العميد (حكاية شرطي )

الحلقة 51

قعد على كرسيه.. غرس يدو في شعرو هزو لتالي
مشا خليل لسارة يخمم فيهاا تمشيش يصيرلها كيما عصام
حل الباب.. خزرتلو ساكتة
خليل : قوم إيجا معايا لغرفة التحقيق سيد العميد طالبك
سارة : أصيل ؟
خليل : قول قدامو أصيل تو يشد يفركك من بعضك... أي سؤال جاوب عليه... وعلى فكرة الطفل اللي معاك صب بيك كل شي.. و العميد قريب يقتلو حتى تدخلنا بش يسيبو و شي..
سارة بلعت ريقها ساكتة
شدها من يدها وطول لغرفة التحقيق
دخلهاا وحطها عالكرسي.. و أصيل يخزرلهاا عاقد حواجبو وهي يديها ترعش خايفة
خزر لخليل وعملو إشارة بش يخرج.. عملو تحية وخرج
سارة قعدت تخزرلو كيفاش محلاه وهو يؤمر و ينهي في المركز ومحلااه عاللخر بلبسة الخدمة.. رغم خوفها منو مانجمتش تهبط عينيها وماتخزرش لزينو
شبك يديه في بعضهم وخزرلها : الجرأة اللي عندك.. Malheureusement ستعملتهاا مع الإنسان الغالط
خزرتلو ساكتة
أصيل : معناها تقيمني من خدمتي.. وتقلي عندي مشكلة.. و إنت  ناصبتلي حويجة من إختراعك
سارة : خاطر.. ن.. نحبك
ضرب يدو على الطاولة... وقام شدلها فمهااا وهي تتوجع : سكر فمك.. وقت أنا نقلك تكلم تتكلم.. وكلمة نحبك لياا أنا تعاودهااا نصرفڨك
خزرتلو تتوجع.. و سكتت
أصيل : منين جبتو نومرو سحر
سارة : مالفيسبوك
أصيل : جيتني لداري.. وسكت.. آما بش توصل تفرق بيني وبين الطفلة اللي نحبها.. هوني راك تغلط برشااا
خزرتلو في عينيه.. وبدات تعلي في صوتهاا : نحببببك.. نحبك أصيل نحبك شتحبني نعمل
قاام طووول وجبد عليها بكف طيحها هي و الكرسي جات مطيشة في القاعة وخشمها يجري بالدم
سمع خليل الضربة متع الكرسي فهم اللي هي قاعدة تاكل على راسها
مشالها طبس عليها.. وشدها من وجها وقفهااا ولصقها في الحيط وهي تكح وخشمها مدمدم
سارة تحكي بالسيف : أ..أقت...لني ورتحني من عذاب حبك
نزل على سنونو.. بغل كبيرررر... وطول طيشهاا جات ملوحة في القاعة
حل الباب وخزر لخليل : هز حطها في الحبس
خليل : حاضر سيد العميد
جات العشية والدنيا بدات تظلام
ركب في كرهبتو.. وطول ديمارا ومشا للفوايي متع سحر
كانت في فرشها قاعدة وسط الغطا.. شعرها مسيب هابط على عينيها.. وجها أحمر وخدودها موردين.. فمها منفوخ من كثرة البكا.. وعينيها ذابلين..
لابسة بيجاما صوف نوار.. وحالة انستڨرام تقصر في الوقت
وصل قدام باب الفوايي.. هز التليفون وطلبها
خرجلها إسمو من فوق.. خزرتلو.. وعلقت.. عاود كلمها عاودت علقت
بعثلها ميساج : أخرج هاني قدام الفوايي إيجا نحكيو شويا عندي مانقلك
شافت الميساج.. سكرت التليفون ومارجعتش عليه
أحلام : هو يطلب
سحر : أي
أحلام : ماتهزش
سحر : بعثلي ميساج قلي أخرج قدام الفوايي
أحلام : هو هوني توا
عملتلها أي براسهاا
فهم أصيل اللي هي طفاتو.. وماهياش شتخرج
حس بالدم طلع لراسو.. وطول هبط مالكرهبة وهد في الفوايي
دخل في الباب.. يلقا العساس
العساس وقف مشالو : تفضل
أصيل : العميد أصيل معاك
العساس ماشكش في هذا خاطرو أصيل لابس لبسة الخدمة ومسلح
العساس : تفضل سيد العميد
أصيل : حاجتي ببنية هوني إسمها سحر.. سحر مؤمن..
العساس : حاضر سيد العميد نشوفها وهاني جاي
غرس يدو في شعرو هزو لتالي ووقف يستنى