العميد (حكاية شرطي )

الحلقة 32

الحلقة الثانية والثلاثون
خرج أصيل مالدوش.. لاف منشفة في وسطو ويشيح في شعرو بمنشفة أخرى صغيرة
طيش روحو عالفرش.. يخزر للسقف
سمع تليفونو يصوني قام شويا لقاها أمو.. هز
جودة : وينك بابا
أصيل : أهلا أمي سافا
جودة : الحمد لله و إنت
أصيل : هاني الحمدالله
جودة : بش تجي مااو غدوا لعيد ميلاد أختك
أصيل : أي أمي بالطبيعة
حكاو شويا وبعد علق ورجع تمد في فرشو
خرجت سحر مالدوش.. لبست حوايجها وشيحت شعرهاا
خزرت للبراسلي.. عدات يدها عليهاا.. تنهدت ورجعت تشيح في شعرها
طااح الليل
حضر عشاه و ركش على سيري.. سمع ناقوز الباب ضرب
قام بش يحل يلقاه أمير
أمير : هيا نخرجوااا
أصيل : ماعيني في خروج
أمير : شبيك ماو لباس
أصيل : شي فادد ماعينيش نخرج
قعد عالكانابي و أصيل دخل جابلو حاجة يشربهاا
أمير : شكوني اللي ريتها معاك هاكي
أصيل : بنية تقرا في الفاك
أمير : منين تعرفها
أصيل : تعرفناا المدة لخرى في المركز وفي الكياس وبرشا بقايع
أمير : حليلتهاا ياسر دافية ظاهرة
أصيل خزرلو : أي باهية وحنينة برشاا
أمير : آآ شنوا صاحبي ربطت خيوطك معاها
أصيل : بلاهي سكر عليا فمك
أمير ضحك وصرفڨو بالمخدة
أمير : طلع اليوم شكون كلمني
أصيل : شكون
أمير : سارة
أصيل : شتحب
أمير : تحب عليك إنت
ڨحرلووو ورجع يتفرج
أمير : واللهي كيما نقلك
أصيل : ماتقلي شي... أخطاني مالڨربج يهديك
أمير : تحبك مخبووطة فيك
أصيل : كان كل وحدة تتخبط فياا وتحبني نحل معاها الهدرة راهم بالصف قدام داري
أمير : و البنية متع اليوم زادا ناوي على ليلة وطيش
كرزز و حس الدم طلعلو.. خزرلو خزرة حادة : زيد عاودها تو نطيحلك رب فمك.. هذيكا بنية عاقلة ومتربية وماهيش متع الحاجات المنيكة اللي تحكي عليهاا شبيي ربك ياخي
أمير : تي شبيك سخنت شعندي قتلك أنا
غرس يدو في شعرو : قيل زبي مش طايق حد أمير
أمير : تي شبييك ڨينتها أصيل
أصيل خزرلوو و سكت
قعد بحذاه شوياا وبعد هز روحو وروح
شدت فرشهاا.. تعدي في يدها عالبراسلي
جبدت تليفونهاا وحلت لنستاڨرام
كتبت أصيل في recherche..خرجلهاا طول
دخلت تشوف في الأنستڨرام متاعو... تصاورو فايتين الألفين réagi.. وعندو شبعة أبوني
عملتلو أبوني ودخلت تتفرج في تصاورو اللي يهبلووا
طلع لبيتو.. ودخل في فرشو.. حل الأنستا جاتو أبوني
دخل يشوف يلقاها سحر
من غير مايخمم.. رجعلها أبوني
جاتها أبوني وهي تفلي في تصاورو.. وهو بدورو دخل يشوف في الكونط متاعها
جا نص الليل.. وهوما الزوز حالين الأنستڨرام
حل ال discussion متاعها وبعثلها ميساج
أصيل : أرقد
شافت ميساجو تبسمت
سحر : شويا و نرقد
أصيل : صحيت
سحر : و إنت هاك ساهر
أصيل : هاني شنرقد أنا زادا
سحر : أيا باهي
أصيل : ليلتك زينة
سحر : ليلتك أزين
خلالها vu و سكر وطفا الضو رقد على روحو بعد مابقات في بالو
هي زادا نحات تليفونها... ودخلت في فرشها رقدت