العميد (حكاية شرطي )

الحلقة 9

سحر : بالحق
أصيل : إن شاء الله.. خليلي نومرو نجم نكلمك عليه
سحر : نعطيك نومرو بينومتي
أصيل رجعلها الورقة : إكتب
كتبت النومرو و مدتلو الورقة مرة أخرى
أصيل عمللها باهي براسو
سحر : نجم نمشي على روحي توا ؟
أصيل : تنجم.. و أي مشكلة تجيني مرحبا بيك
سحر بصوت واطي : و أنا مازلت نعمل هالعملة
ضحك وسمعها شقالت
سحر : أيا نخليك وربي يعاونك وسامحني كان قلقتك
أصيل : ستنا شوياا
سحر : نعم
مدلها الكارت فيسيت متاعو : خليها عندك.. تستحق حاجة كلمني مافما حتى مشكل
خذاتها وتبسمت : عيشك.. أيا بالسلامة
أصيل : سلامات
قامت مالكرسي.. ومشات للباب وهو عينيه ماهبطوش يخزرلها
حلت الباب.. وخرجت سكرتو
ضحك عليهااا عمرو مارا وحدة في هبالهااا
ترشف مالقهوة وعمل تليفون مالفيكس للي لاهي بالأنفورماتيك عندهم في المركز
دقيقتين وجاه.. دق الباب قلو أدخل دخلل
خليل : وي عميد أصيل حاجتك بياا
أصيل : فما تليفون تسرق البارح العشية.. هذا الكود متاعو.. نحبو يكون عندي في أقصى تقدير 48 ساعة
خليل خذا الورقة : تهنا عميد أصيل
أصيل : إستحفظ عالورقة فيها نومرو مولا التليفون
خليل : حااضر
أصيل : يعطيك الصحة.. إرجع لخدمتك تواا
قلو حاضر وخرج رجع لخدمتو..
و أصيل زادا غطس في الخدمة
مشات سحر فطرت وتعدات للبوتيكات عملت دورة و خذات حاجات و بعد روحت رجعت للفوايي
حكات لبينومتها اللي صار و قالتلها اللي عطاتهم نومرو تليفونها بش يكلموها عليه
حكاو شويا وقاموا يقضيو للعشا
آخر العشية خرج أصيل بكل وهرة مالخدمة.. ركب في كرهبتو و ديمارا ومشا.. آما مامشاش لدارو.. مشا ل appartement سارة
وصل... طلع في ال ascenseur وقف قدام الباب متاعها ودق
دقيقتين وحلت
فرحت عاللخر كي راتو قدامهاا : أصيييللل يا روحي جيت
و ترمات عليه عنقتو : توحشتك عاللخر حبيبي
أصيل عنقها ساكت تعنيقة باردة
سارة شدتو من يدو : هيا أدخل يا روحي
دخلوا وسكرت الباب
نحا الفاست متاعو وقعد عالكانابي يرتاح
جات قعدت بحذااه.. وبدات تعدي في يدها على صدرو وتبوس فيه من رقبتو : توحشتك توحشتك برشاا
و أصيل مغمض عينيه و ساكت
قامت شويا تتبسم : الليلة شتقعد عندي مش هكاا
أصيل : أي
سارة : باهي ملا خليني نكمندي العشاا
قلها باهي و اتكا عالكانابي وغمض عينيه يرقد شوياا
استغلت الفرصة ودخلت لبيتها تبدل في حوايجها
شويا وقت و كملت
لبست روبة ميني عاللخر لونها أحمر.. معاها طالون.. سيبت شعرها قصير يوصل ل أكتافها وعملت ماكياج وروج في فمها و برفنت و خرجت مالبيت
وصل العشااا.. خرجت خذاتو و خلصت وحطت الطاولة
مع الثمانية.. مشات تفيق في أصيل
سارة : أصيل... حبيبي يا روحي فيق
فاق وقام قعد بالقاعدة.. وغرس يديه في شعرو
قربتلو تعدي في يدها على وجهو و شعرو : شبي روحي
أصيل : تاعب
سارة بدلول : أنا الليلة نحي لعزيزي التعب الكل
خزرلها وتبسم وقام يغسل في وجهو