العميد (حكاية شرطي )

الحلقة 46

الحلقة السادسة و الأربعون
خزرتلو في عينيه وهي قريبتلو عاللخر
أصيل : رد بالك على روحك.. وتو نكلمك
عملتلو باهي براسها وتبسمت
أصيل : جينا نمثلوا رصات بالحق
ضحكوا فرد وقت... وجبدها عنقهاا بمحبة ومودة وعز كبير وهي عندو كالبنية الصغرونة
قامت من عندو شويا... سلمت عليه ببوستين في خدو وهزت القضيات وساكها بش تهبط
هي دوب عطاتو بالظهر... وهو جبدهاا وطول غرس شفايفو في شفايفهاا
غمضت عينيها.. واستسلمت ليه.. وحست بالسخاانة ضربت في راسهاا
حط يدو ورا حزامها.. وهي يد شادة بيها الساشي واليد لخرة حطتها ورا رقبتو
قعدوا عايشين اللحظة دقيقتين من غير ماياقفواا جملا
حط جبينو على جبينهاا يتنفس بصعوبة وهي وجها أحمر وشفايفهاا يرعشوا
بدا يحكي بصوت خارج مالأعماق : هبلتني راك.. أصيل هبلتووو...
وهي تسمع فيه وقلبها بش يطير بالفرحة
بعد عليها شويا وباسلها يدهاا وخزرلها : براا إجري روح لا ترصيلي خاطفك إجرييي
ضحكت.. وقربت باستو من خدو قريب ياسر لفمو.. وقالتهالو بصوت ضعيف : نحبك برشا.. ربي يخليك ليا
تبسم و وشوشلها في وذنيها : أنا أكثر
غمضت عينيها و تبسمت وطول حلت باب الكرهبة و هبطت
تبسم وهو يخزرلها.. وصلت لباب الفوايي وخزرتلو
طيشلها بوسة.. تبسمت بحب ودخلت
تبسم وتهنا عليها دخلت .. وديمارا ومشااا
دخلت للفوايي فرحانة.. فرحانة عاللخر وطول مشات لبيتها و بنات في السكتور قعدوا يخزرولها مركزين معاها
دخلت لبيتها لقات أحلام.. سلمت عليها وقعدوا يحكيو
أحلام : اا شعملت
سحر تبسمت : خرجنا عدينا نهير هبال
وراتها التصاور والفيديوات.. وحكاتلهاا عليه برشا
حضروا الطاولة.. وتعشااو البيتزا اللي شراهالها أصيل وشربوا العصير وبعد قعدوا يقراو شويا شويا
أصيل روح لدارو.. عمل دوش وركش على روحو بعد ماتعشا عمل قهيوة وحط فيلم..
شويا وقت وضرب ناقوز الباب
قام لبس شلاكتو و مشا يحل..
أمير : شنوا سي الشباب مش فاضيلنا مالا
أصيل ڨحرلو...وسكر الباب و دخلوا
أمير : أيا أحكيلي أي
أصيل ضيق عينيه : شباش نحكيلك زادا
أمير : فين مشيت اليوم
أصيل : و إنت شيهمك
أمير : تي أحكي
أصيل : خرجت نحوس
أمير : مع شكون
أصيل : مع الطفلة اللي نحبها
أمير : أصيل وليت تحب؟؟؟
و اطرشق عليه بالضحك.. و أصيل صرفقو بمخدمة
أصيل : شبيني بابا ماعنديش قلب كالناس أنا
أمير : ملااا جديد عندك آآه.. وقلي بلاهي الحب باهي
أصيل ضحك : علاش ناوي على حويجة إنت زادا
أمير : كان نلقا مانقولش لا
أصيل : باهي صاحبي باهي خاصة مع بنية متربية وصغرونة
أمير : البنية اللي ريتها معاك آخر مرة
عملو أي براسو
أمير : تباركالله عليها والله ظاهرة دافية وبنت ناس
تبسم وسكت
أمير : سارة مرجتني تعرف
أصيل : شبيها
أمير : عليك إنت.. كلمتني تبكي قتلي شكون سحر اللي ديما مع أصيل.. وجاتني للمركز تحكي معايا
أصيل : أبعثهاا
أمير : قتلي أنا على خاطرو تبدلت وحبيتو من قلبي
أصيل : براس أمك أخطاني ومعادش تحكيلي عليهااا
قعدوا يحكيو ساهرين