العميد (حكاية شرطي )

الحلقة 44

الحلقة الرابعة و الأربعون
سحر كملت دوشها و جبدتلها أحلام شعرها جبدة مزيانة عاللخر وعملتلها ضربات بابيليز
حكاو شويا وعملت فرني أحمر جا يهبل مع يديها الفاتحة الصغرونة... وبعد رقدوا
وجاا نهار غدوا
فاقت الصباح الثمنية.. مشات غسلت وجها و سنونها
لبست اللبسة اللي خذاهالها يااسر مضخمة تفتق.. عملت مكياج خفيف وحلو عاللخر.. في بشرتها فون.. هايلايتر..
في عينها بانسو ومسكارا و شويا آيشادو نفس كولور الكاشمير
وفي فمها مارون
سيبت شعرها هبط محلاه مريڨل مافسدش جملا.. عملت برفان خرجت تقتلللل
فيقت أحلام من نومها توري فيها في روحها
أحلام : ياااسر وااااوو ياااسر
تبسمت.. وجبدت ساك صغيرة بيضا فينو حطت فيها فلوسها و أوراقها وخلات تليفونها البرا بش يكلمها
أصيل زادا فاق.. عمل دوش خفافي.. خرج شيح روحو وشيح شعرو
جبد كاشمير نوار مضخم طويل شوياا كهو وفيه فونت من تالي
معاه سروال نوار دجين.. لبس من داخل مريول أبيض وفي ساقيه صبااط حلو عاللخر أبيض
طلع يفتتتق.. مشا ريڨل شعرو هزو الفوق حرير..
لبس شركتو.. منڨالتو.. عمل برفان.. هز مفاتحو و تليفونو وطول للفوايي
مع التسعة غير درجين وصل.. طول هز التليفون وكلمها..
تبسمت وهزت
أصيل : صباحووو
سحر : صباح النور
أصيل : أيا إيجا هاني قدام الفوايي
علقت.. باست أحلام.. وطول خرجت
يخزر لباب الفوايي ويستنى فيها تطل
خرجت.. وراها.. را زينها وقدهااا... طول في خزرتو ليهااا.. حط لحيتو عالفولون ويخزرلها وهي تقدم للكرهبة ويخزر للبسة اللي ختارهالهاا قداش واتاتهاا
وصلت.. حلت الباب وطلعت تتبسم... الزوز خزروا لزين بعضهم
هي تخزر لضخامتو.. وهو زينها و عينهااا
سحر تتبسم : صباح الخير
أصيل تبسم : صباحك ورد en forme ليوماا
سحر : الحمد لله.. و إنت
أصيل : سافا oui
ديمارا ومشاا
في الثنية
أصيل : محلاك ياسر اليوم
تبسمت : و إنت زادااا
أصيل : نمشيو نعملو petit déj
قتلو باهي بصوت ضعيف
مشاو لرستو مزيان برششاااا وفيه برشااا ضخامات
دخلوا خذاو كوان حلو عاللخر.. Vue مزيانة برشا عاطية عالبحر
هبطوا petit déj.. وبداو يفطروا شويا شويا ويحكيو
أصيل : تعرف سحر
سحر خزرتلو
أصيل : فرحاان برشا... فرحان اللي إنت في حياتي.. أنا ماكنتش هكا جملا.. سبورة كحلا.. نعدي وقت مع برشا بنات صحيح.. آما نخرج معاها.. نضحك معاهاا.. كيفك إنت هكا لا jamais
تبسمت وهي تسمع فيه
سحر : سي أصيل انا
قص عليها : أصيل.. أصيل كهو
ضحكت : ستانست بيها سي أصيل عميد أصيل
أصيل : معادش تقلي سي
سحر :باهي... أصيل
ضحك
سحر : أنا زادا فرحانة برشاا اللي إنت في حياتي
حط يدو على يدهاا : ياا ستورة ياااا مزيانة
ضيقت عينيها.. وهو بدا يضحك
أصيل : نرجعوا لموضوعناا... مالا للا ماشية تشكي بيا
ضحكت وهي تشرب في قهوتهااا : ماتفكرنييش ماتفكرنيش نمشي نشكي نلقاه هو العميد
أصيل : كان ماجيتش العميد تحطني في الحبس
سحر : لا بالطبيعة... تطلب مني السماح نسيبك على روحك
أصيل ضحك : يااا مهبولة
عداو وقت حلو مع بعضهم.. حط الخلاص عالطاولة وقاموا خرجوا يتمشاو للكرهبة
ركبوا..وخزروا لبعضهم
أصيل : تحب تمشي لبلاصة
سحر : نمشيو نقعدوا شويا عالبحر
أصيل : نمشيو مالا لا
تبسمتلو.. وهو ديمارا وطول للبحر