العميد (حكاية شرطي )

الحلقة 55

خزر لبنتو.. وهي حاشمة
عصام : أحكيلي سحر
سحر خزرتلو : شنوا pa
عصام : شكون اللي يحب يجي يخطبك تعرفو ؟
سحر : أي نعرفو pa
عصام : أي أحكيلي كيفاش تعرفو
سحر حطت قصتها ورا وذنيها : إسمو أصيل.. يخدم عميد شرطة.. تعرفت عليه في المركز وقت كلمتك قتلك pa سرقولي تليفوني.. أصيل هو اللي رجعلي تليفوني.. وبقيت en contact معاه مدة باهية... ناس ملاح برشاا.. ومانتوقعش روحي مع غيرو هاذي الحقيقة pa
خزر لمرتو.. ومرتو خزرتلو وبعد خزرت لبنتها
سكتواا الكل.. وكسر السكوت هذا عصام
عصام : مرحبا بيهم.. كي متوافقين مع بعضكم هاكي الفايدة
سحر تبسمت وطبست عنقتو : يعيشك pa ربي يخليك ليا
حنان تبسمت و سكتت
طلعت لبيتها فرحاانة بش تكلم أصيل
وحنان و سي عصام قعدوا يحكيو عليها.. و يحكيو عالتحضيرات خاطر معادش برشا على راس العام
قعدت عالفرش ستوات روحها وهزت التليفون كلمت أصيل
كان راكش في بيتو هو و أصلان يفسرلو في الماط.. ويترشف في قهوة.. جبد تليفونو من جيبو كي سمعو يصوني لقاها سحر
قام مشا لبيتو وخلا أصلان يخدم في exercice
هز عليهااا : وينك عزيزتي
سحر تبسمت : هاني يا روحي وينك إنت
أصيل : هاني هاني
سحر : نحب نقلك حاجة
أصيل : نسمع فيك
سحر : حكيت أنا و ما مع pa على حكاية الخطبة
أصيل : هايه
سحر : قلي مرحبا بيكم في كل وقت
أصيل تبسم : أيا باهي
سحر : والله خفت أنا قلت يقول لا
أصيل : أي يحضر روحو.. تو كي نهبطلو القوة العامة و الخاصة يسركلولو الدار تو وقتها يوافق
سحر ضحكت بالصوت
أصيل : وقتاش ترجع هوني
سحر : غدوا
أصيل : أبعثلي أدراس داركم تو نجي أنا نروح بيك وفرد مرة نخرجواا نعديو عشوية مع بعضنا
سحر : باهي تو نبعثهالك.. قلي قلت لداركم
أصيل : قلتلهم بالطبيعة
سحر : شقالواا
أصيل : فرحوا برشا و قالولي وقت ماتحب أحنا حاضرين
سحر تبسمت : أيا باهي
حكاو شوياا... وبعد علقت وبعثتلو لدراس متع دارهم
دخلت في فرشهاا تتبسم فرحانة عاللخر بأصيل و بحكايتهم اللي بش تزيد تحلى و تحلى
و أصيل فرحان بيها عاللخر حسها كي بنتو الصغيرة
رقدوا ليلتها فرحانين عاللخر
وجا صبااح جديد مزياان برشاااا
فاقت تتكسل والتبسيمة على فمهاا
طول قامت ريڨلت أمورها دوش و جبدت شعرها جبدة خفيفة.. مكيجت و حطت حاجاتها في ساكهااا و هبطت اللوطا
تلقا حنان و سي عصام و ساجد في الصالة والفطور حضر
قعدوا تلموا على طاولة الفطور.. يحكيو ويضحكواا
شويا وقت وكملواا
هز سي عصام مفاتحو وخرج هو و ساجد بعد ماسلم على بنتو وعطاها فلوس
نظفت الطاولة..
كلمها كي وصل... سمعت تليفونها يصوني عرفتو هو
تبسمت وهزت : ألو
أصيل : bonjour عزيزتي
سحر : سعيد يا روحي
أصيل : أيا حاضرة تجي
سحر : أي دقيقة بركا
سلمت على أمها و جات شتخرج شدتها
حنان : هو جا لهوني ؟
سحر : أي ماا جا بش يهزني هو
حنان : قلو يجي بحذانا شويا خليني نشوفو ونحكي معاه
سحر تبسمت وخرجتلو طول