العميد (حكاية شرطي )

الحلقة 29

الحلقة التاسعة والعشرون
خذا الباكوات من عند ال vendeuse
تبسمتلو : مرحباا بيكم مسيو نورتوناا
شد الباكوات وحط يدو على كتف سحر و خرج
وسحر مهبطة راسها حاشمة منو
حط الباكوات في الكرهبة.. وكملوا مشوارهم
أصيل : نمشيو توا نشوفوا إكسسوارات
سحر بصوت ضعيف : باهي
تمشااو في برشا بوتيكات لين طاحوا ببوتيك يبيع الفضة و الذهب
دخلوا و بدات سحر تفلي بعينيها في الحاجات الموجودة
خزرتلو : سي أصيل إنت شنوا تحب تاخولها
أصيل : قلت بلوطة و شركة شراايك
سحر : فكرة.. إيجا شوف أذوما
وراتو شركة فينو عاللخر و بلوطة فضة
أصيل : باهي
بعد عليها شوياا ومشا يشوف في براسلي فينو فضة موجودين برشا أنواع
لقا براسلي حلوة عاللخر فيها نوارة تقتل يااسر فينو
تبسم و تفكرها كيفاش اليوماا تلمد في النوار من جنينتو.. جبدهاا وقرر ياخوها
مشاا للصايغي ومدلو الحاجات اللي بش ياخوهم
وزنهم وحطهملو في باكوات مضخمين كل حاجة في باكو.. حطهملو في ساشي صغير
خلصو و خذاهم.. تبسموا لبعضهم.. وهز سحر ومشا
ركبوا في الكرهبة
خزرلها : فين نمشيو تواا
سحر : كملت مااو قضياتك
أصيل : كملت أي
سحر : نروحوا مالا
خزر لمنڨالتو يشوف في الوقت يلقاها لربعة يعني مازال بكري
أصيل : أنا ماعينيش نشد الدار من تواا..نمشيو نشربوا حاجة
سحر بقات ساكتة
أصيل : آآ سحر
سحر خزرتلو : سي أصيل بصراحة.. حاسة روحي ياسر نضايق فيك و قاعد تصرف برشا فطور و قهاوي.. روح بياا نحب نروح
أصيل تنرفزز خزرلهاا وصوتو علا : دييمااا هكااا ديمااا تمسطهااا.. تي شبيك تخمم هكااا..
قربلهااا وهي تخزرلو : شوف سحر.. مافماش حاجة تنرفزني قد ماواحد يحسبها كي يبدا معاياا.. أنا كي نخرج معاك نفرح و نرتااح إفهمهاااا هاذي
وحط صبعو على راسهاا بمعنى إفهمم
خزرتلو ببراءة وعملتلو باهي براسها و سكتت
أصيل : نجمواا نمشيو توا بلا مرج
سحر : إمشي
ديمارا و مشااا
شويا وقت ووصلواا.. هبطواا و دخلواا لمنتزه ياسر كالم و محلااه
قعدوا.. جا السيرفور هبط أصيل أماريكان و سحر ديراكت
هوما قاعدين و تليفون أصيل صوناا كان فوق الطاولة
وظهر عالإيكرون اسم سارة
شافتو و هبطت عينيها.. خذا التليفون و علق
سحر : مافماش علاش تعلق عليها..هز ميسالش تو نسكت
أصيل : فاش تحكي
سحر : هززز على صاحبتك ولا خطيبتك
أصيل تنرفز عاللخر و كي راهاا عاودت طلبت طول هز
سارة : حبيبي أصيل فينك ياخي
أصيل بنبرة حادة : مع سحر
سحر هزت رااسها باهتة
سارة : سحر ؟؟ شكوني هااذي... آآ اللي مشيتلها ليلة السبت وخليتني ؟
أصيل : هااكي هي.. بالسلامة
وعلق.. وخزرلهاا : ماهياش خطيبتي وماهيااش صاحبتي.. يهديك ربي ماتنرفزنيش سحر
سحر : باهي سامحني معادش ندخل في حاجات ماتعنينيش
ضرب الطاولة بالقوي لين تفجعت : شبيييك ياااخي منكدتهااااا.. من بكري و إنت تقول في كلام يكسر الكرايم... أسكت أسكت جملاااا أسكت
خزرتلو و سكتت