العميد (حكاية شرطي )

الحلقة 21

الحلقة الواحدة والعشرون
شعل ال lampe ودخل ودخلت هي معاه
قدم للدريسينغ وجبد pyjama روج فاتحة مريول و سروال صوف
أصيل : خو إلبس أذوماا
وجبدلها شلاكة صوف : وزيد إلبس هاذي
وخرج طول سكر عليها الباب
خزرت للبيت مزيانة وبدات تبدل في حوايجهاا
هبط للصالة وتعدى طول للكوجينة يحضر في إندومي
لبست الpyjama.. و الشلاكة.. ستوات شعرها اللي هابط على عينيها وخرجت مالبيت تتمشى في الدروج
هبطت للصالة.. تشم في ريحة بنينة
تلفتت عاليمين تلقا الكوجينة.. مشات ودخلت تلقاه يطيب
خزرلهاا.. وطول في خزرتو..
أصيل : أدخل شبيك في الباب
دخلت حاشمة : دارك مزيانة برشااا
أصيل تبسم : إنت أزين
تبسمت حاشمة : فاش قاعد تعمل
أصيل : إندومي.. تحبهاا ؟؟
تبسمت : أي.. وتعرف تطيب ؟
أصيل : كي تطيب ذوق و أعطيني رايك
خذات كرسي وقعدت بحذااه
خلاها عالڨاز وخذا كرسي قعد مقابلهاا
خزروا لبعضهم
أصيل : باهية ال pyjama
سحر : أي حلوة عاللخر
تبسم : معادش تعاود صنعتك سحر
سحر بصوت واطي : باهي.. وسامحني ضيقتك في دارك
أصيل : آآو بدينا نخلوضوااا تواا.. أناا مايقلقنيش تقعد هوني.. اللي يقلقني هو مرواحك مخر وااضح
عملتلو باهي براسها وسكتت
قام مالكرسي ورجع للڨاز لقاها حضرت
ريڨلها و حط زوز أصحنة في طبق و زوز فراشط وخرج للصالة وقلها تبعني..
حط الطبق على الطاولة.. قعدت سحر على كانابي
و أصيل رجع للكوجينة جاب دبوزة الما وكاس الماا و زوز كيسان أخرين للعصير
حطهم عالطاولة و قعد بحذاها
مدلها صحنهاا : أيااا تره ذوق و هات رايك في إندومي العميد أصيل
تبسمت : ظاهرة بنينة برشاا
قدمت شوياا وذاقت : ممم محلاهااا عاللخر والله
أصيل : كول صحة
قعدوا ياكلوا ويحكيو شويا شوياا
ربع ساعة وكملوا
قامت بش تهز الطبق
أصيل : فاش تعمل نحي من يدك
سحر : نمشي نغسلهم
أصيل : ماتمس شي خلي عليك
سحر : والله لاما نغسلهم كان أناا.. إنت طيبت.. أنا نغسل
وطول هزت الطبق ودخلت للكوجينة
تبسم وهو يخزرلهاا.. حس بالداار فيهاا حركة وروح خاطر مستانس ديماا وحدو
مشات فيسع غسلت الماعون.. نشفت يديهاا.. طفات ضو الكوجينة وخرجت رجعت بحذا أصيل : شرايك في قهوة
أصيل : تعرف تعملهاا
ضيقت عينيها : هذاا سؤال ؟؟ درج وهاني جاية
ضحك... وقام طلع لبيتو يبدل في حوايجو
مستانس يلبس كان شورط يدور بيه في الدار... آما إحتراماا لسحر لبس مريول خلعة forme X.. ومعاه سروال سبور ڨري وشلاكتو الصووف
مشط شعرو وهبطو على عينيه.. وهبط رجع للصالة حط سيري كوميدية