العميد (حكاية شرطي )

الحلقة 59

شويا وقت ووصلوا الكل لدار سي محمود
هبطوا ودخلوا قعدوا في الصالة
جودة : تبارك الله عليهم.. ناس دافين ومثقفين محلاهم
أصيل تبسم
محمود خزر لأصيل : توا الخطبة وخطبناا.. والعرس وقتاش
أصالة ضحكت.. و أصيل هز حاجبو
أصيل : تو نحكي مع سحر و نشوف بابا
حكاو شويا وبعد ركب في كرهبتو وروح لدارو بش يبدل حوايجو ويرتاح
في المركز
دخل عون بش يعطيها عشاهاا
خزرتلو بعينين ذابلين : نحب نشوف العميد أصيل
العون : العميد أصيل ماهوش هوني لاهي بالعام الجديد وبخطبتو
خزرتلو : خطبتو ؟؟؟
العون : أي ليوما مشا بش يخطب
حست بوجيعة وقعدت تبكي و مانجمتش تتعشى
طلعت سحر لبيتها فرحاانة قد الدنياا.. قعدت تتحسس في الخاتم.. الشركة و تتبسم عاللخر
جاتها حنان عاونتها بش تنحي الروبة.. لبست شورط و خلعة.. سيبت شعرها.. نحات المكياج باللانجات وشدت فرشهاا حلت انستڨرام و هبطت ستوريات و تصاور يهبلو عاللخر
خرج مالدوش يشيح في بدنو وشعرو..
لبس شورط.. وبرفن.. ودخل في فرشو كلمها طول
كانت متكية في فرشهاا.. شافت إسمو ظهر عالإيكرون تبسمت تبسيمة عريضة وطول هزت : ألو
أصيل : عزيزتي وينك
سحر : هاني في بيتي حبيبي و إنت
أصيل : أنا زادا هاني روحت دوشت وتوا في فرشي
سحر : شقالوا الجماعة
أصيل : قالولي وقتاش تعرس
سحر ضحكت
أصيل : تضحك ؟ مالا و راسك قالولي وقتاش العرس
سحر ضحكت : دقواا شقواا هو
أصيل : ماو يخافوا لاتخطفني وحدة أخرى
سحر : سخطة على ڨبهاا تخطفك
ضحك بالصوت
أصيل : باهي قلي.. نتعدالك غدوا نعديو نهير حلو
سحر : أي حبيبي بالطبيعة
أصيل : باهي الصباح مع العشرة تلقاني قدام داركم
حكاو شويا و بعد علق ورقد وهي كيفو والزوز فرحااانين عاللخر
جااا صباح جديد
فاقت ناشطة عاللخر.. وفرحانة
طول دخلت خذات دوش.. شويا وقت وخرجت ريحتها تهبل بالموس..
لبست روبة قصيرة محزوقة فوق الركبة يديها طوال و أكتافها عريااا... معاها كولون فوال فاتح و بورتكان نوار
عملت شعرها بابيليز.. مكيجت مكيااج فينو طلعت تهبل
لبست الخاتم متاعها مسحت عليه تتبسم.. ولبست شركتها والبراسلي اللي هداهالها أديم
هزت ساك نوار صغير حطت فيه سطوشها و تليفونها وهبطت اللوطا تلقا أمها تحضر في الفطور
حنان : صباحو عزيزتي
سحر : صباح الخير ما
حنان : أيا تجي تفطر
سحر مستدعية على petit déj ما
حنان تبسمت : صحة لعزيزتي.. أي وينو أصيل توا
سحر : كي يوصل يكلمني
هي دوب كملت كلامها و أصيل طلب
تبسمت وهزت : صباح النور
أصيل : صبااحو حبيبي أيا هاني البراا
سحر : دقيقة ونجي
علق و قعد يخزر لباب دارهم يحبها تطل