ပြိုင်ဘက်ကင်းအမျိုးသားဧကရီ

အပိုင်း(၈၄) လက်စသတ်တော့ ဒီလိုကိုး

တကယ်တော့ တခြားဘယ်သူမှ မဟုတ်သလို လုပ်ကြံဖို့ ကြံစည်ထားတာမျိုးလည်း မဟုတ်ပေ။ အားလုံးက သူကို လှည့်စားဖို့အတွက် ကျောက်ဝမ်ယုံး သုံးထားတာ လက်နက်များသာဖြစ်သည်။

ထို့အပြင် သူက အရင်တုန်းကလို သူ့ ထောင်ချောက်ထဲ အလွယ်တကူ ကျသွားခဲ့ပြန်သည်။

ကုထင်ရန်သည် သူ့ရင်ခွင်ထဲ ပြေးဝင်လာသော ကျောက်ရှန့်ရှီးကို ဖွဖွလေး ဖက်လိုက်ပေမယ့် ခေါင်းထဲမှာတော့ စကားတစ်ခွန်းက အဆက်မပျက် တဖွားဖွားပေါ်လာခဲ့သည်။

ဘာလို့လဲ

ဘာလို့ သူ ကျောက်ဝမ်ယုံးကို ယုံကြည်ချင်မိသည့် အချိန်တိုင်း အနှီလူက သူ့ရဲ့ စိတ်ကူးအိပ်မက်များအားလုံးကို ရိုက်ချိုးပစ်ပြီး လက်တွေ့ဘဝရဲ့ ရက်စက်မှုကို ပြောပြရသနည်း။

ကြားထဲက ခြေလှမ်းတိုင်းကို သူမတွေးရမနေနိုင်ဖြစ်လာသည်။ ကြောက်စရာကောင်းလှသော အတွေးတစ်ခုက သူ့နှလုံးသားအောက်ခြေထဲမှ ထွက်ပေါ်လာပြီး သူ့နှလုံးသားထိပ်ဖျားဆီသို့ ဖြေးဖြေးချင်းဆီ တတ်လာခဲ့သည်။ စစချင်းကတည်းက အရာအားလုံးကို ကျောက်ဝမ်ယုံးက ထိန်းချုပ်ထားတာများလား။

သူ စစချင်းကတည်းက ချန်ရှင်း၏ အကြံကို ရိပ်မိခဲ့ပြီး ဖြေရှင်းမည့် နည်းလမ်းကိုလည်း ရှာတွေ့ခဲ့သည်။ သို့ပေမယ့် သူ့ကို လှည့်စားဖို့အတွက် အဆင့်ဆင့်ခြေကုပ်ယူပြီး အကွက်စေ့အောင် အစီအစဉ်ချခဲ့သည်။ မဟုတ်သေး။ သူ့ကို လှည့်စားဖို့အတွက်တင် မဟုတ်ပေ။ ကျောက်ဝမ်ယုံးလိုလူစားမျိုးက  ဤမျှ ကြီးမားသော စတေးမှုကို လုပ်ဖို့ ဆန္ဒရှိခြင်းသည် သူ့အတွက် ဘာအကျိုးမှမရှိသော အရာကို လိုချင်လို့ မဟုတ်လောက်ပေ။

သူ ဤသို့ လုပ်တာက ရှောင်နုများကို တစ်ခါတည်း ဖမ်းဖို့အတွက် ဖြစ်ကောင်းဖြစ်နိုင်သည်။ အဆုံးမှာတော့ ၎င်းအရာက သူ နှစ်ပေါင်းများစွာ တောင့်တလာခဲ့သော ဆန္ဒဖြစ်သည်။

သူ ကုထင်ရန်ကတော့ ထို ကစားပွဲထဲမှာ အရံဇာတ်ကောင်တစ်ယောက်၊ အောင်နိုင်ခြင်းရဲ့ ဆုလာဘ်တစ်ခုသာဖြစ်သည်။

ကုထင်ရန်က စဉ်းစားလေ သဘာဝကျလေဖြစ်လာသည်။ သည်နှစ်တွေမှာ ရင်နင့်စရာကောင်းသည့် တန်ကြေးကို‌ သူ ပေးဆပ်ပြီးမှသာ နောက်ဆုံး သဘောပေါက်နားလည်သွားတော့သည်။ တရားမျှတသော လောကကြီးမှာ သူ ကုထင်ရန်သည် ကျောက်ဝမ်ယုံးအတွက်ကတော့ အမှန်ပင် အလွယ်တကူ စတေးပစ်လို့ရသော လူတစ်ယောက် ဖြစ်သည်။