العميد (حكاية شرطي )

الحلقة 56

شافهاا جاية تبسم ونحا lunettes de soleil متاعو و هبط مالكرهبة عرضها
طول دخلت فيه عنقتوو وهو كيفهاا لين ساقيها معادش واقفة عليهم حملهاا ومكبشين في بعضهم
سحر : توحشتك ياا روحي برشاا
أصيل : أنا أكثر عزيزتي
بعدت عليه شويا تتبسم.. خزرتلو ببرشاا حب لزينو ووهرتو
أصيل : نمشيو ؟
سحر : ماما تحب تقابلك قتلي عيطتلو.. إيجا معايا أصيل
أصيل تبسم ودخل معاهاا
استقبلتو حنان في فم الباب.. تتبسم : مرحبااا بيك مرحبا
أصيل يتبسم : وبييك مدام merci
حنان : تفضل تفضل
دخلوا للصالة وقعد وقعدت بحذاه سحر وحنان دخلت تعمل في قهاوي و حلو بش تضيفو
أصيل : بوك هوني
سحر : خرج توا علاش
أصيل : حبيت نقابلو
سحر : ماكش خايف
هز حواجبو : نخاف ؟ من شنواا ؟؟ bon يمكن شويا حشمة راجل مانعرفوش وأول مرة نحكيو si non ماعندي من شنوا نخاف
سحر تبسمت : ياا ربي ياا ربي ملا ثقة عندووو يا ربي
ضحك : آآ مالا نلعبو صاحبي
ضحكت وحنان خرجت مالكوجينة.. قدمت بحذااه عطاتو قهوتو وقهوة سحر وحطت الطبق عالطاولة وقتلو خو حلو قلها مايحبوش
حنان : سحر حكاتلي عليك برشا.. متشرفة بيك عاللخر مرحبا بولدي مشالله عليك
أصيل : عيشك آلا حنان نشالله نتعرفوا أكثر في الخير
سحر خزرتلو تتبسم
حكاو شوياا وحنان عجبهااا عاللخر كلامو رزين موزون عاللخر وشخصيتو قوية..
قام نفض الفاست متاعو.. ومد يدو سلم عليها : à bientôt مدام ونتقابلو في ما أهم
حنان تتبسم : مرحباا بيك نورتنااا و نشالله معرفة طيبة أصيل
سلمت على أمها وهزت ساكها وخرجت تتمشى هي وياه للكرهبة
وقفت حنان في فم الباب تتبسم فرحت بيه عاللخر
ركبوا في الكرهبة وخزروا لبعضهم
أصيل : أمك ياسر محلاهاا
سحر تبسمت وعنقتوو طول : ياا ربي قداش نحبك وقداش مليت عليا برشااا حاجات أصيل يا روحي
تبسم وعنقهااا : نحبك أكثر حبيبي الغالي
باستو من خدو بحرارة.. قرصها من خدها بحنية.. وديمارا ومشا
عداو نهار حلو عاللخرر مع بعضهم برشا محوااس وجو عالمي وضحكات مالية وجوههم
خذالها قضيات للفوايي.. ركبها وركب مع آخر العشية وديمارا وطول للفوايي
سلمت عليه وعنقتو.. باسهاا من جبينها وهي باستو من خدو
وهبطت مشات للفوايي.. وقفت في الباب.. تبسمتلو وطيشتلو بوسة.. رجعلها بوسة..
هي دخلت وهو ديمارا و طول لدارو
دخلت لبيتها.. تلقا أحلام جات اللي كانت غايبة عندها جمعة ومافيبالهاش بالتطورات الجديدة
سلمت عليها و عنقتهااا وشدتها من يدها وقعدوا عالفرش يحكييو
سحر : شفما عزيزتي روحت قعدت مدة طويلة
أحلام : ماما كانت مريضة رصاتلي تلهيت بيها
سحر : اللطف عليهاا و لباس تواا
أحلام : أي حمدلله تحسنت.. أحكيلي إنت شعملت ليلة اللي دخل عليك العميد وهزك
سحر حطت قصتها ورا وذنيها : كنت ظالمتو.. الطفلة اللي قتلك يخون فيا معاها طلعت عاملة خطة بش أصيل يمشيلهاا و قالت لشكون يكلمني بش أنا نمشي نراه بحذاها ويمشي لبالي يخون فيا
أحلام : تأكدت منها الحكاية ولا سمعت منو كهو
سحر : سمعت منو و تأكدت بالأدلة و النوامر وبرشاا حاجات.. وزيد الطفلة تو في الحبس هي والطفل اللي كلمني
أحلام : كي طلع خاطيه هاكي الفايدة.. البنات الكل قعدوا يجسوا فيا عالحكاية وبرشاا يحكيو عليه
سحر : يحكيو عليه ؟ شقالووا
أحلام ضحكت : قالوا محلاه والكل.. تي شعليك فيهم ماك تعرف بناتنا
سحر : عادي مايقلقنيش.. إسمع فما جديد آخر
أحلام : أحكيلي عااد
سحر : ليلة راس العام اللي جاي هذا.. أصيل بش يجي يخبطني
أحلام : يااا مبروك يا عزيزتي
قربت عنقتهاا : عيشك حبيبتي يخليك ليا وكيما نرا عندك
ركشوا يحكيو و عملوا عشاهم
تعداات الأيامات و صلعوا جماعة الفاك.. وجااا نهار راس العام
قامت عالصباح تتكسل فرحانة.. خزرت للضو متع الشمس.. و تسمع في صوت تزقزيق العصافر مالي السما
قامت نفضت روحها مالنوم... حلت الporte fenêtre و خرجت تشم في شويا هوا نظيف
دخلت عليها حنان تتبسم ومشات بحذاها
خزرتلها : صباحو ماماتي
حنان : سعيد عزيزتي.. هيا أهبط أفطر وخلينا نريڨلو الصالون و بعد نهزك للحجامة
سحر : باهي ما
سكرت ال porte fenêtre وخزرت لتليفونها تلقاه يفبري
قربت وطول هزت تتبسم كي لقاتو أصيل : حبيبي
أصيل : صباحو عزيزتي
سحر : سعيد يا روحي
أصيل : فقت c'est bon
سحر : أي و إنت
أصيل : أي عندي قضيات هاني خارج شويا آخر
حكاو شويا.. وبعد علقوا وكل حد مشا يشوف في أمورو لليلة