العميد (حكاية شرطي )

الحلقة 15

وصلوا للفوايي.. وقف الكرهبة على جنب
خزرلها.. وخزرتلو وتبسموا لبعضهم
أصيل : ماتستحق شي
سحر : لا يخليك سي أصيل
جبد من جيبو فلوس ومدهملهاا
وخرت لتالي وعملتلو لا برااسها
أصيل : ماتقليش لا.. خوذ و أسكت
سحر : لا فلوس ماناخوش سي أصيل
أصيل : خوذهم من عندي إحسبني صديق
سحر : عندي والله ربي يخليك
حطهم عالتابلو د بورد و سكت على روحو
سحر : merci pour tous
أصيل : ماعندي ماعملت
تبسمت وجات شتهبط وقفها
خزرتلو
أصيل : رد بالك على روحك.. و أي مشكل إيجا للمركز ولا هويني الكارط فيسيت عندك
سحر : عيشك وربي يخليك
هبطت مالكرهبة
حل بلار الشباك من جيهتها : من غير مانوصيك.. يقلقك حد في الكياس إيجا إشكي بيه
و إطرشق بالضحك
وسحر ضيقت عينيها ساكتة
أصيل يضحك : نفدلك عليك.. نوصيك على حاجة أخرى تليفونك المرة الجاية نحب نلقااه عند حماص الحومة
نزلت على سنونهاا بغزول وهو ميت عليها ضحك
قلهاا باي بيديه مع ضحكة مزياانة عاللخر وديمارا ومشاا يجري بكرهبتو وسط الكياس
ضحكت.. ودخلت للفوايي تجري بش تكلم أمها و بوهاا تقلهم على جديدها في الفاك
سكرت الباب بالمفتاح.. وقعدت على فرشهاا وطلبت بوها
شوياا وقت وهز
سحر : pa رجعت تليفوني يا روحي
عصام : أهلا ببنتي..أيا باهي كيفاش عملت
سحر : مشيت للمركز عطيتهم كود التليفون رجعوهولي ليوم
عصام : الحمد لله فلوس حلال
سحر تبسمت : عندي ليك خبر مزيان برشا ليك و لما
عصام : قلي تره فرحني
سحر تتبسم : جيت لولة متع الكلاس.. ومعدل 16
عصام فرح عاللخر : حبيبة بووهاا هي صحيت يا روحي هكا نحبك يخليك ليا و إن شالله ديما مفرحتني
ضحكت فرحانة : يعيشك ياا pa إن شاء الله ديما فرحاااان
قعدوا يحكيو و حكات مع أمها زادا
فرحواا برشا ببنتهم
كملوا حكاو علقت التليفون وحطتو في الشارج ومشات بدلت حوايجهاا
دخلت بينومتها أحلام حكاتلهاا اللي صار الكل
فرحتلهاا بالتليفون اللي رجعلها و خاصة بالمعدل المزياان
شويا وقت و خرجوا للرستو يتعشااو
روح أصيل لدارو يتبسم عليها وعلى هبالها
دخل طيش مفاتحو و تليفونو فوق الطاولة وطلع لبيتو يبدل في حوايجو وعاود هبط للصالون ركش على فيلم لين طاح الليل
يسمع في تليفونو يصوني شاف لقاها سارة
طيشو ورجع يتفرج في الفيلم
عاودت طلبتو وماهزش.. وعاودت مرة أخرى هز يتأفف : وي
سارة : أصيل وينك
أصيل : في داري
سارة : أعطيني لدراس نحب نجيك
أصيل : مانعطيش وماتجينيش
سارة : توحشتك راني أصيل
أصيل : تو نجيك أنا samedi
تبسمت : باهي نستناك مالا
طول علق وطيش تليفونو ورجع يتفرج

الحلقة 16.

تفكرهاا جات على بالو تبسم وهو يتفرج في الفيلم
ضرب الناقوز.. قام من بلاصتو بش يشوف شكون لقاه صاحبو يخدم في مركز آخر وديما يخرجوا مع بعضهم
أمير : شوو كي كااارك كالدجاجة
أصيل : أدخل و أسكت
أمير : مش أنا اللي ندخل.. إنت تحرك إلبس وهيا أخرج
أصيل : فين خارج
أمير : هياا نخرجوا نتعشااو
أصيل : تعشيت
أمير : باهي هيا نشربوا حاجة
أصيل : شربت
أمير : هياااا إنيكواااا سافاا
أصيل ضحك وضربو على كتفو : طوول عمرك منطقك عادم
أمير ضحك : تي هيا بالله ويزينا مالقعاد في الدار و المراكز
أصيل : باهي سيدي دقيقة نبدل ونجي
طلع لبيتو لبس سبور وخرج
هز مفاتح الدار و تليفونو وخرج طلع مع أمير في كرهبتو
أمير : فين نمشيو
أصيل : مخرجني في هالبرد كنت دافي في داري بش تقلي فين نمشيو ؟؟
أمير : نمشيو لديسكو
أصيل : ماعيني في شرب
أمير : مالا
أصيل : براا لقهوة وسيبنااا
ديمارا ومشاا لقهوة مضخمة تخدم بالليل
دخلواا ركشواا يحكيو أمور خدمة و يفركوا فيهاا
مع نص الليل شدت سحر فرشهاا و أحلام زادة شدت فرشها و نساو الضو يشعل
أحلام : سحر الضو
سحر : قوم طفي إنت
أحلام : قوم إنت أمان
سحر : لبارح طفيتو أنا.. الليلة تطفيه إنت
أحلام : باهي قوم طفيه الليلة زادا و أنا نطفيه الليلتين الجايين
سحر : مانقووومش فرشي دافي
أحلام : باهي اللي تجي فيه العشرة يقوم هو يطفي
سحر : برااا أي
بدات تحسب و جات ال 10 فيها هي
سحر ضحكت : قوم كالغزالة طفيلنا آكا الضو أي
قامت تجري.. ورجعت لفرشهاا عجاجة بش ماتبردش
ضحكوا تحت الغطااا عالتفاهة متاعهمم وغمضوا عينيهم لين هزهم النوم
أصيل شاف الوقت لقاها نص الليل : أيا قوم سي الشباب روح بيااا معادش بكري لا عليا ولا عليك
ترشف من قهوتو وقلو هياا
خرجواا مالقهوة.. ركبوا في الكرهبة وطول لدار أصيل
ربع ساعة ووصلوا
أصيل : هيا على خير
أمير : غدوا تو نجيك
أصيل : فين جااي لنمي كل ليلة هو
أمير ضحك : ياا ولدي غمة المركز نحب نحيهاا في الليل
أصيل : شوف طفلة أخرج معاهاا و أنا سيبني الزب تقول مرتك تكركر فيا من بلاصة لبلاصة
ضحك بالصوت : باهي بركاا أسكت.. برا أرقد
أصيل : هياا سلام
هبط مالكرهبة ودخل لدارو.. وتعدا طول لبيتو الفوق
نحا حوايجو لبس شورط.. غسل سنونو .. ودخل في فرشو
بربش تليفونو شويااا حل الفيس و الأنستا فيسع و سكر
عمر ال réveil وحط التليفون عالتابل د نوي
طفا الفايوز ودخل في فرشو رقد
و صبااح جدييد
فاقت من نومها هي و بينومتها حضروا رواحهم كالعادة وخرجوا يتمشاو للكافي
خذاو كرواسون وقهاوي وتعداو للفاك