العميد (حكاية شرطي )

الحلقة 7

حلت عينيها وبقات باهتة حتى بش تخلط عليه مانجمتش
غلغلت عاللخرر حتى من عينيها تعباو بالدموع
روحت للفوايي ثنية كاملة تخمم شنوا تعمل ولقات الحل الوحيد تمشي تشكي بيه عالصباح
دخلت لبيتها تلقا أحلام متكية
طيشت ساكها و ترمات عالفرش تغزل
أحلام : سحرورتي شفما لباس
خزرتلها : منين لباس يا أحلام منين.. نطرولي تليفوني
أحلام : ووووه كيفاش الزح
سحر : و أنا جاية توا.. مانعرش كيفاش خطفو مني ولد الحرام تعدا عجاجة لا تباركلو
أحلام : الله لا تربحو الطحاان
سحر : غدوة نمشي نشكي بيه
أحلام : إيجا الساعة كلم بوك و لا أمك طمنهم كان يكلموك مايلقاوكش تو يتفجعواا
سحر : قلت الحق
خذات تليفون أحلام وكلمت بوها.. ثواني وهز
سحر : ألو pa
سي عصام : سحر ؟؟
سحر : oui يا pa سحر.. أسمعني تليفوني تسرق قبيلا شويا.. غدوا تو نمشي نشكي بيه و إن شاء الله يرجعوهولي
سي عصام : إنت ماو شي ماجرالك ؟
سحر : لا تهنى لباس خطفو وهرب يجري
عصام : طز فيه التليفون تو ناخو لبنتي واحد آخر
تبسمت وحست براحة : عيشك ربي يفضلك ليا يا روحي.. غدوا نشوف كان رجعلي رجعلي مكانش تاخذلي واحد آخر
قعدوا يحكيو و بعد علقت تتبسم
حكا عصام لحكاية لمرتو آلا حنان أم سحر.. تفجعت على بنتها برشا آما عصام طمنهاا
بدلت حوايجهاا.. و دخلت في فرشهاا.. مستانسة تركش على تليفونها مالقات ماتعمل اليلة ياخي حاولت ترقد بالسيف حتى الماكلة مانجمتش تتعشى
ركش أصيل في بيت نومو.. عريان لابس شورط كهو.. وحل فيلم أكشن يتفرج عليه
تعدى الوقت.. حس بالتعب.. طفى التليفون.. طفى الفايوز ودخل في فرشو رقد
وكالعادة جااا صباح جديد ونهاار جديد
فاقت الصباح وقررت ماتمشيش تقرا.. شافت من شباك بيتها الطقس لقات الشمس مزيانة والطقس حلو برشاا
قامت هزت مايلزمهاا بش تعمل التوالات متاعها
غسلت وجهاا و سنونها ورجعت لبيتهاا
لبست روبة صوف توصل للركبة مزيانة عاللخر كولور بوردو.. معااها كولون فوال فاتح.. و بورتكان في ساقيها
سيبت شعرهاا هبط يهبل حرير.. عملت ماكياج خفيف... فون فاتحة على لون بشرتهاا.. ماسكارا.. و في فمهاا بوردو كيما لون الروب
هزت ساك آ ما صغير حطت فيه سطوشها اللي فيه الفلوس وكوارطها وخرجت..
أصيل زادا فاق الصباح.. مشا سيفيل مالبسش حوايج الخدمة
قام دوش ريڨل أمورو فطر وهز مفاتح الكرهبة والدار و بيروه وخرج
وصل للمركز.. دخل لبيروه و كلم عون بش يجيبلو قهوة
وغطس في الخدمة
سحر خذات تاكسي و طول للمركز
دخلت للإستقبال
سحر : صباح الخير
ضابط إستقبال : سعيد تفضل
سحر : نحب نقدم شكاية
الضابط : الموضوع
سحر : تليفوني تسرق
الضابط : البيرو لول على يدك اليسار..تدخل للعميد سي أصيل تحكيلو مشكلتك
سحر : العميد أصيل ؟ بربي عيش خويا فماشي حد آخر هوني بخلاف سي أصيل
الضابط : العميد أصيل هو اللي يتلقا الشكايات الكل.. معناها فما كان هو هوني
ضيقت عينيهاا.. ومالقات حتى حل كان تمشي تحكيلو
قدمت للبيرو...ودقت الباب
#يتبع