العميد (حكاية شرطي )

الحلقة 53

وغرس راسو في رقبتها يبوس فيها بكل شهوة وهي صدرها يتهز ويتحط وحاسة ببدنها سخون عاللخر وتستحلى في بوساتو البنان
قومها شويا ونحالها البيجاما اللي من فوق قعدت في خلعة بيضا قصيرة ظهرتلها كرشها وشويا من صدرهااا
خزرلها بحب كبيير و هبط يبوس فيهاا من رقبتها وصدرها فوق المريول وهي مغمضة عينيها وضامة شفايفها لبعضهم
هبط بالشوية وباسلها كرشهاا ببوسات خفاف مفرقين خلاوها تشعل وتتأوه شويا
رجع لوجهاا ورجع يبوس فيها من شفايفهااا وكابس عليهاا وهي تعدي في يدها على ظهرو بحنية
قعدوا مدة باهية مع بعضهم والزوز في عز النشوة متاعهم
أصيل معادش ينجم أكثر من هكا
قرب لوذنيهاا...وبدا يحكي بصوت ذابل خارج بالسيف : يلزمنا ناقفوا هوني
غمضت عينيها ونزلت على شفايفهاا وعملتلو أي براسها
باسهاا من جبينها بحراارة.. وطول قاام من فوقها وجبدهاا جات على صدرو..
حطت يديها على صدرو.. وهو حط يدو على ظهرها ويدو لخرة حطها على يدها هي اللي كانت فوق صدرو
ورقدواا ليلتهاا معنقين بعضهم وفرحاانين عاللخر
وجا صباااح جديد
فاق قبلهاا يلقاها مزالت راقدة.. تبسم وهو يخزرلهاا كيفاش وجها مورد.. شعرها هابط شويا على وجها والباقي مفرت على صدرو
حط يدو على شعرها وبدا يلعبلها بخصلات شعرها وهي تستحلى في لمسة يديه
حلت عينيها شويا وخزرتلو تتبسم : صباح النور
طول خطف منها بوسة حنينة من شفايفهاا بلا صوت : صباح الورد... رقدت مليح
تبسمت : أي و إنت
أصيل : مدامك عندي أكيد رقدت مليح
تبسمت وعنقتو
قعدوا في الفرش مدة باهية.. وبعد قاموا
أصيل دخل يعمل في دوش.. و سحر نظمت الفرش وهبطت تحضر في فطور الصباح
شويا وقت وكمل أصيل الدوش.. لبس حوايج الخدمة.. وحط سلاحو من تالي و تليفونو في جيبو.. شيح شعرو هزو لتالي وبرفن و خرج
يلقاها حضرت الفطور..
خزرتلو وهو هابط مالدروج مضخم يهبل مانجمتش تبعد عينيها عليه جملااا
وصل بحذاهاا.. وتبسموا لبعضهم
أصيل بدا يضحك : شبيك تخزرلي هكا
سحر : خاطر محلاك
ضحك وعنقهااا بقوة
مشاو قعدوا في الطاولة يفطرواا ويحكيو
ريڨلوا أمورهم كملوا فطورهم و نظموا الدنيا الكل وخرجواا بش يوصلها للفوايي تبدل البيجاما ويهزها للفاك
دخلت للفوايي.. فيسع لبست سروال دجين وكابيش.. وسبادري.. عملت شويا فون و مسكارا و روج فاتح و حطت كتبها اللي تقرا بيهم و خرجتلو.. ركبت بحذاه.. ديمارا ومشا
في الثنية
أصيل : أنا بش نمشي نحكي مع الدار ونتفاهمواا على الخطبة
سحر : و أنا تو نروح نحكي مع ما آخر الجمعة
كملوا ثنيتهم طول للفاك.. سلمت عليه وعنقتو.. و دخلت تقرا على روحها
و أصيل تعدا لدار أمو و بوه.. شويا وقت ووصل... يلقاهم في الجنينة.. وسي محمود شويا ويخرج للشركة متاعو
سلم عليهم وقعد بحذاهم
جودة : فطرت عزيزي
أصيل : أي يامي فطرت يخليك ليا.. جيت عندي مانحكي معاكم
محمود : أحكي ولدي
جودة : نشالله خير
أصيل : راس العام مزالو جمعة... نحب نمشي نخطب سحر رسمي في ليلة راس العام
جودة و محمود تبسمواا.. وجودة طول ضربتلها زغراطة
محمود : بالطبيعة ولدي في كل وقت أحنا معاك
جودة تتبسم : فرحة عمري يا أصيل والله
أصيل تبسم : تحكي سحر مع دارهم وتو نقلكم الصحيح
حكاو شوياا و بعد خرج ركب في كرهبتو و طول للمركز
جابولو قهوة وطول غطس في خدمتو
جات آخر الجمعة..