العميد (حكاية شرطي )

الحلقة 31

الحلقة الواحدة والثلاثون
خزرت لوجهو.. حستو تنرفز.. بلعت ريقهاا وقتلو بنبرة ضعيفة وحنينة : سامحني
أصيل : مافماش علاش.. ماعندك ماعملت
سحر : بالحق معادش بش نراك ؟؟
خزرلها : أخزرلي
خزرتلو في عينيه.. وهو بيدو يخزرلها في عينيها
أصيل : تحب تراني ؟
رمشت عينيها وطول عملتلو أي براسهاا
أصيل : مالا تاخو الباكو
تبسمت وخذاتو وحاولت تهدي الجو : باهي هاني خذيتو ماتاخوش في خاطرك مني سي أصيل واللاهي مش مني
عدا يدو على شعرو و خزرلها : أسكت
هبطت راسها و سكتت
جبد الباكو اللي فيه البراسلي.. خزرلها وشدلها يدها
خزرتلو مافهمتش شبيه
جبد البراسلي و لبسهالهاا
حلت عينيهااا فيهاا عجبتهاا عاللخر حتى كي شراها ماراتوش
وزيد فيها وردة وهي من عشاق النوار
سحر بنبرة حنينة : سي أصيل
أصيل : هاذي تبقا ديما في يدك.. هاذي هديتي ليك بمناسبة الرتبة لولة في الكلاس والمعدل المزيان اللي جبتو
خزرتلوو بعزازة عاللخر ومن غير ماتخمم ترمات عليه عنقتو وعينيها حمر يحكيو دموع : ربي يخليك سي أصيل والله أول مرة واحد يأمن بقدراتي ويفرحلي هكاا
أصيل كبس عليها يعدي في يدو على شعرهااا
حس بحاجة في قلبو غرييبة عالللخخرر
بعدت عليه شويا.. تبسمت.. وطول هبطت هزت ساكهاا والباكو اللي فيه اللبسة و النوارات اللي خذاتهم من جنينتو.. و دخلت للفوايي
شيعها بعينيه... وجهو ماهوش يتبسم.. حس بحاجة مش مستانس بيهاا
حط راسو عالفولون داخل بعضو عاللخر
غرس يديه الزوز في شعرو ونفخ بقوة... وطول ديماراا ومشا
وصل لدارو
هبط القضيات وطول طلع لبيتو
حط القضيات في الدريسينغ.. وطول دخل للدوش
واقف في الدوش.. والما هابط على وجهو و شعرو
يخمم فيهاا عاللخر وماعرفش شبيه
سحر دخلت لبيتها طول حطت اللبسة في خزانتها ومشات قعدت على فرشها تتحسس في البراسلي وتسترجع في فازتو كيفاش لبسهالهاا
فاقت أحلام من نومها و خزرتلها : آآ سحر جيت
سحر : توا دخلت
أحلام : كنت تحوس ؟
سحر : أي شكون قلك
أحلام : قالولي جاك شكون قدام الفاك وهزك
سحر : اللطف
أحلام ضحكت : تي رادارات ياا بنتي.. أي أحكيلي شكونو السيد
سحر : يا بنتي سي أصيل شكون غييرو
أحلام : العميد مااو
سحر : أي هذاكا
أحلام : أي و فين تحوسوا
سحر : عيد ميلاد أختو غدوا خرجت معاه بش ياخولها حاجات
أحلام : أياا باهي و شخذيتوا
سحر : خذالها لبسة و أكسسوارات
أحلام : وشبيك مش قد بعضك
سحر مشات للدريسينغ متاعها و جبدت الباكو و وراتهولهاا
سحر : شوف أحلام... خذالي أنا زادا نفس اللبسة آما اللون متبدل
أحلام حلت الباكو تشوف : ياااا تعشق أصل قداش محلاهاا ومضخمهاا
سحر قعدت عالفرش : ماحبيتش ناخووها منو
أحلام : علاش سحر.. هو من طبعو الباهي عمل معاك الحاجة هاذي.. كيما ود أختو حب يودك إنت..
سحر خزرتلها : مانعرش حسيتو صرف برشاا
أحلام : بربي يزيني...الراجل عميد يضرب يصرع.. و زيد بكرهبتو ودارو ظاهر بم بم مايكيدو شي
قعدواا يحكيو.. وبعد قامت للدوش