Us, Again || 🥀✨️

විසි එක්වන කොටස 🥀

කැබින් එකට ආව ගමන් මිස් සනුකි ආවේ මහා ෆයිල් ගොඩකුත් උස්සගෙන. වෙලාවකට මට මං එක්කම කේන්ති. ඕනෙ තරම් නිදහසෙ ඉන්න වෙලාව තිබිලත් මං හැම නිදහසක්ම නැති කරගන්න ඔක්කොම වැඩ මටම පවරගෙන තිබ්බා. ඒත් වෙලාවකට මේ වැඩ එක්ක ඉන්නකොට මට විකාර හිතෙන්නැති නිසා සැහැල්ලුවකුත් දැනෙනවා. ඕනෙම දේකක දෙපැත්තම ගැන මං හිතලා මට බැනගෙන මටම හොඳ කියාගන්න ජාතියේ කෙනෙක් මං.

"Good morning sir"

කැබින් ඩෝ එකත් ඇරගෙන ආවෙ මිස්ටර් හේමන්ත. කවදාවත්ම නැතුව අද කැබින් ඩෝ එක ඇරෙන ඇරෙන හැම වෙලාවකම මං ඒ දිහා බැලුවා. හේතුව දන්නවා. ඒත් මං ඒ හේතුව පිලිගන්න කැමති නෑ. මගෙත් වෙලාවකට තියෙන්නෙ මහ අමුතු ලොකුකමක්. සමයං.

"Take a seat mr.Hemantha"

"Thank you sir. Here is the file"

"හෙට වැඩ පිලිවෙල?"

"හෙට ලොකු audition එකක් නැ සර් කොහොමත්. අපි මේ choreographer කෙනෙක් අලුතෙන් ගන්නේ මිස්ටර් විදුලගෙ ටුවර් එක නිසාමනෙ. ඒත් සර් මට පොඩි පොඩි වෙනස්කම් ටිකක් කරන්න හිතුනා"

"Go ahead"

"සර් අපි මේ අවුරුදු දෙකේම choreographer audition එක තිබ්බේ members ලා පහක් ඉන්න්ස් panel එකක් ඉස්සරහනේ. ඒත් මේ පාර අපි panel එකට professional dancing coach ලව add කරගන්න බැලුවෙ. මොකද එතකොට අපිට හොඳම කෙනාගෙනුත් දක්ශම කෙනාව select කරගන්න පුලුවන් කියලා මට හිතෙනවා. අනික සර්-"

Knock knock

"Wait mr. Hemantha. Yes come in"

ඒ එක්කම මං ඩෝ එක දිහා බලලා එන්න කිව්වේ අමුතු හැඟීමකින්. ඇතුළට ආවෙ කෙයාන්. මං හුස්මක් පහළට දාලා ආයෙ මිස්ටර් හේමන්ත දිහා බැලුවා.

"ආ මිස්ටර් හේමන්තත් ඉන්න එක හොඳයි. මාත් ආවෙ හෙට වැඩෙ ගැන දෙයක් කතා කරන්න තමයි"

කියාගෙන මිස්ටර් හේමන්තට එහා පැත්තේ තිබ්බ සීට් එකෙන් කෙයාන් වාඩි උනා. කෙයානුත් ආව නිසා අපි පැයකට වඩා හෙට වැඩේ ගැන ඩිස්කස් කළා. ලේසි නැ. අපේ entertainment එක තමයි ලංකාවෙ පළවෙනි entertainment එක. ඒ නිසාත් අපි ගොඩක් ලොකු projects කරලා තියන නිසත් අපිට ලොකු පිළිගැනීමක් තියනවා. ඒ නිසාම ගොඩක් අය try කරන්නෙ අපේ entertainment එක එක්ක join වෙන්න. ඒ නිසාම හෙට audition එකෙටත් එන්නේ ලංකාවෙ ඉන්න සුපිරිම ඩාන්සින් බුලට්ස් ටිකක්. මොකද හෙට audition එකෙන් select කරගන්නෙ අපේ top artist කෙනෙක්ගෙ 1st world tour එකේ main choreographer ව. ඉතිම් ලේසි නෑ.