العميد (حكاية شرطي )

الحلقة 10

قعدوا يتعشاو.. هي تحكي وهو يسمع وساكت
أصيل يعتبر سارة طفلة للجو.. مش عامل منها راس مال جملاا ومستحيل يحبهاا
آما سارة كانت تموت عليه وعاشقتوو
تعرفوا في ديسكو.. راتو قاعد يهبل تضربت فيه و حبت تعدي معاه الليلة
وأصيل مش أول راجل تبات معاه..هذاكا علاش أصيل مايخممش فيها ومستحيل يحبهاا
توا عندو شهرين يعرفها.. مرة في الجمعة وساعات مرة في الجمعتين يجيها يقعد عندها ليلة يعملوا اللي يعملوا ويفيق الصباح ينسى كل شي كاينها مش راقدة بحذاه
آما هي كانت فرحانة اللي أصيل بكلو يدخل و يخرج عليهاا
كملوا العشاا.. شرب شويا ماا و شويا عصير وقام رجع للصالون قعد عالكانابي
قامت مالطاولة ومشات قعدت بحذاه عنقتو وتبوس فيه وهو يتكيف
سارة : ماقتليش شرايك في لبستي
أصيل خزرلها : مش خايبة
سارة : لبستها على خاطرك.. تعرفني نحبك برشاا
خزرلها وسكت وبعد رجع يتكيف
سارة : هيا نرقدوا ؟
و أصيل ساكت
شدتو من يدو و قامت تهز فيه لبيت النوم.. دخلوا و سكرت الباب
نحاتلو حوايجو خلاتو في شورط وبدات تبوس فيه.. وبالشوية بالشوية خلاتو يسخن و يتجاوب معاها
نحالها حوايجها الكل وهي زادا نحاتلو الشورط و شاخواا في بعضهم
اتكاا على ظهرو...و غمض عينيه
قربت باستو من صدرو : أصيل عنقني أمان
عينيه مغمضة : علاش نعنق فيك
سارة : نحب نرقد بحذاك في حضنك
أصيل : هاك بحذاي
سارة قربتلو و عنقتو عاللخر : نحبك عاللخر أصيل... إنت كل شي عندي
وهو مغمض عينيه يسمع فيها و ساكت
جات بين عينيه سحر.. تفكرها وتفكر تفاصيلهاا
تبسم وهو مغمض عينيه..
خزرتلو تتبسم فرحانة ماشي لبالها يتبسم فرحان بكلامها
ورقدوا هو عادي وهي مكبشة فيه وكل شويا تفيق تبوسو من شفايفو رقبتو و صدرو
سحر كانت في بيتها تريفز.. سكرت الكراسة وحلت الشباك تشم في شوية نسمة باردة
خزرت لبينومتها لقاتها راقدة..
سكرت الشباك ومشات طفات الضو ودخلت في فرشها
تفكرتو.. تفكرت كلامو الماسط.. وبعد تفكرت ملامحو المزيانة
فاقت من سرحتهاا.. غمضت عينيها ورقدت
وجاا كالعادة صباح جديد
فاق من نومو يلقاها معنقتو.. بعدها عليه
حست بحركتو كي قامت.. قامت معاه
سارة : صباح الفل حبيبي
أصيل : سعيد.. أرقد على روحك أنا خارج
لبس حوايجو وهز مفاتحو وخرج لكرهبتو.. ركب ومشا لدارو
دخل طول عمل دوش خفيف.. خرج لاف منشفة في وسطو و يشيح في شعرو بمنشفة أخرى
لبس حوايج الخدمة.. هز شعرو الفوق مزيان يهبل... برفن.. وخرج هز تليفونو ومفاتحو ومشا لخدمتو
سحر زادا فاقت الصباح حضرت روحها لبست سبور..شدت شعرها cau de cheval عملت ماكياج و برفان وخرجت مشات للفاك
دخل للمركز.. وتعدا لبيرو خليل اللي لاهي بالأنفورماتيك
أصيل : صبااحو
خليل : سعيد عميد أصيل
أصيل : شفما جديد
خليل : عرفنا بلاصة التليفون.. وهاني بش نبعث شكون يجيبو
أصيل : حاجتي بالفرخ اللي سرق التليفون زادا
خليل : باهي عميد أصيل حاضر
خلاه يخدم.. ودخل لبيروه عمل تليفون : رامي جيبلي قهوة
علق وبدا في الخدمة
#يتبع
#يسرى
❤️🇹🇳🇩🇿
كل حد يقرا يعمل فووت