العميد (حكاية شرطي )

الحلقة 22

الحلقة الثانية والعشرون
درج بالضبط... وخرجت مالكوجينة هازة زوز فناجين قهوة
وصلتو الريحة وهي مازالت بعيدة
وصلت بحذااه وطبست عليه شويا لين شعرها هبط معاها شويا
سحر : أيا تفضل
هز عينيه فيها يخزر لشعرهاا وطلتها المزيانة
تبسم وخذا الفنجان
حطت الطبق فوق الطاولة وخذات فنجانها وقعدت بحذااه
أصيل ترشف م القهوة وعجبتو برشا : بنينة برشااا
تبسمت : صحة
ركشوا على فيلم كوميدي تسمع كان ضحكاتهم المزيانة
تعدى الوقت.. وهوما يتفرجوا
هز عينيه فيهاا يلقاها متكية لتالي راقدة.. و الفنجان في حجرها
قربلها نحالها الفنجان من يديها
خزرلها خزرة طويلة.. وطول قاام حملهاا وطلع بيها في الدروج
حل باب البيت بساقوو وقدم بيها للفرش.. حطهاا عليه وقام من فوقهااا
ستوالهاا شعرها بحنية.. نحالها شلاكتها وغطاهاا
طفا عليها الفايوز.. وخرج وصل للباب.. خزرلهاا وطول رد الباب شويا ماحبش يسكرو عليهاا
هبط للصالة هز الطبق والفناجن غسلهم و تعدا هز تليفونو وطلع لبيتو
حط تليفونو عالتابل د نوي.. وتعدا طول للدوش
درجين وخرج لاف منشفة في وسطو ويشيح في شعرو
لبس شورط.. و دخل في فرشو
جبد تليفونو نحالو ال mode avion يلقاا سارة طلبت برشا مرات
نفخ فادد.. وسكرو حطو فوق التابل د نوي.. طفا الفايوز و دخل في فرشو رقد
وكالعااادة صباح جدييد ونغمة جديدة
اليوم الأحد.. أصيل مايخدمش
فاقت على صوت العصاافر يزقزقوا مع العشرة متع الصباح
حكت عينيها وقامت شويا مالفرش...دورت عينيها عالبيت وقامت حلت ال porte fenêtre.. وخرجت تلقا الطقس يهبل
هبطت عينيها لوطا تلقا جردان مزيانة برشا
سكرت ال porte fenêtre..ودخلت للدوش.. غسلت وجها وخرجت مالبيت تتمشى
تلقا باب بيت مردود شوياا
حلتو بسياسة وطلت براسهاا تلقا أصيل رااقد
حلت الباب شوياا ودخلت تخزرلو
تخزر لزينو محلااه عاللخر.. رااقد على ظهرو كرشو كلهاا عريانة
شعرو هابط على عينيه ويدو هازها الفوق حاطها ورا رقبتو
دورت عينيها عالبيت مزيااانة عاللخر وكلاس
قربت شوياا بش تفيقوا وبعد وخرت وخلاتو يرقد وخرجت هبطت للكوجينة بش تحضر الفطور
دخلت تبربش.. وتشوف شنياا تطيب
لقات الفريجيدار معبية مشالله خيرات..
خذات بش تعمل قهاوي.. و عصرت عصير فرشك
وعملت تارتينات بالعسل و تارتينات بالشكلاطة.. و حطت عضمات يتصمتوا عالڨاز..
حضرت طاولة الفطور خيرات مبزعة..
مسحت يديها.. وطلعتلو لبيتو بش تفيقو
دخلت بالشوية وقربتلو بش تفيقو
حطت يديها على مرفقو بش تفيقو
هي دوب مستوو وهو جبدهاا من يدهاا طيحها عالفرش وجاا فوقها....