العميد (حكاية شرطي )

الحلقة 19

الحلقة التاسعة عشر
جبدت الكارط فيسيت متاعو وقيدت نومروه وكلمتو طول
سمع تليفونو يصوني في جيبو
قام شويا وجبدو لقاه نومرو مايعرفوش
فكتلو التليفون : الليلة إنت ملكي أنا
جبد منها التليفون بقوة و هز : ألو
سحر بنبرة خوف وحنية في نفس الوقت : ألو سي أصيل
أصيل : وي شكوون
سحر : أنا سحر
وقف : سحر ؟؟؟؟ شفما شبيك لباس
سارة : شكوني هاذي سحر
ڨحرلها بمعنى سكر فمك
سحر : أمان سي أصيل تنجم تجيني توا وين الفوايي
أصيل : قلي شبيك شنيا صار
سحر بدات تبكي : روحت مخر و الفوايي تسكر عليا هاني قاعدة البرا
أصيل : باهي باهي دريج بالضبط نبدا بحذاك إستحفظ على روحك
علقت التليفون.. وضمت يديها لبعضهم بش تموت بالبرد و الخوف.. الدنيا ظلام وهي وحدهاا
قام يزرب يلبس في حوايجو من فوق وسارة تخزرلو : أصيل شنيا الحكاية وشكوني سحر هاذي
أصيل يلبس في حوايجو : حاجة ماتخصكش
سارة : مدام تخصك مدام تخصني
أصيل عقد حواجبو : شنيااا!! تكونشي مرتي و أنا مافيباليش.. مش جيت بحذاك ليلتين بش تدخل في حياتي الخاصة وااااضح.. رد بالك
هز مفاتح الكرهبة و تليفونو وطول خرج يزرب وخلاها تغزل وحدها
قاعدة على حجرة كبيرة ومتلكمتة وخايفة..
وقفوا قدامها زوز أولاد ظاهرين شاربين.. دخلت فيها غولة وماعرفتش شنيا تعمل
الطفل لول : شتعمل البنوتة وحدهاا هوني
سحر بخوف : نستنى في شكون براو فوتوني
الطفل الثاني : وها الشكون هذا بش يجي خير منا زعمة
سحر خافت وبقات ساكتة
شدها من يدهاا بقوة : إيجاااا معانا هيااا آو عناا لوكال مزيان نعديو وقت حلو مع بعضناا هيااا
بدات تعيط : هبط كسرتك يعطك هدة في فمك ياا مسخ هبط يديك
شدهاا واحد عاليمين ولاخر عاليساار وهي تحاول تملص روحهااا ودموعها على خدودهاا.. وبلي عيطت ماخرج حتى حد
وقف الكرهبة قدام الفوايي وشافهاا من بعيد كيفاش شادينها الزوز بالقوي
حس بالدم ضرب طول في راااسو... نزل عالفولون على أقوى ماعندو
وهبط كالثورر الهاايج وهد فيهم
شافتتو جاااا.. خزرتلو خزرة بريئة فيها وجيعة ودموعها يجريو
قدم طول وشدهم الزوز ركح فيهم بالبونية و المشطة
وخرت لتالي وحطت يديها على وجهااا تبكي
أصيل يعيط: لقيتوهااا وحدها جيتوا تورييو في قلة الرجولية متاعكم ياااا طحاانة.. واللهي لاماا نربيكم أنااا
وهوما يعيطوااا حتى بش يدافعوا على رواحهم مانجموش
أصيل : الليلة قاتلكمممم قاتلكمم
سيبهم خيط طايحين داايخين.. طبس عليهم وكمل ضربهم بالبومباڨاز.. وطول هز التليفون طلب المركز
بديس عون يخدم في المركز : عسلامة سي أصيل
أصيل : بديس جيب كرهبة و زوز أعوان و إيجااو لنهج Victoria تو تلقاو فوايي إسمو فوايي الشابة قدامو زوز طحاانة فارح بيهم... هز حط ربهم في الحبس
بديس : حاضر.. شنيا الحكاية
أصيل : كي نجي نحكيلك
علق التليفون.. خزرلهم بإشمئزاز.. وطول هز عينيه فيهاا
قلبو وجعوا عليها
قدم وقف بحذاهاا وهي تبكي ويديها على وجها
شدلها يديها بيديه وهبطهم : ماتخافش ماصار شي هاني بحذااك
هزت عينيها خزرتلو وطول دخلت فيه عنقتو بحرارة
كبش عليهااا عندو وقعد يعدي في يدو على شعرهاا وظهرها يهدي فيها
بعدت عليه شوياا تمسح في دموعهاا.. شدها من يدهاا وهزها للكرهبة.. ركبهاا وركب بحذاها وطول ديمارا و مشااا