العميد (حكاية شرطي )

الحلقة 40

الحلقة الأربعون
وسحر وقفت في الجنينة تشم في شوية هوا حست روحها تخنقت كي قلها عال déplacement وخاصة كي جبد الموت
هبط ومشالها وقف بحذاهاا
يخزرواا الزوز قدامهم وكل واحد يخمم فلي بجنبو
أصيل يحكي وهو يخزر قدامو : نمشيو ؟
عملتلو براسها أي
جبد مفاتحو.. وخرج وهي تمشي ورااه
سكر الدار.. ومشاو للكرهبة ركبوا وطول ديمارا ومشااا
تليفونو ماقصش.. ضربة ثنين يجيه تليفون يهز
وهي مركزة مع كل كلمة يقولهاا
حط تليفونو عالتابلو د بور.. جاه تليفون آخر طل عالإسم يلقاها سارة
نفخ ورجعو عالتابلو... خزرتلو وخزرت للتليفون... وفهمت من ڨريماس وجهو اللي هي سارة
نزلت على سنونها وبونيتها بغزول وطوول خذات التليفون متاعو وهززت
خزرلها شقاعدة تعمل
سارة كي شافتو هز تبسمت : يا روحي وينك
سحر : إحشم على روحك ومعااادش تقلقو يااا خراااا
حط يدو على فمو يتهز و يتحط بالضحك
سارة : شكونك إنت
سحر : مايهمكش فياا أنا شكون... نقص مالرخص و معادش تكلمو أصيل جملااا يااا مريضة خراااواات
وطول علقت ورجعت التليفون فوق التابلو
نحا يدو من فمو.. نازل على شفايفو عاللخر بش مايضحكش
رمشت عينيها برشا مرات.. وفاقت على روحها
خزرت لأصيل تلقا وجهو أحمر عاللخر شاد الضحكة
هبطت راسها : سامحني سي أصيل... حسيتها تقلق فيك برشا ياخي هزيت عليهاا
يحكي و يضحك : مافمااا حتى مشكل خو راحتك
ضيقت عينيها تخزرلو كيفاش يضحك.. دورت وجها وسكتت
ثنية كاملة وهو يضحك لين وصلوا قدام الفوايي
حبس الكرهبة.. والزوز خزروا لبعضهم
سكتوا شوياا..
سحر حست بوجيعة كبيرة.. دورت وجهاا للباب وبدات تحكي بنبرة حزينة : رد بالك على روحك سي أصيل
وطول حلت الباب وهبطت
حل الباب من شيرتو وهبط طول خلط عليهااا.. وشدها من يدها رجعها قدامو
هزت عينيها وخزرتلو خزرة حزينة حتى من عينيها تعباو بالدموع
أصيل : تمشي هكيكاا و ماتسلمش علياا... شوف نروح شوف لاا
ضربتو بيديهاا الزوز على صدرو و ولات تبكي : يززززي ماتقووولش هكاا يزي
شدلها يديها الزوز اللي على صدرو... وجبدها ليه عنقهاا بقوة.. قوة.. قوة تحكي حبوو ليهاا.. قوة تحكي حبها ليه
غمض عينيه وهو يشم في ريحتها.. ريحة شعرها..
وهي غمضت عينيها ودخلت في عالم آخر وهي في صدرو
تمناو وكان الزمان ياقف معادش يتحرك حتى ثانية وهوما هكيكاا
شهقت.. حلت عينيها وبعدت عليه شوياا
طبس عليها مسحلها دموعهاا.. قربلها لوذنيها يحكي بنبرة حنينة خلاتها تغمض عينيها : ماتخافش.. لباس فما كان الخير
وباسها من خدها بوسة حنيينة عاللخر خلاتها تترهوج
تنفست بصعوبة.. وخزرتلو
حطت يديها الزوز على كتافو.. هبطتو ليها شويا... وباستو بوستين حنان من خدو
بعدت عليه شويا عينيها حمر : رد بالك على روحك.. ونشالله فما كان الخير..
مدتلو يدها.. تسلم عليه.. مد يدو و سلم عليها
نحات يدها من يديه... تبسمتلو... وطول دخلت للفوايي تبكي بمراارة