Love You So Much

Happy Birthday Lay Zhang

သို့ ချစ်မြတ်နိုးရပါသော Xing~

          ပထမဆုံး ပျော်ရွှင်စရာကောင်းတဲ့ မွေးနေ့လေးဖြစ်ပါစေလို့ ဆုတောင်းပေးပါတယ်။ အစစအရာရာရော အဆင်ပြေရဲ့လား။ ထမင်းရော သေချာစားရဲ့လား။ studio ထဲမှာပဲ မနားမနေ အချိန်ပြည့်အလုပ်လုပ်နေလောက်မလား။ ပျော်ရော ပျော်နေရဲ့လား။ အကောင်းဆုံးတွေကိုပဲ ချပြပေးချင်တဲ့ စေတနာကို သိပေမယ့် ကိုယ့်ကိုယ်ကိုလည်း အနားပေးဖို့မမေ့ပါနဲ့နော်။

မန်ဘာတွေအားလုံးကို ညီအကိုအရင်းလိုချစ်ခင်ပေး၊ ပိရိသတ်တွေအားလုံးကိုလည်း အချစ်တွေနဲ့ ပျော်ရွှင်အောင်ဖန်တီးပေး၊ ငယ်ရွယ်စဉ်အချိန်တွေကို ချစ်ရတဲ့သူတွေကို ဝေမျှပေးခဲ့ပြီး အခက်အခဲမုန်တိုင်းတွေကြုံလာရင်တောင် လက်တွဲမဖြုတ်ပဲ အခုအချိန်အထိ အတူတောင့်ခံပေးခဲ့လို့ အများကြီး ကျေးဇူးတင်ပါတယ်။

ပျော်ရွှင်ခြင်းတွေ၊ ချစ်ခြင်းမေတ္တာတွေ၊ နွေးထွေးမှုတွေ၊ ကြင်နာမှုတွေ၊ ဂရုစိုက်မှုတွေအားလုံးကို အကို့ကျေးဇူးကြောင့် အကုန်ခံစားသိမြင်ဖူးပြီးပါပြီ။ ညီမတို့အားလုံးကို ကြင်နာပျော်ရွှင်မှုတွေ၊ ချစ်ခြင်းမေတ္တာတွေပေးနေတဲ့အကိုလည်း အကြောင်းအရာတစ်ခုခုကြောင့် ပင်ပန်းရတာမျိုးရှိလာရင် မျိုသိပ်မထားပဲ ချစ်ရတဲ့သူတွေကို မှီခိုပြီး အားလုံးကိုဖွင့်ချလို့ရပါတယ်။ အကို့အနားမှာ အမြဲရှိနေပေးမယ်။

အတိတ်ကလည်း ချစ်ပေးခဲ့တယ်။ လက်ရှိမှာလည်း ချစ်နေပေးတယ်။ အနာဂတ်မှာလည်း ချစ်ပေးသွားပါမယ်။ အဲ့တာကြောင့်မို့လို့ အကို့ဘက်ကနေ ဘာမှမတွေးပဲ ချစ်ရတဲ့သူတွေ၊ ကောင်းမွန်တဲ့သူတွေနဲ့အတူ ကိုယ်မြတ်နိုးတဲ့ အနုပညာတွေလုပ်ကိုင်ရင်း ရည်မှန်းချက်ပန်းတိုင်တွေကိုရောက်ရှိနိုင်ပါစေ။ ပျော််ရွှင်ခြင်း ရပ်၀န်းထဲမှာ လွတ်လွတ်လပ်လပ်ရယ်မောရင်း ဘ၀ကို အေးအေးချမ်းချမ်းဖြတ်သန်းရမယ်နော်။

ချစ်တယ် Xing
မွေးနေ့မှာ ပျော်ရွှင်ပါစေ🤍