العميد (حكاية شرطي )

الحلقة 37

الحلقة السابعة و الثلاثون
وصلواا قدام رستو
ڨارا الكرهبة.. وهبطواا
دخلوا للرستو و قعدوا.. جا ال personnel قلو أصيل عال menu
شويا وقت وجا العشا
تعشاو شوية شوية خاصة سحر ماكلات لقمتين كان بالسيف
شويا وقت وقاموا يتمشاو للكرهبة.. ركبوا و ديمارا و طول لدارو
في الثنية
ساكتين..
بلار الشباك من شيرة أصيل يدخل في الهواا.. يهزلو في شعرو ويجيب وشعرها كيف كيف
خزرلهاا.. وغرس يدو في شعرو
وهي تبع في خطوط الكياس وساكتة
خزرلهاا : سحر شبيك شصار ياخي
سحر بنبرة ضعيفة : شي
نفخ.. وزاد في الفيتاس
درج ووصلوا قدام دار أصيل
هبط وهبطت معاه... سكر الكرهبة ودخلوا
وصلوا للصالة..
أصيل : إيجا معايا
تبعتو وهو طالع في الدروج.. دخلوا للبيت اللي فيها حوايج أصالة..
حل الدريسينغ و هي واقفة بحذا الفرش تخزرلو عاللخر
تخزر لزينو و وهرتو.. شعرو الطايح على عينيه.. إيديه المزيانة اللي عروقها ظاهرين.. بدنو المزيان العريض المسكل
خزرلهاا لقاها تخزرلو برشا
هز شعرو لتالي وعاود رجعلو على عينيه وهي مركزة مع كل حاجة فيه
أصيل : إيجا بدل حوايجك وتو تلقاني اللوطا
سحر : باهي
خزروا لبعضهم.. وهز روحو و خرج و سكر عليها الباب
قعدت عالفرش وغرست يديها الزوز في شعرهاا وغمضت عينيها وبدات تحكي وحدهاا : شبيني أناا.. شنوا هالتركيز الكبير عليه.. شنوا الإهتمام الكبير بيه.. شبيني كي نبدا معاه ندخل بعضي.. علاش كي قلي أمي تحب تشوفلي طفلة غرت عالللخر ..علاش كي قلي تمثل اللي إنت حبيبتي وجعتني برشااااا... شبينيي يااا ربي شبينييي شصار معاياا..
شدت قلبهااا.. غمضت عينيها..
شويا وقت وقامت تبدل في حوايجهاا
أصيل ماكانش خير منهااا.. تفكييرو مشتت عاللخرر وحاس بحاجة غرييبة عاللخر من ناحيتهاا
بدل حوايجو.. لبس خلعة نوار X معاها سروال نوار مواتي بدنو عاللخر متع دار.. لبس شلاكتو وهز تليفونو و خرج
هبط للكوجينة عمل زوز قهاوي سخاان وبنان عاللخر و خرج حطهم عالطاولة ومشا جاب كعبات gâteau حطهم بحذا القهاوي وحل التلفزة وحط سيري
كملت لبست pyjama مزيانة لونها نوار.. وفيها رسمة حلوة عاللخر.. وشلاكة صوف.. مشات للمراية ريڨلت شعرها هبط على عينيها.. خذات من ساكها الڨلوص عملت شويا في فمها.. وهزت تليفونها و خرجت
يسمع في حسها في الدروج.. طول هز عينو فيهاا و قعد يخزر مانجمش يهبط عينيه
وصلت بحذاه.. خزروا لبعضهم.. وسكتوا الزوز
أصيل : إيجا أقعد
قعدت بحذاه ساكتة.. مدلها قهوتها تبسمت وخذاتها و حط قدامها صحن ڨاتو..
خزر ليدها يلقا البراسلي اللي هداهالها لابستها.. تبسم و خذا قهوتو وبدا يترشف و يتفرج في التلفزة آما مش مركز مع المسلسل جملا
خزرلها لقاها مهبطة راسهاا وتحرك في القهوة ساكتة
حط القهوة فوق الطاولة و خزرلها : سحر.. سامحني
خزرتلو : على شنياا
أصيل : حسيتك تقلقت عاللخر من نهار اليوم.. ماتحط شي في بالك.. أمي كان سئلتني تو نقلهاا اللي أنا وياك..
سكت شويا وبعد تكلم : مااا بيناتنااا شي كيماا قلت إنت
خزرتلو في عينيه طوول
أصيل : وتوو نقول لأمي تشوفلي طفلة كيمااا تحب هي مافما حتى مشكل بطبيعتي بش نعرس اليوم ولا غدواا
بعد عينيه عليهاا وخزر للتلفزة..
حست عينيها بالدمووع... حطت القهوة عالطاولة وطول وقفت تخزرلو.. هز عينيه و خزرلها