا روح لا ناكلك توا
تبسمت وعنقتو بعزازة و حلت الباب و هبطت
قعد يخزرلهاا ويتبسم فرحاان بالصغرونة اللي عندو عاللخر
وصلت للباب جبدت المفتاح و خزرتلو
حلت ضو الكرهبة من دااخل بش تنجم هي تراه
تبسمتلو و رماتلو بوسة و بيبات عليه.. طيشلها بوسة حلوة
تبسمت و دخلت فرحانة عاللخر
تهنى عليها دخلت.. خدم الكرهبة ومشا طول روح لدارو
دخلت تلقا الجماعة في الصالة.. حشمت من بوها خاطر مش مستانسة بالحاجات هاذي
آما هو مكانش متقلق خاطرو خطبهاا و عندو حق يخرجها
تبسمت و دخلت
حنان : عزيزتي جيت
سحر : أي ماا.. عسلامة pa
سي عصام : مرحبا ببنتي
حنان : عملت جو
سحر تبسمت : أي برشا
حنان : صحة لبنتي.. أيا برا بدل حوايجك و إيجا نتعشااو
سحر : ماعينيش ما والله كنت ناكل قبيليكا شويا.. نمشي ناخو دوش نرتاح و بعد كان جعت تو ناكل
قالتلها باهي.. طلعت في الدروج و دخلت لبيتهاا... سكرت الباب.. حطت ساكها عالفرش ومشات للكوافوز تطل على وجها..
حطت يدها على شفايفهاا تتحسس فيهم حستهم يحرقوا من قوة بوسة أصيل
هزت قصتها لتالي.. تبسمت.. نحات حوايجهاا ودخلت للدوش عملت بانو سخون
أصيل زادا روح للدار عمل دوش خفيف وخرج لاف منشفة في وسطو.. شيح روحو ولبس شورط و هز التليفون وكلم أمو
كانوا ملمومين على طاولة العشا سي محمود و جودة و أصالة و أصلان
صونا تليفونهاا شافت لقاتو أصيل خزرت للجماعة : آو أصيلو يطلب
هزت : آ بابا وينك
أصيل : وينك أمي
جودة : هاني بابا وينك إنت
أصيل : هاني.. إسمعني كلم دار سحر و إستدعاهم غدوا عالفطور عندي موضوع نحب نحكي فيه أنا وسحر قدامكم الكل
جودة : نشالله خير فما حاجة
أصيل : تي لا يامي ماتخافش تو غدوا نقوللكم
جودة : باهي تو نستدعاهم توا
علق التليفون ورجع يشيح في شعرو
يتعشااو سي عصام ومرتو و ساجد
صونا تليفون سي عصام.. شاف لقاه سي محمود
خزر لمرتو : سي محمود بو أصيل يطلب
حنان مسحت فمها وقعدت تخزر
هز عليه
سي محمود : سلام عليكم سي عصام
سي عصام : مرحبا بيك سي محمود شحالك و شحال جمعك
سي محمود : بصحة الحمد لله و إنتوما
سي عصام : الحمد لله بخير
سي محمود : كلمتك نستدعى فيك بحذانا غدوا إنت و آلا حنان و الصغيرات نعملوا لمة هوني في داري
سي عصام : يعز مقدارك غدوا نشالله نبداو بحذاكم
سي محمود : مرحبااا بيكم و ليلتكم زينة
سي عصام : خيرات
علق التليفون وخزر لمرتو : مستدعيين غدوا بحذاهم
حنان : فما مناسبة ؟
عصام : لا تلقاهم يحبوا يعملوا لمة مع بعضنا الكل
حنان تبسمت : يعطيهم الصحة أهل خير
خرجت مالدوش ريحتها فاوحة تهبل ولابسة الكاب متاعها
دخلت عليها أمها تتبسم..
حنان : غدوا مستدعيين بحذا سي محمود بو أصيل
سحر : هو كلمكم ؟
حنان : كلمنا توا سي محمود و قاللنا
حكات شويا هي وأمها و مشات تشيح في شعرها و تلبس في حوايجهاا
حكات شويا في التليفون مع أصيل و حلت أنستا و فيسبوك وبعد دخلت في فرشها رقدت و التبسيمة مرسومة على وجهاا