العميد (حكاية شرطي )

الحلقة 24

الحلقة الرابعة و العشرون
سحر : سي أصيل.. اللي عملتو معايا عمري ماننساه.. ملي عرفتك لتوا عملت عليا برشاا مزايا والله لدرجة حاشمة منك
تبسم وقربلها حط يدو على شفايفهاا سكتهاا
خزرتلو ساكتة
نحا يدو على فمها.. وحطها على يديها اللي كانت شادة يديه
أصيل : ماعندي ماعملت هذا واجب
سحر تبسمت : ربي يخليك
ربت على يدها شوياا وبعد قلهاا هياا وخرجواا
تمشااو للكرهبة.. ركبهاا وسكر الباب و دار من شيرتو ركب وديمارا و مشا
ثنية كاملة وهوما ساكتين
حكاو كان شوية
شويا وقت ووصلوا قدام الفوايي خزروا لبعضهم
تبسمتلو وقربتلو طول وباستو بوسة حنينة من خدو
خزرلهاا ساكت
سحر : يعيشك والله
وطول حلت الباب وهبطت دخلت للفوايي وماخزرتش وراها جملا
قعد يشيع فيها بعينيه لين معادش تظهر جملاا.. تكا راسو لتالي يخزر لباب الفوايي ومايعرش شبيه وشنواا عملتلو
غرس يدو في شعرو هزو الفوق.. وخدم كرهبتو وديماراا ومشا
دخلت لبيتها لقات بينومتها أحلام راقدة
دخلت بلا حس حطت ساكها و نحات حوايجهاا وهزت كاب د بان متاعها وطول للدوش
أصيل مشا لدار أمو و بوه.. سلم عليهم وركش مع بوه في الجردان يحكيو و جودة في الكوجينة وأصالة تعاون فيها شويا شويا
متكي عالكرسي.. ومخو سارح و شارد
سي محمود : تعرف سي جواد يحب يقدملي زوز مشاريع آما مش عالأكيد يمشيو
خزر لولدو لقاه مش معاه
محمود : أصيل
أصيل خزرلو : تحكي معايا بابا
محمود : مالا مع شكون
أصيل عدا يدو على شعرو : سامحني مش مركز معاك
محمود : شبي ولدي ماو لباس
أصيل : لا لباس ناقص نوم و كهو.. شكنت تحكي
محمود : برا أرتاح أرقد شوياا
أصيل : لا خليني هوني خير
قعدوا يحكيو و أصيل شويا معاه وشويا سارح
حضر الفطور.. وتلموا الكل على طاولة الفطور
قعدوا يحكيو شويا شويا...و أصيل ياكل و يحكي معاهم شويا و يسكت
شويا وقت و كملوا فطورهم
طلع أصيل لبيتو الفوق يرتاح شوياا
وجودة عملت قهاوي ليها و لمحمود وقعدوا في الجنينة
جودة : أصيل طلع رقد ياخي
محمود : قال بش يرتاح شويا.. حسيتو مش قد بعضو
جودة : سملاا على ولدي شبيه مش قد بعضو
محمود : مانعرش خليه يرتاح على كل