العميد (حكاية شرطي )

الحلقة 57

سمعت حنان الباب يدق.. مشات تحل تلقا طفلة ماتعرفهاش
حنان : عسلامة تفضل
أصالة : عسلامة
حنان : عسلامة تفضل
أصالة : أنا أصالة أخت أصيل جيت لسحر بش نمشيو مع بعضنا للحجامة
حنان تبسمت : مرحباااا مرحباا ببنتي أدخل ميمااا تفضل
عيطت على بنتها : سحر.. سحر عزيزتي إيجا را شكون جا
هبطت سحر تجري في الدرجات : شكون جاا ما
خزرت تلقاها أصالة..
تبسمت ومشاتلها تعنق فيهااا : أصالة عزيزتي جييت
أصالة تتبسم : أي قلت نمشيو مع بعضنا للحجامة
حنان تبسمت : مرحباااا ببنتي تو نهزكم أنا
قعدوا في الجنينة يحكيو و بعد قامت حنان هي وسحر ينظموا في الدار و أصالة حبت تعاونهم ياخي مخلاوهاش ياااخي شدت صحيح بش تعاونهم و عاونتهم
مع 14h خرجواا ركبوا في الكرهبة سحر و أصالة وحنان تسوق و مشااو للحجامة وصلتهم تهنات عليهم و روحت رجعت لدارها تشوف شيزيدها و شينقصهاا وتحضر ساجد الصغرون
أصيل قام عمل footing الصباح بعد ماكلم سحر...
دخل فيسع عمل دوش ولبس سروال دجين وفاست كوير و سبادري.. خطف تليفونو ومفاتحو وخرج
في الثنية جاه تليفون من بوه.. هز : oui بابا
سي محمود : الڨاتو و الحكايات لخرا هاني تكفلت بيهم أنا.. إنت إتلها في أمورك وخلي الحاجات لخرة عليا أنا و أمك باهي ولدي
أصيل تبسم : يخليك لياا يا بابا
شويا وقت ووصل لصايغي كبيير.. دخل يلوج بعينيه على حاجة مزيانة.. جاه personnel..  وعاونو عاللي يحب ياخذو
ختار خاتم حلو عاللخر أبيض يلمع ياخو العقل
قلو بش ياخو هذا.. حطهولو في باكو أحمر صغير ومعاه شركة أخرى ذهب فيينو عاللخر ورقيقة حطهالو في باكو آخر جاي بالطول
خلص حقهم.. ورجع لكرهبتو.. حلهم يتبسم يشوف فيهم بالباهي ورجعهم للساك.. وديماراا ورجع لدارو يحضر في روحوو
طلع لبيتو دوش مرة أخرى.. حصر لحيتو وريڨلها تهبل.. وخرج لاف منشفة في وسطو ويشيح في شعرو بمنشفة أخرى.. جبد حوايج جدد مالدريسينغ متاعو.. ولبسهم... سروال noir خارج مع بدنو يهبل... شوميز كولورها أبيض قماشها يدفي .. قفاليها الفوق محلولين.. ومشمرها اللوطا شويا مالمرافق
وصباط tendance في النوار... لبس منڨالتو و شركتو .. شيح شعرو هبط حرير.. هزو لتالي..وبرفن... طلع يقتل قتل
تبسم.. هز مفاتحو.. تلفونو.. والكادوات متع سحر وخرج لكرهبتو
ركب.. وديمارا ومشاا لدارهم
مع السبعة متع العشية
كل شي كان حاضر
سحر و أصالة كملوا مالحجامة... جا واحد يخدم شوفور عند بو أصيل سي محمود وقف قدام الحجامة... خرجوا البنات محلاهم سامبل آما محلاهم عاللخررر
ركبوا في الكرهبة ومشاو للدار
سحر لابسة روب باج كولورها يعشق طويلة وعريا معاها طالون .. شعرها مجبود ومسيب هابط حرير على أكتافها ووجها.. مكياجها خفيف آما طلعها تقتل
وأصالة روبة قصيرة للركبة.. كولور بوردو.. شعرها مجبود ومكياجها خفيف زادا هي كان عينيها غامقين شويا.. حتى هي طلعت تهبل
وصلوا البنات للدار.. هبطوا.. ودخلو.. عرضتهم حنان تزغرط فرحانة ببنتها عاللخر.. وشدت سحر من يدها ودخلتها للصالة
وصل أصيل لدار أمو وبوه... لقاهم حاضرين
والڨاتو والنوار والحلوى جابلهم سي محمود كرهبة بش توصلهم لدار سحر
ريڨلو أمورهم الكل.. وإنطلقوا لدار سحر
شويا وقت ووصلو
وقف سي عصام هو ومرتو آلا حنان في الباب يستقبلو فيهم
جا سي محمود  مد يدو لسي عصام .. بتبسيمة بنينة وقلب صافي ودافي تعرفوا العايلات على بعضهم ودخلوا
حنان و جودة يمشيو مع أصيل .. ويزغرطوا.. وهو حاشم ويتبسم