العميد (حكاية شرطي )

الحلقة 43

الحلقة الثالثة و الأربعون
سكتت وهي مكبشة في ظهرو تحس في رااحة كبيييرة عاللخر
عداو مدة يحكيو.. لين جا وقت تسكير الفوايي..
أصيل : غدوا نلقاك حاضرة مع التسعة باهي
تبسمت : نشالله بالطبيعة
قرب باسها بوسة حنينة من خدها و جبد ساك مالكرهبة من تالي عطاهولهاا
سحر : شنوا هذا
أصيل : هزو و أدخل برا
تبسمت وحلت الباب و هبطت.. خزرتلو مالشباك : مروح توا
أصيل : ماشي لدارناا مازالو مافيبالهمش اللي أنا جيت
سحر : جيت طول ليا أنا معناها
تبسم : شعندي نعمل تره
ضحكت فرحانة
أصيل : أيا برا أدخل هاني نخزرلك
تبسمت ودخلت شادة الباكو في يدها وهو متكي يخزرلها فرحاان بيها عاللخر
تهنى عليها دخلت.. تبسم وديمارا ومشا طول لدارهم
دخلت شادة الباكو في يدهاا تتبسم و البنات عرضوها في secteur قعدوا يخزرولها..
دخلت لبيتها لقات أحلام.. طول مشات عنقتها فرحانة عاللخر و أحلام تتبسم
سحر : فرحاااانة عالللخر ياا حلومتي
أحلام : نشالله ديما هكا عزيزتي.. أيا إيجا أحكيلي
قعدوا فوق الفرش
أحلام : هذاكا العميد أصيل مش هكا
سحر تبسمت وعملتلها أي براسهاا
أحلام : تبارك الله عليه ياسر مزياان ومضخم
سحر تبسمت
أحلام : شنوا اللي في الساك
حلت الساك تلقا زوز باكوات شكلاطة مضخمين عاللخر وكبااار
أحلام : ياااا قدااش محلاهم ويعزوا
حلتهم عطاتها منهم و ركشوا يحكيو
سحر : غدوا بش نخرجواا
أحلام : يااا عيني... أي شنوا شتلبس..
سحر خممت شويا.. وبعد تفكرت اللبسة اللي شراهالها كيف أصالة
سحر : شرايك في اللبسة اللي خذاهالي هو
أحلام : أي فكرة حلوة عاللخر.. وبرا توا أعمل دوش و إيجا نتلها بيك
ضحكوااا.. و قامت للدوش كيما قالتلها
وصل أصيل لدار بوه.. دخل لقا الجماعة الكل ملمومين في الصالة
دخل من باب الجنينة.. شافو أصلان قاام يعيط : خووياااا روح خووووياا جاا
قامت أصالة عنقتو وباستو.. باسها من جبينهاا وعنق أصلان وباسو هو زادا من جبينو
قدم لأمو باسلها يدها.. وعنقهاا وباس جبين بوه و عنقو
محمود : مرحبا بولدي الحمدلله على سلامتك
أصيل : يخليك يا بابا
جودة : توحشتك برشاااا يا روح أمك
باسها : يعيش أمي دجدج الغالية
قعدوا يحكيو لين حضر العشا
خزر لأختو : اا أصالة شعملت الرجال
أصالة تبسمت : semestre validée avec mention bien
أصيل تبسم : صحيت ياا عزيزتي صحيت
وعطاها فلوس وباسهاا
حضر العشا.. وبداو يتعشاو ويحكيو
جودة : ويني سحرورة
طول جات في بالو تبسم وهو ياكل : هويني أمي
جودة : مافماش حاجة هكا على قريب
أصيل ضيق عينيه : حاجة كيف شنيا
جودة : وقتاش نمشيو نخطبوا الطفلة
أصيل : مش توا أمي يعمل الله
قعدوا يحكيو.. كملوا العشا و ركش مع بوه في الجنينة يحكيو وحضرتلهم أصالة قهاوي
جا آخر الليل.. ركب في كرهبتو وروح لدارو خذا دوش ودخل في فرشو رقد