العميد (حكاية شرطي )

الحلقة 17

الحلقة السابعة عشر
أصيل زادا فاق على صوت ال réveil
قام عمل دوش لبس حوايج الخدمة.. ريڨل شعرو و هبط للكوجينة فطر
هز مفاتحو و تليفونو و خرج ركب كرهبتو وطول للخدمة
تعدااا نهار كامل خدمة على أصيل.. و قراية على سحر
برشااا أساتذة فرحوا بسحر و بمعدلاتها الهايلة و شجعوهاا ببرشا كلام حلو
جات العشية
روحت سحر للفوايي طول رقدت مالتعب
و أصيل مشا لدارهم يطل عالجماعة عداا بحذاهم الليل وزادوا شدوه بش يبات بحذاهم
طلع لبيتو بدل حوايج الخدمة بحوايج الدار وحط تليفونو في الشارج
تعدا على أصالة يلقاها تريفز.. دخل قعد بحذاها
أصيل : شعاملة في القراية أصالة
أصالة : لباس ماشية كالعادة
أصيل : خرجوا المعدلات
أصالة : مزالوا الجمعة الجاية قالوا
أصيل : أيا باهي.. نحبك تجي لولة عاادا كيمااا...
وسكت
أصالة : كيمااا شكون
تفكرهااا وجات على بالو مرة أخرى
أصيل : كيمااا مستانسة
أصالة تبسمت : تهنى خويا إن شالله
باسها من راسهاا... وخرج خلاها تقراا
تعداَ على بيت أصلان يلقاه رااقد.. دخل ستوالو غطاه.. عدا يدو على شعرو.. طفا عليه الفايوز وخرج
هبط للكوجينة عمل قهوة وطلع لبيتو ركش في البلكون
يخزر للسما المغيمة و شوياا نجوم ظاهرين يلمعوا محلاهم ويتفكر فيهاا وفي تفاصيلها وملامحها
ضحك وترشف م القهوة : كالسبة ماجات تشكي بحد المهبولة
قعد راكش في البرود مدة باهية وبعد دخل شد فرشو رقد
فاقت سحر نص الليل دايخة مالنوم المفرعس... خزرت للبيت ماعرفتش روحها راقدة بالليل ولا بالنهاار
جبدت تليفونها ترا في الوقت كي لقاتها نص الليل عرفت اللي هو ليل
قامت فيسع غسلت وجهاا مالمكياج وطول رجعت رقدت
وجاااا صباح جديييد
اليوما سبت
فاقت الصباح 10.. وقامت بش تحضر روحها وتمشي للفاك تقرا كان ساعتين وتكمل نص النهار ومقررة تخرج تحوس وتتفرهد شوية
عملت دوش خفيف.. شيحت شعرهاا وجبدتو جبدة خفيفة هبط حرير..
جبدت روبة صوف كولور روز بيبي.. مزيانة برشاا معاها كولون فوال نوار و بورتكان نوار
عملت مكياج مزيان سيبت شعرها.. عملت des accessoires في يدها و رقبتها ووذنيهاا
طلعت تهبل مزياااانة برشااا
هزت ساك صغيرة حطت فيها سطوشها و تليفونها و الكور وخرجت كالعادة تتمشى.. خذات قهوة وكملت طريقها للفاك
فاق زادا أصيل خذا دوش وبدل حوايجو.. فطر وخرج للخدمة
جات نص النهار خرجت سحر مالفاك وخذات تاكسي لوسط البلاد تبدل في الجو وتحوس
و أصيل غاطس في الخدمة وعمل كوموند في فطور جاه للبيرو
جات الخمسة متع العشية وسحر مزالت تحوس البرا
كمل أصيل الخدمة.. خرج مالمركز.. ركب في كرهبتو و مشا طول ل appartement سارة
دق الباب.. حلتلو وطول دخلت فيه عنقتو : جيت ياا عمري
أصيل : جيت
دخل ودخلت معاه قعدوا في الصالة
جابت زوز كيسان jus و حلت التلفزة وخلاتو قاعد ومشات لبيتها كالعادة تزقلم في روحها
جات السبعة وسحر باقي البرة
شافت الوقت لقاتها مخر ولات رجعت للمحطة تشوف تاكسي