العميد (حكاية شرطي )

الحلقة 5

دخلت سحر لبيتها نحات كبوتها و ساكها.. قعدت فوق الفرش ودخلت يدها في جيب كبوتها تجبد في تليفونها..
مالقاتوش في الكبوت.. شافت الساك وشي
دخلت بعضهاا وهي تلوج عليه وشي
روح لدارو خذا دوش وبدل حوايج الخدمة بحوايج خرجة
سروال دجين.. مريول نوار فوقو فاست كوير و سبادري نوار
وصلت يسر للفوايي دخلت و مشات لبيت سحر ودقت عليها الباب
حلت سحر الباب.. لقاتها يسر تبسمتلهاا : يسر وينك
يسر : هاني بب وينك إنت
سحر : هاني نعااني.. ضيعت تليفوني
يسر : ماتخافش.. ماو أنا قبل مانجيك هوني كلمتك.. هز عليا راجل وقلي راي خلات تليفونها عندي
سحر بإستغراب : راجل ؟؟
وبعد تفكرتو : آآ وي وي سي أصيل.. طاح عندو في الكرهبة أكيد
يسر : شكونو هذا
سحر : عميد يخدم في المركز متع الشرطة
يسر : ومنين تعرفو
سحر : تي حكاية طويلة.. إيجا ادخل أعطيني تليفونك نكلمو
دخلوا وخذات تليفون يسر بش تكلمو
قاعد في دارو متكي بحذا الشوفاج وحاط سيري في التلفزة
سمع تليفونها ينوقز.. طول جبدو وهز : ألو oui
سحر : ألو سي أصيل ؟
أصيل : وي سحر non ؟
سحر : اي سحر.. قلي فين نجيك بش ناخو تليفوني
أصيل : تحب أقعد في الفوايي تو نجيبهولك أنا
سحر : لا خلي عليك تو نقسموا الثنية.. و أنا بطبيعتي خارجة بقضية
أصيل : باهي.. فين نلقاك مالا
سحر : jardin public اللي مقابل résidence hana تعرفو ؟
أصيل : oui bien sûr
سحر : أنا درجين نبدا غادي
أصيل : ça marche
علق التليفون.. وقام هز مفاتح الكرهبة والدار و تليفونها و تليفونو و خرج
و سحر زادا خرجت ويسر مشات لبيتهاا
خذات تاكسي للجاردان و قعدت تستنى فيه
شويا وقت وجا أصيل
هبط مالكرهبة.. خزر لقدام لقاها قاعدة في الجاردان
قدم بحذاهاا.. شافتو جا قامت
أصيل : سلام
سحر : سلام
جبد التليفون من جيبو و مدهولها
خذاتو و تبسمت : عيشك سي أصيل و سامحني تعبتك معايا اليوما برشا
أصيل : ماعندي ماعملت أسكت
تبسمت وسكتت
أصيل : فين ماشية تواا
سحر : عندي أوراق بش نطبعهم مالمكتبة و بعد نرجع للفوايي
أصيل : تستحق حاجة ؟
سحر : لا يعطيك الصحة
أصيل : الصباح ماشية تشكي بيا و تواا لسانك مرتوب آه
سحر خزرتلو : و إنت علاش ماطلبتش مني السماااح كي عملت هكيكااا عيب ومايجيش داخل فيا بكرهبتك وزيد الطقس مش باهي و أنا قايمة نسري عالفجااري و حالتي حليلة...
هي مازالت تحكي و هو قص عليها باهت : أسكت أسكت شتاكل ضوو... ماااينة يااا سيدي ماينة بعععع سامحني دخلت فيك الصباح بالكرهبة من غير قصد.. سافا هكااا تهنيت
سحر تبسمت : سافا
أصيل : آما اللي ينجمك يجي يحاسبني
هبطت راسها تضحك وأصيل شلق بيهاا.. و تبسم
سحر : أيا نخليك سي أصيل يلزمني نمشي..
أصيل : رد بالك على روحك
تبسمت ومشات... وهو طلع في كرهبتو و ديمارا ورجع لدارو